قصيدة ام لولدها الي حاذفها في دار العجزة.....

[معلومات العضو شيهانه على كف صقار]

	قصيدة ام لولدها الي حاذفها في دار العجزة..... -------------------------------------------------------------------------------- يامسندي قلبي على الدوم يطريك ,, ما غبت عن عيني وطيفك سمايا ,, هذي ثلاث سنين والعين تبكيك ,, ما شفت زولك زاير(ن) ياضنايا ,, تذكر حياتي يوم أشيلك وأداريك ,, وألاعبك دايم وتمشي ورايا ,, ترقد على صوتي وحضني يدفيك ,, وما غيرك أحد(ن) ساكنن في حشايا ,, واليا مرضت أسهر بقربك وأداريك ,, ما أذوق طعم النوم صبح ومسايا ,, يا ما عطيتك من حناني وباعطيك ,, تكبر وتكبر بالأمل يامنايا ,, لكن خسارة بعتني اليوم وشفيك ,, وأخلصت للزوجة وأنا لي شقايا ,, أنا أدري إنها قاسية ما تخليك ,, قالت عجوزك ما أبيها معايا ,, وخليتني وسط المصحة وأنا أرجيك ,, هذا جزاء المعروف وهذا جزايا ,, ياليتني خدامةٍ بين أياديك ,, من شان أشوفك كل يوم برضايا ,, مشكور ياوليدي وتشكر مساعيك ,, وأدعي لك الله دايم(ن) بالهداية ,, حمدان .. ياحمدان أمك توصيك ,, أخاف ما تلحق تشوف الوصايا ,, أوصيت دكتور المصحة بيعطيك ,, رسالتي وحروفها من بكايا ,, وإن مت لا تبخل علي بدعاويك ,, اطلب لي الغفران وهذا رجايا ,, وامطر تراب القبر بدموع عينيك ,, ما عاد ينفعك الندم والنعايا ,, ما أعظم قلب الأم .. منقــــــــــــــــــــــــــــــــــول شيهانه على كف صقـــــــــار

 

 

 

 

[معلومات العضو مسفر المصارير]

الف شكر على النقل

الله لايحرمك من الاجر

لعل يقراها قاطع في احد والديه ثم تؤثر عليه

ويمد حبل الوصل

قصيدة مؤثرة مؤثرة

ومرة ثانية وثالثة مشكورة مشكورة

 

 

 

 

[معلومات العضو ابو المثنى التركي]

رائع بارك الله فيك