[ التّيِه ] - قصيدة لـ : سامي بن محمد السديري

[معلومات العضو جزل الفرايد]

التـّــيِه

**

سامي بن محمد الأحمد السديري
يثأر لـ والده

*
*

مشيت في وادٍ من التّيه مزروع
طلحٍ وسمْر وشبرمٍ مع كتادي
،

وادي الخنا وادي الظما وادي الجوع
وادٍ على المخلوق غبن ونكادي
،
دربه نكاد وكن مشيّ على الكوع
وصبرت صبرٍ ماقواه المهادي
،

ماشفت به غرّ المها جفل وارتوع
سكنه غراب الشوم هو والجرادي
،

أهل الوفا ماجوه زوّار وانجوع
والبوم بين اغصون شوكه ينادي
،

ماجاه من وبل المطر وسم وارموع
مافيه كود البرد بقران حادي
،

عسى المطر وإن جاه صيحات وادموع
وزفرات غّلٍ يجرَحنّ الفوادي
،

صيحات لوعاتٍ بعد نوم واهجوع
يصبح بعدهن كل حيّ رمادي
،

انشدگ ياماشي على غيرمنفوع
مدري وصلت الدرب ولا
أنت غادي ؟
،

وش هابطٍ قبل امس واليوم مرفوع
مدري من الحيين و لا جمادي ؟
،
خالٍ وخبلٍ لو لبس طاس ودروع
هذي وصوفه لو ركب بالشدادي
،

خلق الكريم اجناس تابع ومتبوع
وخلقه غريب مجلّلٍ بالسوادي
،

لو هو من الصلصال نابت ومصنوع
املوسنٍ .. ماله شبيه يشادي
،

به من حلايا الدب لمحات واطبوع
وبه من حلايا اللي بخشمه يقادي
،

عوجٍ اخطاه وبه حجاجيل وضلوع
أبوه من نورٍ وهو من سمادي
،

الأكل قدامه وهو يشكي الجوع
واجمع من النمله ليال الحصادي
،

خلخال ديكٍ علقوا فيه قرقوع
الناس في وادي وهو وسط وادي
،

طوله ذراع ونصف يقصر عن البوع
ويشرب بدلوٍ ما قضبه الورادي
،

خبلٍ خبيثٍ خالي العقل مصروع
لولاب شر بالمجالس يدادي !
،

لوبِيع مايسوا مع الناس جربوع
ويامدروين اسماه باتلاه صادي

*
*
اضغط هنا

*
*
*

 

 

 

 

[معلومات العضو الكاتم]

الله يرحم السديري اشهد انه ورّث شاعر
صح لسانه مليارات