أنا صديق الطيبين المناعير

**معلومات** **العضو** · 03-01-2010, 01:30 AM

قصيدة رائعه من روائع الشاعر الكبير لويحان وهو لقب لـ عبدالله بن عبدالرحمن العنقري التميمي
ويقول فيها لويحان التميمي :

أنـا صديـق الطيبيـن المناعـيـر=اللي لهـم كسـب المعالـي عشاقـه
حضر وبدو نطاحه الشـر والخيـر=صادقتهـم وأخـذت منهـم صداقـه
حلالـة المشكـل كبـار المخاسيـر=ياسعد منهـم لـه عضـود ورفاقـه
زبن المخيف إلـى رمتـه المقاديـر=بالجـاه والا المـال والا الحمـاقـه
وأخذ من أرياهـم قـوي المشاويـر=والطيبـه ماهيـب منهـم شفـاقـه
مانيـب أصـادق مايليـن الدناقيـر=عيال العفون مـن الخيـوط الدقاقـه
اللـي مجالسهـم نميمـة وتعبـيـر=مالي بهم من فضـل ربـي علاقـه
فضلٍ من البـاري حسيـن التدابيـر=مانيـب للأصحـاب قطـاع ساقـه
ورزقي علي اللي بالسما ينهض الطير=يكسر علي الملواح عقـب أنطلاقـه
ودنياك تمضي بين ورد ومصاديـر=قد قيـل قبلـي مابهـا راس طاقـه

**معلومات** **العضو** · 03-01-2010, 01:39 AM

صح السان الشاعر لويحان التميمي

وبارك الله فيك يا أبو مطر

وفقكم الرحمن...

**معلومات** **العضو** · 03-01-2010, 01:45 AM

صح للسان الشاعر الويحان التميمي وبيض الله وجهك يابو مطر

على نقل القصيده الجزله عزالله انه شاعر والسنافي

**معلومات** **العضو** · 03-01-2010, 01:55 AM

صح السانك يبومطر والسان لويحان التميمي وعز الله قصيده جزله

تحياتي وتقديري الخاص لشخصكم الكريم

**معلومات** **العضو** · 03-01-2010, 10:21 AM

أنــــا صــديـــق الـطـيـبـيـن الـمـنـاعـيـر
اللـي لهـم كسـب المعـالـي عشـاقـه
حـضـر وبــدو نـطـاحـه الـشــر والـخـيـر
صادقـتـهـم وأخـــذت مـنـهــم صــداقــه
حـلالــة المـشـكـل كـبــار المخـاسـيـر
ياسـعـد مـنـهـم لـــه عـضــود ورفـاقــه

الله الله صح الله لسانك الشاعر ولاهان الناقل

قصيدة كايفة وابياتها جزلة
لاهنت ع النقوة الطيبة

كل الشكر