![ الجـرح أرحـم ]!

**معلومات** **العضو** · 13-11-2008, 05:15 AM

:

مَدخـلْ :

شخص عَااديْ ..
لايشيل .. ولا يعَااديْ .. هَذَا أنَا !!
مِن قرْد حظيّ ..
لآ أزال أحمل مبَاادي ؟!

:

اللي بقى لـي مـع الأيـام .. وفّيتـه=والضيق لـو ينهمـر تشربْـه وديانـي
ماهي كبيـره علـي والحـزن غنيتـه=وْلاهـي غريبـه إذا وقتـي تحـدانـي
الخوف -يا من نبشت القلب وادميته=لاعشت زهرة شبابك وانت وحدانـي!!
كم جرح خذْته من الأحباب.. ضمّيتـه=وجروح قلبـي زكـاة لْحُـبّّ خِلاّنـي
مطعون؟ عاااادي ،، جفا الأقراب؟ داويته=تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتـه=مقرود؟ أدري ،، وإذا حرمان؟ عدّانـي
ما فاح هـمّ ٍ لـك الله مـا تقهويتـه=ما مـرّ حـزن ٍ بغيـري مـا تبلاّنـي!
ياما ويامـا مـن الخـذلان .. عديتـه=إلا بصاحبْ .. بعد عِشـره تناسانـي!!
أزريت لأنسـى غيابـه ليـن ناديتـه=والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتـه=ياليت يدري بعد فرقـاه وش جانـي!!
من كنت طفل ٍ وانا أرجـاه فـي بيتـه=شيّبت.. واثره على هالحـال خلانـي!
حتى جنـاح العَتَـب لرضـاه ذليتـه=ماطِرْت بعده فـرح مـن ذلّ جنحانـي
يا قلب صبرك .. ترى كل شيّ سويتـه=ما كان أفضل من اللي كـان بإمكانـي
لو بيّ قـوه علـى الهجـران؟ خليتـه=لو بـيّ ذره مـن النكـران؟ يفدااانـي
الجرح أرحم .. إذا يرجع مـن أغليتـه=مجروح؟ فِدوه .. ولكن صعب وحداني!

مَخـرجْ :

شيّ عَاادي ..
ليه أصيحْ ؟ .. وليه أنَااديْ ؟!

والّحزْنْ مِن زودْ ضيقِيْ ..
يَختنقْ دَاخِل فؤااديْ !!

![ للعَذبْ / عَبدالله الْظفِيريْ ]!

**معلومات** **العضو** · 13-11-2008, 02:57 PM

صح لسان الشاعروصح نقلك لاهنت رماد..

**معلومات** **العضو** · 13-11-2008, 07:06 PM

صح لسان الظفيري

فعلا هذه القصيدة كانت رائعه واعجبت الكثير

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!

بيت معبر ويحمل الكثير ...

رماد .. لاهنت على الاختيار المميز

**معلومات** **العضو** · 13-11-2008, 08:14 PM

رمااااااااد

عطاااك الله العااافيه

وصح الله لسااان الشاااعر

وانا والله ابيهاا من زمااان

ووفرررت علي تعب

تتحياتتي

**معلومات** **العضو** · 15-11-2008, 07:02 AM

من ارقى القصايد اللي سمعتها في مقابلات شاعر المليووون

تسلم يمناك على اتحافنا بها وصح اللسان شاعرها

وفقك الرحمن لما فيه الخير والصلاح

احترامي وتقديري

**معلومات** **العضو** · 15-11-2008, 08:47 AM

صــــــــــــــــــــــــــح لسان الشاعر عبدالله الظفيري

ويعطيك الف الف عافيه على هذا النقل الرائع والله لا يهينك

وبصراحه صرت كل يوم انتظر الاعاده عشان القصيده هذي

**معلومات** **العضو** · 18-11-2008, 03:04 AM

.
.
•

المطنوخهـ
صح بدنك .. بـ النيآابه ..

والله يسلمك ولآا يهينك ..

**معلومات** **العضو** · 18-11-2008, 04:10 AM

صح لسان الشاعر الظفيري
وتسلم اناملك رماااد
فاطرحك لها ينم عن ذائقه مليئه بالاحساس
من منبع نهله عذب
لاهنت

**معلومات** **العضو** · 19-11-2008, 05:14 PM

بالفعل رائعة

صح لسان الظفيري

وتسلم على نقلك المميز .. الله لا يهينك

**معلومات** **العضو** · 25-11-2008, 04:12 AM

.
.
•

حوريهـ
صح بدنك .. بـ النيآابه ..

والله يسلمك ولآا يهينك ..

على مرورك .. الأميــز

**معلومات** **العضو** · 25-11-2008, 04:15 AM

.
.
•

حـازب
الله يعآفيك .. ويسلمك ..

ولآا يهينك على مرورك العذب ..
والحمد الله اني قدرتـ أوفر عليك التعبـ

وصح بدنك يـ الغلآ ..

**معلومات** **العضو** · 25-11-2008, 04:17 AM

.
.
•

غـلا
هي مُجرد روعه .. عآانقت حضورك ..

هآا هُنآا ..

فـ كم أسعدني .. وشرفني مرورك العبق ..
سيـــــدتي ،،

مودتي ..
س
ل
ط
ا
ن

**معلومات** **العضو** · 25-11-2008, 04:19 AM

.
.
•

الهـول
الله يعآفيك .. ويسلمك ..

ولآا يهينك على مرورك العذب ..

وصح بدنك يـ الغلآ ..

وصدقتـ ياكثر اللي ينتظرونهـا بفـارغ الصبـر

**معلومات** **العضو** · 25-11-2008, 04:22 AM

.
.
•

نجـديهـ
بلّ هوَ شُكرٌ لك
على حضورك المُثقلّ بِالمطر

شُكراً
بِإتْسَاعِ اللُغة

.
.

كوني بِخير

.
.

كوني بِخير ، أُخيّه

**معلومات** **العضو** · 25-11-2008, 04:24 AM

.
.
•

السمـو

صحّ قلبك

وَ
مرورك الأروع

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية