ابغى الحل شعرا من الشعراء - الصفحة 2

**معلومات** **العضو** · 30-05-2009, 12:28 AM

اقتباس:

المشاركة الأصلية كتبت بواسطة user

اجل تصبح على خير ماعندي حل

حسبي الله على الشيطان
وانا جالس انتظرك مانمت واخر شي تقول تصبح على خير

طيب طيب
الوعد قدام يابن مسعر

**معلومات** **العضو** · 30-05-2009, 04:52 AM

امممممممممم

بسأل وارجع

يسلمو خميس يابو اللغاز > تبي واسطه

**معلومات** **العضو** · 30-05-2009, 04:07 PM

اقتباس:

المشاركة الأصلية كتبت بواسطة user

مدري انا طرحته ولا ماطرحته
واخذ الاجابه على عدة خيارات

ياهو بصر ولا عقل لارفعته
ميزك بالحكمه وترك التفاهات

وان كان ماهو صح فانا ماعرفته
دور من يحله ويعطي اجابات

صح لسانك
ومالك لوى

**معلومات** **العضو** · 30-05-2009, 07:51 PM

قـــرب هو شي موجود نستعمله

**معلومات** **العضو** · 30-05-2009, 07:56 PM

طيب هن القدمين الرجلان ،، الله يمتعنا بما رزقنا

وابســألك سؤال ما مصدر ألغازك يا خميس مطر

**معلومات** **العضو** · 31-05-2009, 03:53 PM

هلابك يالخياليه
اغلب الالغاز من طرحي
وفيه الاغاز عندي مدونه في دفاتر

وعندي الان مايقارب 1237 لغز محلوله لي ولغيري
وعندي تقريبا" 57 لغز لم اتوصل لحلهن بسبب عدم معرفتي بأصحابها

ولكي مني فائق الاحترام

**معلومات** **العضو** · 31-05-2009, 03:58 PM

اقتباس:

المشاركة الأصلية كتبت بواسطة anoodalriyad

امممممممممم

بسأل وارجع

يسلمو خميس يابو اللغاز > تبي واسطه

هههههههههههههههههههه
ماعندي غش اللي يدفع فلوس اعطيه الحل فورا" ههههههههههههههههه

**معلومات** **العضو** · 01-06-2009, 01:58 AM

اقتباس:

المشاركة الأصلية كتبت بواسطة خميس مطر الغييثي

ابغى حل اللغز شعرا" من الشعراء واللي ماهوب شاعر
يرمع الله لايهينه0

انشدك عن غمرٍ ليا من ندبتـه=مايعتذر عن لازمك بالمسافات
في خدمتك حاضر ولو ماشكرته=عبدٍ مطيعٍ لك على كل الاوقات
ماله وصوفٍ بينه لو وصفتـه=موجود لو ماجاء لذكره دعايات

ارحب يابو مطر ياخوك حلفت عقب ماتفلسف علي ابوبدر معاد اتدخل في شي ماعرفه لكن هالمره كني.. انا الي بعطيك الفلوس وقل حلي صح ولا الحريم مايهون عليهم من حبهم للفلوس,,

ياواحد من اثنين منها ذكرته=مافيه ثالث في جميع المجالات
يأما خيال الفكر لامن بعثته=اوفاكس برقيه توصل ملفات
وان كان لاهذي ولاالحل جبته=ياحول من شين الوفق والتشمات؟؟

**معلومات** **العضو** · 01-06-2009, 02:01 AM

ههههههههههههههههههههههه
ارحب ثم ارحب ثم ارحب والله لايهينك
وصح الله لسانك
واعتلى شانك
هو الخيال

ولا عليك من ابوبدر
تراه يدبل الكبد بكثرة فلسفته ههههههههههههه

**معلومات** **العضو** · 01-06-2009, 02:52 AM

لبا والله قلبك مانيب ممسي ذاليل من الفرحه يابو مطر؟؟

بس ناقصه الفرحه ابو بدر مهوب هناه يشوف فعلي

امانه علمه وخلاص بعتزل الالغاز خلها عليا وبنت ارجال ههههههههه

**معلومات** **العضو** · 01-06-2009, 03:20 AM

مشاء الله عليك يابن بطحيه عيني عليك بارده

صحت السانتكم

موفقين ان شاءالله

**معلومات** **العضو** · 01-06-2009, 10:20 AM

ياالربع صبحتو بالخير
صباح الخير يابو مطر ماحد شاف ابوبـــــــــــــــدر

مشتاق له فديت خشته وسبحته الي كني اشوفها وهو يفكر في حل الغاز,,

**معلومات** **العضو** · 01-06-2009, 11:07 PM

اقتباس:

المشاركة الأصلية كتبت بواسطة حسن بن بطحيّه الودعاني

ياالربع صبحتو بالخير
صباح الخير يابو مطر ماحد شاف ابوبـــــــــــــــدر

مشتاق له فديت خشته وسبحته الي كني اشوفها وهو يفكر في حل الغاز,,

ارحب ياحسن لبى والله قلبك الحين خميس صار مشرف وبيعاقبنا في اللغاز الله يعين

تجهز بس ياحسن والظاهر انه بيدوووووخنا

**معلومات** **العضو** · 02-06-2009, 11:30 PM

ما شاء الله انحل اللغـــز ،،

والله يا ليت يا خميس أبو مطـــر تحط لغز بالمناسبه هـــذي انك صــرت مشـــرف
طبعــاً ما فيه أمل أحله ههه لكن نوسع صدورنا بالتفكير بالحل ،، بــارك الله في جهودكم جميعاً ..

**معلومات** **العضو** · 03-06-2009, 01:21 AM

اقتباس:

المشاركة الأصلية كتبت بواسطة خيالية

ما شاء الله انحل اللغـــز ،،

والله يا ليت يا خميس أبو مطـــر تحط لغز بالمناسبه هـــذي انك صــرت مشـــرف
طبعــاً ما فيه أمل أحله ههه لكن نوسع صدورنا بالتفكير بالحل ،، بــارك الله في جهودكم جميعاً ..

ابشروا بالخير
الخير جاي وهناك جوائز
للي يحلون الالغاز
واللي يرمع رمعتين ولا يجيب الحل يدفع 50 ريال ههههههههههههههههه

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية