قصيده لــ تركي الفين

[معلومات العضو مسفر المصارير]

بسم الله الرحمن الرحيم

هذي قصيده للشاعر الجماهيري : تركي الميزاني المطيري

(( تركي 2000 ))

شارك بها في شاعر المليون :

فاح عطر القصيد وغردن الفرايد = من ضميرٍ على بدع المثايل رهاوي
وشلعن من غصون الشعر ندر القصايد = شردن ما يروضهن قريب الهقاوي
وأستوت طبخة المعنى بجمر الوقايد = لين ذيب القصيد من الوله جاك عاوي
حالف أني لعلقها قلايد قلايد = لان ما عاد تطلع من ذهن كل راوي
وكان ما رضيت راعي الموهبه والمحايد = والله أني لصير عن القصايد نحاوي
أعشق الشعر وآخذ من سنيني فوايد = واتزود وانا اللي ما قطعت الرجاوي
جعل يومٍ جمعنا في الإمارات عايد = دولة ما حكمها غير حر نداوي
لين صار الأمن والعز والخير سايد = ومن يجيها فقير يروح منها غناوي
أعشق ترابها واحبها حب زايد = ودي اروح عنها مير ماني بقاوي
املكتني وانا قلبي من الحب جايد = وحبها ما يداويه الطبيب المداوي
ودعت قايد غالي وفرحت بقايد = عنده اكبر مصيبه مثل شرب القهاوي
وله عضيد على هامات الأمجاد رايد = منهو اللي براع المجد والطيب غاوي
سِعد منهو تعزوى به نهار الشدايد = يوم فعل الشجاع يبين وقت العزاوي
وانا من دولةٍ فيها وساع البنايد = دولة الآ السعود مزبنين الجلاوي

وسلامتكم

إن شاء الله تحوز على رضاكم

تقبلوا تحياتي

 

 

 

 

[معلومات العضو حنيان الدوسري]

مشرفنا الغالي : مسفر المصارير

صح الله لسان شاعرها وادام الله لنا ناقلها

وفقك الله

 

 

 

 

[معلومات العضو عبدالرحمن الشرافي]

وانــا مــن دولــةٍ فيـهـا وســاع البنـايـد=دولــة الآ السـعـود مزبـنـيـن الـجــلاوي

الله الله



اخوي بو نايف


لاهنت على النقل

وصح الله لسان بو راهف

وقصيدة جزلة


ونتمنى له التوفيق والنجاح فالبرنامج


وتقبل فائق التحية والتقدير

 

 

 

 

[معلومات العضو ابومبارك الدوسري]

المشرف الغالي // مسفر المصارير

تسلم يمناك ويسلم فكرك على هذا الإختيار


أخوك

خلف الدوسري