الشاعر/ عبدالله بن فهيد الدوسري (راعي الاسياح)

[معلومات العضو فيصل بن جزاء]

هو الشاعر/ عبد الله بن فهيد الدوسري أحد شعراء الأسياح المعروفين وأحد تلاميذ الشاعر والراوي الكبير الشيخ منديل الفهيد طرق كافة ألوان الشعر ويجيد شعر الوصف والهجاء بشكل خاص وله تجربه جيدة في مجال شعر المحاورة والمساجلات وكان ضمن من حاور أستاذه ومعلمه الشيخ منديل الفهيد وتناقل الشعراء احد ردوده التي قال فيها

ما عاش بالمرجلة والمدح رجل ذليل =نبي نخاطر سوات الذيب سرحانيه

شارك في حرب فلسطين أيام النكبة ضمن الجيش السعودي ومكث هناك فترة طويلة ثم انتقل الى بعض دول الخليج في رحلة البحث عن الرزق ثم توفيت زوجته الشابة وتركت له مجموعة من الأطفال الصغار الذين عكف على تربيتهم ممتنعا عن الزواج ودخول أي امرأة غريبة على ابنائه الى ان كبروا واستقلوا بأنفسهم ولا زال أمد الله في عمره موجودا ويمارس نظم الشعر كما كان بكافة ألوانه وهو حاليا ضمن القلة الذين يحفظون شعر المنطقة غير المدون .

ومن القصائد التي طلبت كثيرا والتي قالها في رثاء زوجته الاولى أم أبنائه:

اعوي أعوى ذيب(ن) براس الجذيبة =هايف على جون(ن) من الناس خالي
واعوي كما سرحان واقنب قنيبه =على عشير(ن) بالمودة صفالي
الوافي اللي بالردى ما حكي به =لو دلهوني عنه ماني بسالي
ما نساه كود الشمس تخلف مغيبه =وسهيل يرحل من جنوب لشمالي
جعله مع الابرار يكتب نصيبه =يا الله عسى له منزل(ن) بالعلالي
من لا مني عساه يفقد حبيبه =عساه يجري له مثل ما جرى لي
يبور به عمه وأخوه ونسيبه =ما احد يبي شوفه بلاه ألعيالي
عياله صغار ومن يبي يعتني به =وضاقت عليه ايامها والليالي
وتسهلت من عقب ماهي صعيبة =الفضل للمولى عزيز الجلالي
وصلوا على اللي كلنا نقتدي به =على شفيع الخلق أول وتالي

وله ضمن قصيدة غزليه :-

البارحة عيت عن النوم عيني =عزاه يا عين(ن) تزايد غضبها
العين هلت دمعها كا لشنيني =وليا عذلت العين قلبي غصبها
ما همني دنيا ولا هم ديني =لا شك ذي دنيا كثير(ن) نشبها
لا فتني الدنيا بحبل(ن) متيني =عزي لمن مثلي يضيع سببها
عليك يالمجمول صاف الجبيني =حصة بحر ما فكها من قضبها

وضمن القصائد التي تناقلها الناس خصوصا بيتها الخامس والذي ربط به بين العشق وتظيير الناقة والتظيير هو حيلة يقوم بها ابناء الصحراء لإيهام ناقة مات (حوارها) أنها ولدت مرة أخرى ويؤتي لها بحوار ناقة أخرى ميته

البارحة عيا يهملج نظيري =النوم خلنه عيوني سراقه
على الذي حبه بوسط الضميري =الصاحب اللي ما رضينا فراقه
لو كان أنا أشوف الفلك مستديري =ما للزعل بيني وبينك علاقة
أنتي على الخفرات مثل ألمديري =عندي وكل له مع الناس فاقه
الحب يالعشاق شر وشريري =يظير المخلوق تظيير ناقة
من لام راع الحب خبل(ن) غريري =ماذاق لوعات الهوى واصطفاقه
وجدي عليها وجد ورع(ن) صغيري =عقب أمه افخت من حنان ولباقة
افخت حنان أمه ونوم السريري =وقاموا يعاجونه بخبث وحماقة

وله في زوجته قصيدة قال أنها استجيبت دعوته بعد أربعين عاما عندما وقف يستمتع ببلدوزر احدى الشركات تدك أنقاض بيته الباقية:

يادار عقب مغيزل العين عفناك =القلب يجفل كل ماشاف بابك
العفو ماكنه وطابك ولا جاك =أيضا ولا كنه برجله وطابك
امنول يادار نفرح بطرياك =واليوم ولي لا تلافت إركابك
عقب الغلا يادار بالرخص بعناك =والله لو يقلب زمرد ترابك
لعل ابو جنزير يادار ياطاك =وشهب النجوم تساوي اللي بقى بك

ولان هناك اعتقادا لدى عامة الناس (لم ينف ولم يؤكد حتى الآن) بوجود علاقة بين (دم) قبيلة البرزان (من السهول ومن مطير) والشفاء من مرض السعار( الغلث) او داء الكلب المميت فان الشاعر قد استشهد في بيت قصيدته السابع بهذه العلاقة التي قلنا أنها لم ينفها او يؤكدها الطب حتى الآن:

الله من جفن(ن) عن النوم قازي =الناس نيمينن ونومه يعوزه
لا كن وسط العين ينثر قزازي =وإلا النويفج وسط عيني اركوزه
على عشير(ن) بالمعاليق لازي =بأقصى ضمير القلب ليم أكنوزه
بيني وبينه عشرة بالعزازي =وغيري فلا والله لك الله يروزه
هذي حلاته يوم هو ما يرازي =ديني على دينه ورمزي رموزه
العنق عنق اللي تقود الجوازي =والعود ريان(ن) تقل عود لوزي
أنا عضيض الغلث وهو (ألبرازي) =ادواي بين شفاه ما حلى مزوزه

ومن لديه اضافه او يعرف عنه الكثير نأمل اضافتها في هذا الموضوع

الكاتب / فيصل بن جزاء

حقوق النسخ محفوظه لموقع الدواسر الرسمي

 

 

 

 

[معلومات العضو ابو زيد الغييثي]

بيض الله وجهك يا ((قرم ال نابت ))

والسوال الذي ((يسدح نفس))

الشاعر من اي الدواسر ؟؟

وجعل يمناك مايجيها العطب


محبك ومغليك

ابو زيد الغييثي

 

 

 

 

[معلومات العضو أبونواف الدوسري]

الأخ فيصل بن جزاء

الله يجزاك خير علي هذا الموضوع.

وعسي الله يطول بعمر الشاعر عبدالله بن فهيد ويحفظه لأبنائه.

أخوك أبو نواف الدوسري.

 

 

 

 

[معلومات العضو فيصل بن جزاء]

المشاركة الأصلية كتبت بواسطة ابو زيد الغييثي

بيض الله وجهك يا ((قرم ال نابت ))

والسوال الذي ((يسدح نفس))

الشاعر من اي الدواسر ؟؟

وجعل يمناك مايجيها العطب


محبك ومغليك

ابو زيد الغييثي

لاهنت على مرورك وهذي المعلومات اللي عندي ومثلك ابي اعرف
اي فخذ من الدواسر ونتمنى اللي يعرف يفيدنا

تقبل التقدير والاحترام

 

 

 

 

[معلومات العضو فيصل بن جزاء]

المشاركة الأصلية كتبت بواسطة أبونواف الدوسري

الأخ فيصل بن جزاء

الله يجزاك خير علي هذا الموضوع.

وعسي الله يطول بعمر الشاعر عبدالله بن فهيد ويحفظه لأبنائه.

أخوك أبو نواف الدوسري.

لاهنت على المرور طال عمرك ياابونواف

تقبل التقدير والاحترام

 

 

 

 

[معلومات العضو طالب المجد]

لا هنت يابو جزاء ......وصح الله شاعرنا

 

 

 

 

[معلومات العضو @الجابر@]

لا هنت يابو جزاء ......وصح الله شاعرنا

 

 

 

 

[معلومات العضو فيصل بن جزاء]

المشاركة الأصلية كتبت بواسطة طالب المجد

لا هنت يابو جزاء ......وصح الله شاعرنا

لاهنت على المرور ياطالب المجد

 

 

 

 

[معلومات العضو فيصل بن جزاء]

المشاركة الأصلية كتبت بواسطة @الجابر@

لا هنت يابو جزاء ......وصح الله شاعرنا

لاهنت على المرور ياالجابر

 

 

 

 

[معلومات العضو اسد الغابه]

يعطيك العافية

 

 

 

 

[معلومات العضو فيصل بن جزاء]

المشاركة الأصلية كتبت بواسطة اسد الغابه

يعطيك العافية

لاهنت على المرور يااسدالغابه

 

 

 

 

[معلومات العضو برحل]

السلام عليكم ورحمه الله
اسم الشاعر عبدالله بن فهيد البخيتان الحجي الودعاني الدوسري
سابقا من سكان الاسياح وهو الان من سكان مدينه الرياض
لكن لدي بعض التعديل
ذكر بان الشاعر عبدالله بن فهيد من تلاميذ الشاعر منديل الفهيد وهوا ليس من تلاميذه بل من اصدقائه ولهم عده مساجلات شعريه

 

 

 

 

[معلومات العضو مبارك بن شافي النتيفات]

لاهنت يافيصل والله يبيض وجهك على طرح مثل هذه المواضيع القيمة

تحياتي وتقديري

 

 

 

 

[معلومات العضو فهد المقابله]

الأخ فيصل بن جزاء

الله يجزاك خير علي هذا الموضوع.

وعسي الله يطول بعمر الشاعر عبدالله بن فهيد ويحفظه لأبنائه.

 

 

 

 

[معلومات العضو بخيت الغييثي]

الأخ فيصل بن جزاء لاهنت يالذيب وبيض الله وجهك على النقل