هذه بعض روايات الأمير والفارس الراحل شيبان بن قويد

[معلومات العضو {أبن قويد مسعر}]

	[align=center]{بسم الله الرحمن الرحيم} (السلام عليكم ورحمة الله وبركاتة) هذة بعض من روايات الأمير/ شيبان ابن قويد المساعرة\ رحمة الله واسكنة فسيح جناتة من هو شيبان بن قويد ؟ هو الشيخ والفارس والشاعر / مترك بن بادي بن وديكان بن معدي بن سلطان بن قويد وال قويد من المساعرة من صهيب بن زايد ويلقب بشيبان ولهذا القب روايتان الاولى وهي انه سمي بشيبان لكثرة الشيب في رائسه والثانية سمي بشيبان لاصابة بمرض البرص وهو صغير وهو احد مشايخ وفرسان وشعراء قبيلة الدواسر ميلادة وطفولته ولد شيبان بن قويد في اوائل القرن الماضي تقريبا سنة 1310 هـ وفي رواية سنة 1313 هـ وكان مولدة في وادي الدواسر ويؤرخ مولدة بمعركة سميت الليلية والتي دار رحاها بين اعمامة وبين اخوالة ولقد نشاء يتيم الاب منذو طفولته وكانت نظرة المجتمع لة دونية لانه كان مريض بضعف النظر وكذلك بالبرص وكان اكثر من يهبط ويزعزع همتة هي عمتة ولكن شيبان لم يلقي لتلك الامور اية اهمية حيث ساهمت كل هذة التايرات النفسية والاجتماعية والقبليةوالاسريةفي تكوين شخصية شيبان بن قويد شاعريتة/بانت وتكونت شاعرية شيبان بن قويد منذوا المراحل الاولى من عمرة حيث ساهمت الاحداث والتاثيرات النفسية والقبلية في نبوغة في الشعر وشاعريتة لايختلف عليها اثنين وكان يتميز شعرة بالفصاحة والجزالة وقوة المعاني وجمال الصورة التعبيرية الأبل وهو معروف ان كثرت ابله من كثرمغازيه ويختار افضلها واطيبها وان{ أبله أسمها أركباء,,,, والوانها صهب ومجاهيم,,,,, ووسمها{الكاز},,,,,,,,, وبعد ما غزا وكسب ابل طيبه مر على غدير لتشرب الأبل وكانت وحدة من مطاياه متأخره وضاعت وارسل ولدة خميس بن شيبان حفظة الله يبحث عنها ويردها ومر يومين وماجا الولد وثالث يوم بشروه بسلامة ولده والناقه وقال هذه القصيدة: يـا مرحبـا جاتنـا الظالـع وراعيهـا=بالغايـب اللـي لفانـا عنـد مظنونـه يحلـب لبنهـا لمنهـو مشفـي فيـهـا=للضــيف والارفـيـق جـا بماعونـه كسب لنا من العــدو مانـي بشاريهـا=يوم الردي ما يشـوف القـوم بعيونـه لا ما التوينا علـى الابـل مـا نخليهـا=عسـر فكـكهـا يكـود احديصيـبونـه رحنا عقـب هـوش خــشـرت فيهـا=هـذا يحـول والاخـر طـارت جنونـه مـا جـاتـنا كون غصب عنـد تاليهـا=ضرب يشوق الـنـشاما اللي يحضرونـه الظفـر ياخـذ قريعـه مـن نواديـهـا=واللاش لا من بغى شـي قصـر دونـه الـلاش نفسـه علـى الدنيـا يمنيهـا=والنـاس لا عينـو فعـل يطـرونـه يا ما قطعنـا الظوامـي مـن مظاميهــا=عداًنـكاون أهلـه مـا عـاد يردونــه كـم سابقـن قـد عثرناهـا براعيهـا=بغـوه ربـعـه وعييـنـا يشيلـونـه اللـي غـزا يمنـا جعـلـه فداويـهـا=يبشر بشلفـا مـن الحديـن مسنونـه ترعــى صخاف الشول بزين مفــاليها=نرعـــى بها القفر عن اللي يخلونــه في يوم من الايام طلب احد الاشخاص من شيبان بن قويد ان يترك الإبل , ويمكث في بيته , على ان يوفر له ذلك الرجل راديو وتلفزيون, وهاذا يتعارض مع طبيعة الفارس شيبان بن قويد الذي تعوّد على الإمارة والحكم , فكيف له ان يجلس في بيته ويترك أبله ؟ وكان هاذا صعباً عليه وعلى نفسه ومكانتة, فقال في هذا: أنّا هل الهجـن ماحنّـا هـل الرادي=ولا باهل تلفـزونٍ وننتظـر فيهـا انّا هل الحرب يوم الجيش ينقـادي=نبغى جهاد الكفـر بالقتـل بنفيهـا النار شبّت ونـار الحـرب وقّـادي=وانّا على حالهـا وانّـا نصاليهـا لامن ركزنا الوعد في يوم ميعـادي=جاتك طـرار ترافـا يـوم داعيهـا من فوق حيلٍ عليها غازي عـادي=ندرس عليها السبـب والله يقدّيهـا لامن ظهرنا على البل قمت أنا انادي=ياهل المراجل ترانا اليـوم بنفيهـا غرنا عليهم وجا يومٍ بـه طـرادي=ورجنا بهم والجنب وافرٍا سهم فيها كم طاح من ظربهم من ميت غادي=على ثر البل تخلـي جثتـه فيهـا الضبع يشبع ونادي الذيب جـلادي=على الجنايز وحط المرجلـه فيهـا نقسم على القوم ضمد أوهي فرادي=على النشامى وقسمي وافي ٍفيهـا فروسيته كان لظروف النعيشة القاسية ومحولة اثبات الوجود القبلي في ضل عدم وجود حياة مستقرة بين القبائل ونظرا لتربيته في المجتمع القبلي الذي لايعترف الابالقوة والفروسية كان لذلك دورا كبيرا في تكوين شخصية وفروسية شيبان بن قويد , وعندما اصبح فتى في بداية شبابة كانت قبيلة تستعد لغزوة على احد القبائل التي تقع جنوب وادي الدواسر وقد شارك فيها وابلا بلااء حسنا حتى انا اخبار فروسيته وصلت لوادي الدواسر قبل ان يصل وعندها استقبلته عمتة التي كانت تحقره وهو صغير وقالت له لقد شنفت اذانيك بالكلام الجارح وانت الان تشنف اذاني باخبار فروسيتك وشجاعتك التي اعدت بها ذكرى ابائي واجدادي النار شبت ونار الحرب وقادي=وانا على حالها وانا نصاليها لامن ركزنا الوعد في يوم ميعادي=جاتك طرار ترفا يوم داعيها من فوق حيل عليها غازي عادي=ندرس عليها السبب والله يقديها ىمن ظهرنا على البل قمتانا انادي=ياهل المراجل ترانا اليوم بنفيها غرنا عليهم وجا يوم به طرادي=ورحنا بهم والجنب وافرا سهم فيها كم طاح من ضربهم من ميت غادي=على ثر البل تخلي جثته فيها الضبع يشبع ونادي الذيب دلادي=على الجناذير وحط المرحلة فيها ماقيل في شيبان بين قويد قال الشاعر تركي الخريم ذكر فيها شجاعة وفروسية شيبان قئلا فعلنا يعجز التاريخ عن عدة=وكل فعل له ثبوت وبرهاني هبة قادها ابن قويد فالشدة=شيخ جمع الدواسر طير حوراني المعارك التي شارك فيها مع الملك عبد العزيز اثناء توحيد الجزيرة شارك شيبان بن قويد في كثير من المعارك مع الملك عبد العزيز ومن ابرزها معركة تربة وفتح الطائف ومحاصرة مدينة جدة وكذلك شارك مع الامير محمد بن عبد العزيز في فتح المدينة المنورة وهذه احدى قصايد الأمير/ شيبان بن بادي رحمة الله واسكنه فسيح جناته.,, قصيدة في المرجلة قصيـدةٍ قلتهـا منظومـةٍ ليـه=قولٍ مليحٍ وعلى اولها وتاليهـا المرجلة ما تجي بيع ومشريـة=يكون من ضرب الداني وقاصيها المرجلة من على الجدان مبنيـة=فعلٍ وجودٍ وعاصم شورهم فيها بيتٍ تجي فيه يظهر فيه ماريّـة=اللي لهلهـا مزينهـا مبانيهـا من جى عنده تجي لتباعته حيًه=قليب بدو وتورد فـي مظاميهـا يقبل على بيتة ويقفون رجليًـه=كنهم سباعٍ على رسٍ بيسقيهـا لاجا هجنٍ من الفرجة خلاويـة=ثم نوخت عنده يرحب يعشيهـا هاذي سلوم العرب يلي لكم نية=لا شبها نشمي يفطـن لقافيهـا وإذا تمّلل يعرضهـا الشريطيـة=ياخذ ثمنها بيع ويشتري فيهـا الديك يذن على طربوشته ذيّـه=يدري بوقت الصلاة ولا يصليها وهذه أحد قصايدة في الفروسية لـي فاطـر قايد حـبل الـرجا فيـها=أبا طلب الله عسى الله يصلح النيه فـاطـر صبي على الفرجه مظريـها=يوم الردى قـاعد في بـارد الفيه يـا زين جيش القـبايل يـوم يتـليها=دهم الـسرايا على وصف التهاميه مــردفـات وتلـمح للمـلـط فيـها=يسند بها الـجر من عند الحصينيه ميرادهــا قلــةٍ الوبـل مالــيها=عند الخــشوم النوايف حول حريه قدامنا الســـبر للجمـعه يقديــها=صـبيان حرب يردون الخبــر ليه أو مالنا الســبر قدنا في حـراويها=غـرنا عليها وخـلينا المثـــاثيه غرنا مـع غابة ما يمـشي فيـــها=عند النخل كنــها بالــطين مبنيه رحنا بـخور انــحول عند تالــيها=معنا أم خــمس لها بالواقع ماريه الطــير كثر اللـحم له في مـفاليها=في باطــن الضد ذاك اليوم ظهريه لا شبت الــضو حنا اللي نـصاليها=إن شـبوب الحرايـب يا جنـوبيه احدٍ قــــريع وهذا لــه نثنيـها=ما يستوي القسم يا حضارة الهيـه ربــعي نشاما تقدمـهـا يمانيــها=يوم أول الجيـش غاد له عكيلـيه مســاعرة ما تغــبا في عزاويـها=لا مـن غزينا عدوٍ ننـجح كويـه نهوش قدامها ونفك تاليـها=ولا قل معنا الفشك نطعن بجنبيه نرخص نفوس عزيزة عند راعيــها=نهوش خيـاله ونهوش رجليــه ونقوم أهل المحـاجي مـن محاجيها=وكم جثةٍ بعدنا في الحزم مـرميه سلاحــنا ما تخـوع في مراميهـا=مضارب سلاحنا ترى فيـه ماريه إن أخطت الراس مـا تخطي علابيها=ربعي من أدنى معاطيب وحربيـه كله لعن البكار اللــي نبـاريـهـا=ذيـداننا كسبنـا مهيب مشـريـه العيون منكن لـــدميه تـحاليـها=لا برعـت وتفق تقابس ضويــه وهذة أحدا قصايد الأمير/ شيبان بن قويد\ في مغازية وهو قوق ذلولة  القصيدة (4) يوم من الايام ذهب شيبان أبن قويد الى سوق البل لكي يشتري ذلول فوجد ذلول وأعجب الامير شيبان بها ووجد عند الذلول تاجراً فتنافس شيبان والتاجر على ثمنها حتى وصلت أغلا ثمن فاشتراها الأمير شيبان وأرسل الملك/ عبدالعزيز بن عبد الرحمن/ملك المملكة العربية السعودية/الى الأمير شيبان بن قويد/ في فتح نجران فذهب الأمير شيبان هو وجيشة مع الملك سعود بن عبد العزيز رحمهم الله/ وتم فتح نجران وقال هذة القصيدة على ذلولة التي أشتراها باغلا ثمن والتي اسمها{السمراء} ( فقال هذه القصيدة) الهجن مهيب لك يا البايع الــشاري=تهيا لمن هو ينوس العلم ويجيبه إنا على الهجن لاجا لازم أحـراري=من هد منا فلا تخطى مخــاليـــــــــبه سرنا عليها سمين وأنكــفت عـاري=في لازم الحـاكم اللي جت مناديــــبه كـم ليلة بت انا بظهــورها سـاري=لا خلّف اللاش يبغي حرمة صحيبه يـا زينها لا عفا داهومــها الـذاري=مع تختخ خالي جر العوا ذيــــبـــه كم وردت منهل عقب العرب صاري=عـافٍ جنابه ويباس معـاريــــــبه معنا من الكشف صنعت كافر الناري=تشلا المطايير ما تبرأ مضاريبه الـحربي اللـي يـــوالـينا بنـا داري=تعقب علـيه الغزو نقبل ونقفي به كم واحد قد حدته سهوم الأقـداري=تحت يدينـا ولــــه ربع تــثاريـــــبه وإن قدر الله علينا فالقدر جـاري=ما حد قبل ساعته يبست مشاريبـــه الموت ما عنه فوت ولا لها خباري=من يردع الموت لا علق كلا لـــــيبه ما للفتى من حياته كون ما صــاري=غير الكرم والشجاعة ما يماري به أو طلبت اللـــي علينا دوم سـتاري=ما يخفي العبد واللي بان يدري به ترى الكريم الذي لا جـوه خـطاري=يقدم البن واهــلين وترحيــــــــتـبــه ترى الشجاع الحزام اللي لها افكاري=فكـاك ما اغلق عدو له لـــــوالـــيبه ترى الشجاعة تعراض للاخــطاري=يدز نفسه ليا جات ساعة الريبـــــــه أكل الغنــايم على فــطيرنا ضاري=ونفهد الحرب شبينا مشـــاهـيـــــــــتبه لعيون من هي لنا هاجس بها الطاري=اللي حجرها عصته تقول ماليبه حرم عليها الردى والشايب الـهاري=يكون من فعله الماضي يماري بــــــه اللعـب كني عليـه معـلم قـاري=لا درهم الجيش كـلِ بيــغني به لا صار ما للفـتى فعل به يماري=ما ينفعه فعل جده لا يـماري بــــــــــــــــه ,,,,,,,,,,,,,,,,,,,,,,,,,,,,,,,,,,,,,,,,,, صفاته كان صاحب خلق رفيع شهم كريم وعادل في امارتة حكيم حتى اصبح صاحب الشداد والوضحي في قبيلة الدواسر والوضحي من الابل هي ذلول الفارس وهي من اطيب انواع الابل وخيرتهن حيث يقول احد شعار شمر في ذلك ياشبه وضحي مع ابن قويد =شيخ الدواسر راعي الوادي ماقيل في شيبان بين قويد قال الشاعر تركي الخريم ذكر فيها شجاعة وفروسية شيبان قئلا فعلنا يعجز التاريخ عن عدة=وكل فعل له ثبوت وبرهاني هبة قادها ابن قويد فالشدة =شيخ جمع الدواسر طير حوراني وهذه القصيدة غير كاملة قال الشاعر/ سعيد بن جريدالدوسري\ في الأمير/شيبان بن قويد\ خل الركايب تنحر بيــت شيبانــــــي=خلــو ابـو بادي ياخــذ عجايبهــــا ساعت تنوخ جمح عجـل وطـرباني=ترا الركايب تحب اللي يروف ا بها مافوقه الا الخروج امات هــد بانـي=وصريـــم جابها الـدلال جالبهــــا وانشد عن اللي حماها من ابن دبلاني=وخذا الرمك من اهل المشرق وجاك ابها يامشعل الحرب ياذربين اليمانــي=اللي يقومـــون لاعمسـت مطا لبهـــا ربعي هل البل وذا مافيه جحداني=مرعين شيب الغوارب معتزين ابهـــا هم انشده من خذا جيش بن دبلاني=اللــي خذ ريشــة امطــير وجاك ابها هذه القصيدة قالها الشيخ مناحي بن حزيم رحمة الله في الأمير شيبان بن قويد رحمة الله تعالى ,,, راكب اللي من حفيزة فرويله=كاملً شدة معه خمس عجلاتي نحره بيت المجرب يالدليله=بيت شيبان زبون الجاذياتي لا لفيتو عودنا شيخ القبيله=فعلموه بذا البيوت الكايفاتي شيخنا اللي كل سيراته جميله=في العسر تلقا دلاله مكرماتي حِِمل جيرانه مع حمله يشيله=ساس طيبٍ من عصور ما ظياتي العقيد اللي لأهل النضا دليله=كم فريقٍ راعهم قبل الصلاتي يتبعه نمراً على حفه ثقيله=ماتهيب من الجموع المردفاتي لابتٍ عاداتهم كسب النفــيله=هل صخاف الشول ضفران عصاتي هل قطيع في الخطر تبراه خيله=وهل غروس للجويع بها شفاتي دونها كم حاكم ركبه دبيله=طق ثم خلا الخيام مركزاتي مثل يوم المعتلاء يوم السحيله=فيه شبعن الطيور الحايماتي يوم إبن لحيان خلي هو وجيله=بأكله للحول ذيب مغدراتي يوم قالو لي ترا منتب دليله=قلت دوك دلالتي بأسفل قهاتي يوم جانا السبر مختلف شليله=وقال دون البل معاطيب الرماتي فنتد بنا ثم سند نا المسيله=بخبرة كنهم سباع عادياتي ثم جاء ليل كما برد امخيله=عند خشم الشضومن فوق الصفاتي يوم طق اللاش زابن الحليله=يحسب أن الهوش ماعقبه حياتي ما درا أن الموت سييوره يجيله=لويجيله في قصور مغلقاتي بنت ياللي كنها عنز المسيله=والنهد في الصدر بيض مغرداتي إحذري كوبان مقطوع الجديله=يحرمك يا بنت من سلم البناتي لا تسموين أنك للخايب حليله=حرمت المفلول تصير بالشماتي تمت وصلو على راعي النفيله=النبي اللي طلب فرض الصلاتي وفـاته تكاثرت العلل والامراض على الجسد الهزيل للأمير شيبان بن قويد بعد ان فقد بصره , فلم يستطع الفارس الشاعر شيبان ان يقاوم هاذه الامراض , فلزم منزله طريح للفراش , حتى انتقل إلى جوار ربه يوم الخميس الموافق 20/5/1400هـــ وفقدت الدواسر شيبان بن قويد ورثاه كثير من الشعراء , وكان منهم الشاعر محبوب بن جلحان وقال في رثائه : أمس الضحى دمعي تحدّر على الجيب=زادت بي الضيقة وصخـرت قافـي أبكي على مرذي النضا شمخ النيـب=تشكي مناسمهـا الحفـا والخفافـي من كنّه الجـوزا ولفـح اللواهيـب=والثـر القديـمٍ عافتـه السـوافـي زيزوم غـرا تقتبـس بالمشاهيـب=يظهر بها عقـب الغبـا فالمشافـي يفرا بها نشر المعـادي إلـى هيـب=لااختف مرعوب الضمايـر وخافـي شيخّ بها بونـه شيـوخ الاجانيـب=مسقي العدا سمٍ سقطـرى زعافـي ابـو خميـس لا التـون المطاليـب=يرفا الـذي كـان لـه قبـل راقـي عليـه نـوحٍ يالبنـى الرعبـيـب=نـوحٍ وصيـحٍ واضفـن بالغدافـي لو تعرفنّـه قبـل ماهـده الشيـب=ماضنتي منكن من الشـوق تافـي حرٍ مشافٍ خالـي مـن العذاريـب=صيده سمـان مايصيـد الضعافـي عـزّ الله انـه كامـلٍ بالمواجيـب=شبره إلى عدّو أهـل الجـود وافـي يشهد له الأجناب هـم والأصاحيـب=نور القمر فالنصف ماهـو بخافـي الله يرحمه ويسكنه فسيح جناتة

 

 

 

 

[معلومات العضو مترك المسعري]

لا هنت اخوي ابن قويد و ما قصرت على الموضوع الرائع



و سوالف وقصص شيبان كثيرة و علومة ترفع الراس



و نطلب منك المزيد عن أخبار هذا الفارس الشجاع .


تقبل تحاتي ،،،،،،،،،،

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

	الأخ العزيز الغالي ابن قويد مسعر أولاً علي الحرام إنك تستاهل حبة خشم يالذرب على هذا الموضوع الجميل وثانياً إسمحلي على إعادة تنسيق القصائد المرفقه لأني أردت أن تظهر بالمظهر اللأئق لهذا الفارس المغوار والعلم الشهير وثالثاً جعل والله يمناك مايجيها العطب ياذيبان على إيراد هذه السيره العطره لعلمٍ وفارسٍ وأميرٍ من أعلام القبيله والحقيقه يحق لنا بأن نفخر ونتباهى بفعل المرحوم شيبان لأن فعله يطلق وجيه القلبية كلها جعله من ورثة جنة النعيم آمين . ومما يهون به الخاطر أن عيال الأحرار تجيب أحرار والبركه في الموجودين من آل قويد جعلهم المعزه وطولة العمر على رأسهم الأمير مران بن قويد أبو زابن طالت حياته وإلى أصغر رجلٍ فيهم والحقيقه هذا الموضوع يستحق التثبيت ويستحق القرآءه أمراراً وتكراراً . فشيبان رحمه الله فعله كلٍ درى به أهل الشرق وأهل الغرب وأهل الشمال وأهل الجنوب فالكلمات تتلعثم وتخجل في حصر سيرة شهمٍ وفارسٍ مغوار كل يحسب له حساب أسأل الله العلي العظيم أن يتغمد شيبان برحمته ويتجاوز عنه أخي الفاضل سلمت يمناك يالقرم على ماكتبت لنا وإن كنا نطمح في المزيد من هذه النوعيه من الكتابات واللتي توضح وتبين لنا أخبار أمراء وفرسان القبيلة تقبل ودي وتقديري وشكري وعرفاني لمقامك العالي محبك ومغليك : دغش بن بطي الغياثات

 

 

 

 

[معلومات العضو تركي المسعري]

الله لايهينك اخوي ابن قويد مسعر على هذي النبذه من سيرة شيبان ابن قويد
وقصص شيبان كثيره التى تكفي لملى المجلدات والدووين

 

 

 

 

[معلومات العضو سعد المقابله]

السلام عليكم ورحمة الله وبركاته

الاخ العزيز

ابن قويد مسعر

الله يبيض وجهك على السوالف

والقصائد الطيبه

ورحم الله الامير الشاعر


شيبان بن قويد

يعطيك الف عافيه

 

 

 

 

[معلومات العضو {أبن قويد مسعر}]

	بسم الله الرحمن الرحيم السلام عليكم ورحمة الله وبركاته اخي العزيز / دغش البطي\ مشكور على هذة الاشادةومسموح للي مثلك وشرواك على الاضافة او تعديل او حتى حذف ولانستغني من توجهاتك ولك مني جزيل اشكر وتقدير والله لايهينك على الي انت عملته ومطلوب منك اكثر وتقبل تحياتي,,,,,,, وشكر موصول لكل من /خيال العبية و تركي المسعري و سعد المقابلة.. وتقبلو تحيات أبن قويد مسعر.....

 

 

 

 

[معلومات العضو العماني]

الاخ العزيز

ابن قويد مسعر

الله يبيض وجهك على السوالف

والقصائد الطيبه

ورحم الله الامير الشاعر


شيبان بن قويد

يعطيك الف عافيه

 

 

 

 

[معلومات العضو {أبن قويد مسعر}]

السلام عليكم ورحمة الله وبركاته

اسعدني مرورك يالعماني على الموضوع وماقسرت

[img][/img]

 

 

 

 

[معلومات العضو سـعـد بن صهيّب]

بيّض الله وجهك اخوي ابن قويد مسعر

والله لا يهينك ............. وما قصرت



والله يرحم الشيخ شيبان بن قويد

ويسكنه الجنه




..

 

 

 

 

[معلومات العضو ابن محمد الودعاني]

اخوي ابن قويد مسعر

لاهنت على موضوعك النادر والمميز

وتسلم يمناك وتشكر على المجهود الطيب

والله يرحم الامير شيبان وسيرته اشهر من نار على علم

مع جزيل الشكر والتحيه

 

 

 

 

[معلومات العضو {أبن قويد مسعر}]

بسم الله الرحمن الرحيم

السلام عليكم ورحمة الله وبركاته

احبائي/سعد بن صهيب و ابن محمد الودعاني


الله لا يهينكم على الردود واسعدني مروركم الشيق

 

 

 

 

[معلومات العضو (((المسعر))))]

السلام عليكم ورحمة اللة وبراكته

أخي ومهبي العزيز/أبن قويد مسعر

علي الحرام هنك ماقصر في هذا الموضوع

الأمير/ شيبان هو أميرنا

والله لايهينك

 

 

 

 

[معلومات العضو يحيى الودعاني]

تسلم يمينك ابن قويد
وبيض الله وجهك

 

 

 

 

[معلومات العضو {أبن قويد مسعر}]

بسم الله الرحمن الرحيم

السلام عليكم ورحمة الله وبركاتة

أخي/ يحيى الودعاني ووجهك أبيض وأسعدني مرورك الكريم.

 

 

 

 

[معلومات العضو {أبن قويد مسعر}]

المشاركة الأصلية كتبت بواسطة (((المسعر))))

السلام عليكم ورحمة اللة وبراكته

أخي ومهبي العزيز/أبن قويد مسعر

علي الحرام هنك ماقصر في هذا الموضوع

الأمير/ شيبان هو أميرنا

والله لايهينك

بسم الله الرحمن الرحيم

أخي الكريم/ مسعر
السلام عليكم ورحمة الله وبركاتة

الله لايهينك على المرور