وشـي طبيعـي لـو يـغـارون البـنـات.....للجمال [ أخبـار ] وإنتـي " مُوجـزَه "

[معلومات العضو شيهانه على كف صقار]

وشـي طبيعـي لـو يـغـارون البـنـات.....للجمال [ أخبـار ] وإنتـي " مُوجـزَه "

--------------------------------------------------------------------------------

قصيدهـ أعجبتني وحبيت تشاركووني روعتها وجزالتها فالمعنى

/
/
/
/
/
/

مـا هـي [ قصـة حُـب ] وإلاَّ ذكريـات
المشاعـر ( جيـش ) .. وقلبـي مَرْكِـزَه

صرتي لي " خامس جهه " لأربع جهـات !
وصورتك في وسـط عينـي [ مبـرْوِزَه ]

كنَّ ربِّي .. ما خلـق غيـرك / بنـات !!
إن طروا غيـرك .. أحـس ب " نرفـزَه "

وكنِّـك إنتـي جامعـه كـل الصـفـات !
الحلا .. والزين .. وعين [ مطـرِّزَه ] ...

هـاك قلـبٍ صـار عاشـق تضحـيـات
و [ الهدف ] من شان " عينـك " يحْـرِزَه

إن خلطتي الماي فـي " سكَّـر نبـات " ..
وقلتي لي " إفرزه !! راح أفرِزَه ...!!

فـي كلامـك يستلـج فيـنـي السـكـات
ومن جهل طبعك يظنِّـك ( مِخـرِزَه ) ..!!

واثـق الخطـوه وأمشـي فــي ثـبـات
ويوم شفتـك الخطـاوي [ مهَزْهِـزَه ] ..!

مـو ب كيفـي هـي كــذا والله جــات
قلبي كرسـي " صعـب " غيـرك يحْجِـزَه

عيشتي دونك .. يساويهـا .. الممـات !!
وإنتي عشتي .. فـي حياتـي " معَـزِّزَه "

يعني قبلك .. كنـت أنـا كلِّـي / شتـات
وصرت أجمعلك شتاتي .. و .. أكنِـزَه ..!

وشـي طبيعـي لـو يـغـارون البـنـات
للجمال [ أخبـار ] وإنتـي " مُوجـزَه " ..

ومـن يشوفـك الـلِّـي يتكـلَّـم لـغـات
قام يخربط والـ(إذا) صارت( إزَه) ..!!

والثقيـل اللـي يسولـف فـي سـكـات
من يشوفـك عـاش حالـة / لعـوَزَه ..!!

ولـو تبوسـي إنسـان لـه أيَّـام مـات
قـام يركـض !! حـس قلبـه ينْغِـزَه ..!

وقلبـي اللـي نـام فـي عـز وسـبـات
غيـرك إنتـي .. مـا أظـن ( يفـزِّزَه )

واللِّي قالوا لما جـت : " الحلـوه جـات "
جنبك إنتي ..؟ صـارت أكبـر [ مَطْنَـزَه ]

لا تغـاري .. مـن كــلام المعجـبـات
ماني مثـل اللِّـي .. يحـب " الـرَزْرِزَه "

ياما قالوا ( الحُـب ) يصنـع معجـزات ..
وإنتي [ حُبك ].. في حياتي " مُعْجِـزَه "


شيهانه على كف صقار

 

 

 

 

[معلومات العضو مسفر المصارير]

واااااااااااااااااااااااااااااو

قصيدة عصرية عذبة جزلة صاحبها مبدع بل في غاية الابداع

اشكرك على حسن اختياراتك في المشاركات

وهذا ان دل على شي يدل على ذوقك الرفيع

 

 

 

 

[معلومات العضو شيهانه بكف صقار]

ماشاااااااااااااااااااااااااااء الله

صراحة كلمات ولا اروووووع جد الي كاتبها شاعر محترف

صح الله لسانه ولسان الناقل
ابياااات قمة في الروووعة راقت لي مررره

تسلمين يالغلا ع النقلة الموفقة

ارررق واعذب التحااااااااااااياااااااااااا

 

 

 

 

[معلومات العضو راشد محمد المقابله]

صح السان الشاعر

ولاهنتي على نقل هذه الأبيات الجميله والعذبه

تحياتي

 

 

 

 

[معلومات العضو ابو عمر الشمري]

شيهانه لاهنتي بس الخط يبي واحد نظره سته على سته
تعرفين حنا الشيبان الشوف عندنا مش ولا بد