القزلان والجبابرة

[معلومات العضو عبدالرحمن الجبابرة]

السلام عليكم ورحمة الله وبركاته
الشاعر القدير : ناصر القزلان ولقبه ( نديم الليالي ) شاعر خبير من بني تميم وغني عن التعريف .. يقول ناصر حفظه الله في إبداع من إبداعاته
.
.
.


كلما غابت عيونك عن عيوني ساعه
صار همك لي عقال وحسرتي طاقيه

آخذ الليل الطويل ودمعتي مرتاعه
بين نسناس الشمال وريحة الشاميه

يوم جيت آخذ شماغي من على الشماعه
شفت شماعة حياتي في خيالي حيه

رحت أعلق بانتظارك روحي الملتاعه
واكتب الشكوى قصيده لونها ورديه

جبت من قلبي حروفي بالوصل طمّاعه
كلما وجهت وجهي يمّة الشرقيه

لاتخلي مركب اللوعه يفل شراعه
في محيطات العذاب ويغرق الحنيه

ياوسيع البال بالي مالقا مرباعه
غير في ذيك العيون وروحك السحريه

لو بدا لي مابدا لي يوم أشد ذراعه
واكشف المستور تحت الغاره الجويه

حنتي حنة خلوج ٍ شافت الطماعه
ياخذون حوارها منها على اللوريه

يوم قفوا في ولدها وصدمتها الراعه
أرزمت مثل السحابه حزة العصريه

ياطبيب القلب قلبي ماعرفت أطباعه
فيه هم وفيه شوق ويعشق الحريه

اترك التخطيط عنا واترك الولاعه
لاتقيس النبض عندي علتي مخفيه

شوف لي وشكثر أحبه في حدود الطاعه
في خلايا الدم تجري صورته عفويه

حطني تحت الجهاز وشغل السماعه
قبل ماتقضي علي السكته القلبيه

علتي ودواي شاره من علو أصباعه
والبلا كل البلا باللوحه الخلفيه

لاتلومون الغريق اللي يخط ابداعه
شاعر ٍ مايرقد الا فوق راس الحيه

.
.
وماجاراتي له
:

مرحبـاً اعــداد مـاهـل الـبـدر مطـلاعـه
بخـو يـا ي والتـحـايـا ريـحـهـا عـطـريـه

لـك بقلبـي ياالغلا ويالنقـا واشعـاعـه
كــل حــب وكــل ود وهامـتـك مرعـيـه

هاضني بعض اخوياي وشدّني بابداعـه
والمـشـاعـر دايـمــاً بقـلـوبـنـا مـكـسـيـه

ياهمـامـي يامراسـيـل الـهـوى واتبـاعـه
انقلـوهـا وابعثـوهـا بـالـوصـل محـمـيـه

( يانديـم الليـل ) منـي لـك ســلام وداعــه
واستلم يـا ناصـر القـزلان ذا البرقيـه

الهـواوي خافقـه مـا يملـكـه لــو طـاعـه
دالـــه بـيـومـه ولـيـلـه تـركـبـه جـنـيّــه

يسـرح بـذود الخيـال ومـا معـه فزَّاعـه
غـيـر شـوقـه والتـوجـد موتـتـه حتمـيـه

ان شكى بيّح سدوده وانكشف مصراعه
وان كتمهـا مـات علّـه (سكـتـةٍ قلبـيـه)

يانديمي : ظبـي ريمـي إختلـف بطباعـه
مادريت احسبْه صافي بالصفا والنيه

للأسـف لومـا يعـدّل غلطتـه واوضاعـه
إنسحـابـي مــن هــواه بـــادره حتـمـيـه

والنـهـايـه والـبـدايـه ريـحــة النعـنـاعـه
فـي اليبـاس بـعـد مــده تفـقـد العطـريـه

وسلامتكم

 

 

 

 

[معلومات العضو فهد فارس الصخابره]

صحت السنتكم
مبدعين يالغالي
بيض الله وجهك

 

 

 

 

[معلومات العضو ناصر بن فهد]

صح لسانكم وآعلتى شانكم , مبدعينُ ثم مبدعينُ .
لاهنتم وبيض الله وجهيكم

 

 

 

 

[معلومات العضو محمد مطلق آل بريك]

صح الله ألسنتكم
مبدعين والله
تحياتي وتقديري ,,

 

 

 

 

[معلومات العضو شافي بن راشد النتيفات]

صحت السنتكم ولاهنتم

 

 

 

 

[معلومات العضو راشد المسعري]

ارحب ياعبدالرحمن

صح لسانك ولسان القزلان

ابدعتوا يالنشاما

تقبل ودي وتقديري ،،،

 

 

 

 

[معلومات العضو دغش بن حمد بن منصور]

الله الله الله على الابدااااااااااااااااااااااااع

من ناصر القزلان ومنك يالشاعر الجزل

صح الله السسسسسسسسسسنتكم

وبيض الله وجييييييييييييييهكم

والله لا يهينكم

كلامنا وردودنا مايكفي في حقكم ولا في قصيدكم


لا خلا ولا عدم