الهيضل والنخوة العربية

[معلومات العضو بدران البدراني]

السلام عليكم ورحمة الله وبركاته.
قصة الهيضل تحكي للناس عن شجاعة هذا الرجل
هو مناحي الهيضل (راعي البرصا)
كان الملك عبدالعزيز جالسا في مجلسه مع شيوخ القبائل
وكان الهيضل من ضمنهم
التفت الملك عبدالعزيز إلى الهيضل وقال له اسألك
بالله ان تقول لي سالفتك مع الحربي
قال الهيضل ذات يوم كنت ذاهبا إلى محسن الفرم
وعندما وصلته اكرموني الحروب وكنت في مجلس الفرم
وفي وقت الظهر صاح الصايح ان ابن رشيد اخذ الابل
قام الفرم والحروب معه وركبوا خيولهم
ولحقوا ابن رشيد.
وعندما تاخروا جائتني بنت الفرم تصيح وتنخاني.
عندها فكرت وقلت في نفسي ان المعركة بين شمر وحرب
وانا مالي دخل فيها وقامت البنت تصيح وتنخى
فركبت الفرس واخذت الشلفا وذهبت إلى ارض المعركة
وعندما وصلت المعركة وجدت ان شمر واقفين دون والحروب
لاحول لهم ولاقوة
فهجمت على شمر لوحدي ولا اشوف هاك الاسمر الداهية دون الابل
وكان احذف عمري عليه يوم شافني ويسحب رمحه ويقبل علي
كان اجنب عنه ويرميني برمحه ويخطيني واعود عليه
واضربه بالشلفا وكان يطيح من فرسه ويموت
ويم شافوا شمر فارسهم مقتول ويهجون ويتركون الابل.
واسترد الحروب ابلهم.

وكان الفرم حاضرا في مجلس الملك ويقوم ويقول انا اشهد انه صادق
ياابن سعود.

واسف على الاطالة.
وشكراااااااااااااااا.

 

 

 

 

[معلومات العضو سعد المقابله]

لاهنت وبيض الله وجهك

الله يرحمهم اجمعين

 

 

 

 

[معلومات العضو الركن]

لاهنت اخوي بدران بذكرك لهذه القصة

 

 

 

 

[معلومات العضو بدران البدراني]

وجهك ابيض
وشاكرر ومقدر لمرورك

 

 

 

 

[معلومات العضو الواضح]

يستاهل أمير الدعاجين

فلهم قصص مثيرة

 

 

 

 

لاهنت وبيض الله وجهك

الله يرحمهم اجمعين

 

 

 

 

[معلومات العضو ابو زابن المسعري]

لاهنت اخوي بدران بذكرك لهذه القصة

وبيض الله وجهك

 

 

 

 

[معلومات العضو بدران البدراني]

وجهك ابيض
يالركن
وشاكرر ومقدر لمرورك

 

 

 

 

[معلومات العضو مكمل القصيرة]

بسم الله الرحمن الرحيم
ابن العم بدارن البدراني
شكرا على هذه القصة
وننتظر المزيد من الإثراء لهذا المنتدى
أخوك مكمل القصيرة

 

 

 

 

[معلومات العضو كلاش]

الله يرحم موتى المسلمين ومناحي الهيضل غني عن التعريف

وهو من يقول فيه الشاعر ( أزبن على برقا يفكك مناحي )

لكن مسألة خوضه لغمار المعركه وطرده لجيش بن رشيد

فهذه مسألة تحتاج لتقصي لأن أثباتها ثامن المستحيلات ..

ألا أذا كان المقصود غزوة عقيد من شمر ( مغير ومنير) مثل مايقولون

فهذه يمكن تصديقها ،،

وعلى العموم سبق لشاعر من شعراء عتيبه القدماء أن شرح معاناة

القبائل من حرب بن رشيد ومعه شمر أذا عصوه ولم يدفعوا الزكاة

وهي تبين لك قوة بن رشيد وجبروته وتسلطه على عربان نجد

بما يناقض تلك الروايه عن الهيضل ومن القصيده ،،،

ألاواشيب عيني من منازا الخيل فالتومان***ليا من روحّت خيلٍ لياخيلٍ تناحينا

حدونا في لهيب القيض لامزهب ولاصملان***عسى ربن كتب هذا علينا مايخلينا

والتومان فخذ من شمر والقصيده طويله تصف كيف تشتتهم بعد غارة بن رشيد عليهم

وليت هناك من يسعفنا بها وبدوري سأحاول البحث عنها وأيرادها كامله ؛؛؛؛؛

 

 

 

 

[معلومات العضو كلاش]

كما وعدتكم هذه القصيده كامله لأبن شويب الجذع العتيبي

وهي رائعه جداً وتبين لك صدقهم عليهم رحمة الله جميعاً ،،،

الآيالله طلبتك يا مقـل الطيـر بالجنحـان=مقله فالهـوا يكفـخ بزينـات الجناحينـا
كما انك قادر تنجي من اللي ياخذ العربـان=اخو نوره محمد لا ظهر بالجيش ناصينـا
الايامير توبـه مالـك الله نـطرد السبهـان=لعلك دايـم بالعـز وأنـت اللـي تزكينـا
الاوشيب عيني من منازا الخيـل بالتومـان=ليا من روحّت خيـلٍ ليا خيـلٍ تناحينـا
الا لاعدت يايوم جرى من يمة البرقـان=نهار البيرق الجاير عـن الحلـة يعدينـا
حدونا في لهيب القيض لامزهب ولاصملان=عسى ربـي كتـب هـذا علينـا مايخلينـا
ذبح تركي ذبح متروك مع شبابة النيـران=يحسبون الضياغم نجـع صـلاح تناحينـا
غدينا عقب ماحنا عرب نمشي مع السيـدان=على قطعـة حميـر يقـدع اولنـا لتالينـا

 

 

 

 

[معلومات العضو ابن محمد الودعاني]

لاهنت اخوي بدران على الموضوع والله يرحهم جميع

 

 

 

 

[معلومات العضو ابو زيد الغييثي]

اشهد انه فارس


وبيض الله وجهك يابدران

اما ابياتك ياعبده مجرشي

قيلت في مقتل تركي ومتروك المحيا شيوخ الحناتيش وهم من افرس اهل زمانهم

قتلهم ابن رشيد في احدى غاراته عليهم

 

 

 

 

[معلومات العضو بدران البدراني]

وجهك ابيض
الواضح
وشاكرر ومقدر لمرورك

 

 

 

 

[معلومات العضو عبدالعزيز الدلبحي]

بيض الله وجهك يالبدراني على نقل هالقصة

وكلن فيه حقه .. وشمر ما هم بسيطين وتاريخهم معروف

=======

بالنسبة للأخ/ مجرشي ، فيعلم الله لو أني اشك ان اسمك فعلا مجرشي مارديت عليك

بس ما ظنيت .. وبن شويب الجذع أول مرة اسمع به هو وقصيدته اللي ذكرتها، وعلى فرض التسليم بصحتها فيظل ابن شويب شخص عادي .. يعني مهوب شيخ ورأيه يمثله هو فقط .

ولكن هل سمعت بالشيخ/ برغش بن طواله الشمري؟؟

الشيخ برغش الله يرحمه ويرحم اموات المسلمين له قصيدة في قبيلة عتيبه وبالتحديد في قبيلة الروقه يقول فيها:

نو نشا من روس عـالي جبـالـه
وخيّل على ابن حميد هو والشيابين

وعقب اوجهوا جاء فزعةٍ من شماله
بالآد روق مرجـــحيـن الموازين

مالوا علينا ميلـــةٍ باحتـمالـه
وألهوش باه وتالي الفعل جاء شين

من ضرب اهل عمهوج رحنا دباله
مار اقمحن يا لابسات السباهـيـن

ما كن قشعه في جماهير جاله
قنيب ذيبٍ في علو الضلاعين

وابن محيا ضايقـــونا عيالــه
وصكوا على شمر سوات الشياطين

وشبت حرايقها وراحت اشعالـه
وعارض حرايقها مهار ومتاقين


هذا ما احفظه من القصيدة وهي اطول من هذا، وأهل عمهوج هم العضيان قوم الضيط ، وابن محيا شيخ الحناتيش.

ما أريد قوله هو: هل هذا يعني أن عتيبة كانت مسيطرة على ابن رشيد، والشاهد قصيدة احد شيوخهم؟؟
بالطبع لا، الايام دول كما يقال والحروب كانت سجال ويوم لك ويوم عليك ...

فهمت يالحية مجرشي؟؟

الله يهب لك عافيه