رافعين المعنويه

**معلومات** **العضو** · 20-01-2011, 12:53 AM

هذي ابيات قلتها يوم كنت في الدوره ال45العسكريه وعسى تنول اعجابكم....

لا سقى الله يوم جينا العسكريه**لاكن المكتوب ماعنه مجالي
عسكرونا بين ليله واضحويه**واسخرونا لين ورونا الهبالي
لا كلاماً زين وانفوساً دنيه**والعمايل لو باسولف هم لالي
والنهائي سيطره وايضا قويه**في عذاب العسكري عنده حلالي
لو تحرك هيه ياكبر الخطيه**هولو ذنبك على كبر الجبالي
وذي إضافه من نقيب وداخليه**وعرضونا لشموس ولصوالي
دحرجه من ميزك لحد السريه**ازحف وشنكر وقفز يالنعالي(تكرمون)
هروله من فجر لاحد العشيه**ومن مشى مايهتني نوم الليالي
لاكن انا رافعين المعنويه**ومايحمل الكايدات الا الرجالي
هانت بفضل الولي رب البريه**ومن صبر يرقى على روس العوالي

**معلومات** **العضو** · 20-01-2011, 12:59 AM

ههههههههههههههههههههههههه
صح لسانك واعتلى شانك اعجبتني كثير
وهناك الخلاص من الدورة العسكريه وهذه ذكريات جميله بتذكرها بعد سنوات ان شاء الله ولو اني مدرب عندكم كان حجزتك خميس وجمعه على هالقصيده هههه

**معلومات** **العضو** · 20-01-2011, 01:13 AM

صح بدنك وهناك خير.
الحمد لله انك منتب عندنا ههههههههههههههههه..
شرفتني بمرورك

**معلومات** **العضو** · 20-01-2011, 02:05 AM

صــح لـســـــانـكـ يـاراشـــــــــــد

دمت بحفظ الرحمن

**معلومات** **العضو** · 20-01-2011, 01:25 PM

هانت بفضل الولي رب البريه**ومن صبر يرقى على روس العوالي

الله الله

اي بالله هانت
وفاز باللذات من كان جسورا

اللي يخلص من الدوره 45 يوم اللي بعدها ايسر منها

واسأل الله لك التوفيق وصح الله لسانك

**معلومات** **العضو** · 24-01-2011, 02:34 AM

صح لسااانك يابو سفر

انا اشهد انك صورة حال المعهد وعسكره

الله لايعيد ذيك الايام هههههه

لاهنت ياطويل العمر والله يوفقك

تحيااااااتي.

**معلومات** **العضو** · 24-01-2011, 02:46 AM

صح لسانك يابو سفر ولاهنت وبيض الله وجهك

**معلومات** **العضو** · 03-02-2011, 01:19 AM

بيض الله وجيهكم على المرور نورتو متصفحي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية