تكفى يابوي لايغسل جثتي غيرك

[معلومات العضو ماعلي قصور]

يااااابـ ـ ـ ـوي !!


يابوي ليه تبكي كل ما شفتك وعينـك لـي ؛،؛ تخاف أموت يابوي ... وقبل الموت تبكيني




تكفا يابوي لا تبكي وأنا موجود معك وحـي ؛،؛ أجل بعد الرحيل أشلون في قبري توطينـي



ابوي لو تموت الناس ماتسوى دموعـك ذي ؛،؛ وأنا يابوي ميت قبل أموت وأنـت محيينـي



قسم بالله يابوي لجل عينك شربـت الغـي ؛،؛ جرعت الهم والحرمان وبحر الويل يسقينـي



تحملت السنين اللي طوتني في عاذبي طـي ؛،؛ وصار الجمر بكفوفي .. وتحت أقدام رجليني



يابوي ماعلى عمري حسافه ولا بقا بي شي ؛،؛ ولكـن بطلبـك يابـوي تكفـا لا تخلينـي



يابوي مابي غيرك يغسـل جثتـي بالمـي ؛،؛ وتكفا قبل لا أتكفن .. يابوي فكلـي عينـي



بأمر الله يمكن ألمحك وأرحل في عيني ضي ؛،؛ وودع وجهك الطاهر مع دنيـاي وسنينـي



وخل الناس تحملني وترفع راسي ورجلـي ؛،؛ وتأخذني على قبري وتكسب أجرهـا فينـي



وأذا جيت القبر يا بوي نزلني شوي شـوي ؛،؛ ووجهنـي لبيـت الله .. وقبلـه المصلينـي



وحط الطين وأدفني وعز اللي يعـزي فـي ؛،؛ ثلاث أيام يابـوي .. يواسـوك المعزينـي



ورابع يوم يا بوي تذكر .. ضحكتي وعني ؛،؛ تذكر وش كنت أقول يـوم أنـك تنادينـي



تذكر يوم كنت أنام في ظل النخـل والفـي ؛،؛ تجي يمي تصب الما..على وجهي وتصحيني



تذكر جرة الموال وصوت في حبالـه كـي ؛،؛ تذكر يوم أغني لك قصيدي وانت توحينـي



تذكر ضحكتك لا قلتلك يابوي عشقي هـي ؛،؛ تذكر كم قصيدة خافيه مـا بينـك وبينـي



تذكر كل شي كان وأذكر يـوم انـا حـي ؛،؛ ولكـن أسالـك بالله يابـوي لا تبكي

 

 

 

 

[معلومات العضو مبارك الخييلي]

ماعلي قصور


سلمت يمينك وجعلس دايم الدوم سالمة لأبداعك


أظن هي مقطع أبلوتوث منتشر


لكن إلى الآن لم أعرف قائل هذه الأبيات



هل أذا كنت تعرفينه تخبرينا




الله يعطيك العافية



تقبلي شكري والتقدير

 

 

 

 

[معلومات العضو شافي القويسي المخاريم]

قصيده مؤثره



يعطيك العافيه على ما قدمتيه


تحياااااتي

 

 

 

 

[معلومات العضو اخو بتلا]

لاهنت يا ماعلي قصور

ومشكور وما قصرت

على القصيده

 

 

 

 

[معلومات العضو ابو فهد الغييثي]

قصيده مؤثره



يعطيك العافيه على ما قدمتيه


تحياااااتي

 

 

 

 

[معلومات العضو ماعلي قصور]

لاهنتوا جميع على ردودكم الزينه لي

بس يااخوي مبارك والله اني مانيب خابره من قائلها

العذر منك اخوي

 

 

 

 

[معلومات العضو فيصل بن جزاء]

الاخت ماعلي قصور

لاهنتي وبيض الله وجهك وتسلم يمناك

على نقل القصيده المؤثره

تقديري واحترامي

 

 

 

 

[معلومات العضو ابن ادريس]

قصيدة مؤثرة جدا جزاك الله خيرا

 

 

 

 

[معلومات العضو غلا نجد]

سلمت على النقل غاليتي

بانتظار جديد ابداعك

دمتي كما انتي غلاي

احترامي وتقديري

 

 

 

 

[معلومات العضو بنت الشايب]

لاهنتي ع النقل المؤثر

دمتي بود