الشاعر الكبير سعد بن سالم بن سويحل الخضران يمتدح الأمير خزام بن عبدالعزيز بن حزام العجالين

[معلومات العضو حفيد الأمراء]

سلام ياراعي الوفا منبع الطيب=يالطيب اللي كل ماضقت جيته
هو الصديق ان كان ضاعوا الأصاحيب=غلاه عند ثابت لبكيته
خزام ابو مشعان والمادح مصيب=يرتاح بالي كل ماجيت بيته
جده حزام اللي بعيد عن العيب=عبدالعزيز ابوه والصيت صيته
متشابرينه من جميع الاطانيب=المدح فيهم ثابت لادعيته
ادعيه في مدح الشيوخ الأشانيب=واللي يقول خلاف قولي كويته
قولي معناه قلته بترتيب=والقول لامني نطقته حميته
مانيب حال مجمعين الأكاذيب=ترى الخبل ماينتهي لو نهيته
تقول هذا ماضين له تجاريب=يجيك يامشكاي لو مادعيته
ماني أحب اللي قريب محاضيب=واللي سواتي ياصديقي نسيته

 

 

 

 

[معلومات العضو راشد المسعري]

ارحب ياحفيد الأمراء وبيض الله وجه الشاعر على القصيدة الجزلة والتي قيلت فيمن يستحق المدح ، لاهنت وتقبل ودي وتقديري ،،،

 

 

 

 

[معلومات العضو حفيد الأمراء]

الاخ العزيز


راشد المسعري


شاكر لك



على هذا المرور العطر



والذي عطر المشاركه



والبسها جمالاً ونورا



ونثر عليها زهراً يفوح شذاه دوام الأيام


والسلام