(ان عشــت ياراســـي كسيتك عمامه,,, وان مـــت ياراســـي فدتـــك العمــــايم)

[معلومات العضو بن مشخص المسعري]

قصيدة قديمه ومعبره جدا في وصف الشجاعه وتفاصيل معركه خاضها صاحب هذه القصيده وهي للفارس محمد بن سرار الشهراني
أعجتني جدا أبيات هذه القصيده لما فيها من قوة في المعاني فأردت ان انقلها لكم لتستمتعوا بها

ان عشت يا راسي كسيتك عمامه
،،،،،،،،،،،،،،،وان مت يا راسي فدتك العمايم

يا راس شيبك ما بدا بك مذله
،،،،،،،،،،،،،، والشيب تكرم به كبار اللمايم

الاجواد يكرم شيبها في مشيبها
،،،،،،،،،،،،،، نقالة القاله محوص الصرايم

ياما نطحنا في الصبا من قبيله
،،،،،،،،،،،،،، يوم الصبا والرمح للكيف رايم

و ياما خذينا تونا من كسابه
،،،،،،،،،،،،،، بسيوفنا راحت تقسم غنايم

و ياما نسفناهم على جال وادي
،،،،،،،،،،،،،،،، و ياما نحونا فوق سود الشكايم

اربع مية خيال جونا مسيره
،،،،،،،،،،،،،،جونا يبون الغرس حلو الطعايم

وقالوا يسار الغرس والا يمينه
،،،،،،،،،،،،،،امس لكم واليوم جا فيه سايم

وقلنا لهم من دونه الموت حامي
،،،،،،،،،،،،،،،اليوم نهدي الروح نخشى اللوايم

وثنيتها لعيون غرس بكاير
،،،،،،،،،،،،،،،،يثمر بهيبتنا غصونه نعايم

واخذت اطاردهم وانا فوق قبا
،،،،،،،،،،،،،،،، مثل الهدود اللي عن العشب صايم

تلحق ليا غارت ولا يلّحق بها
،،،،،،،،،،،،،،،،، شقرا ولا ضريتها بالهزايم

من يوم بان الفجر لين اعتلى الضحى
،،،،،،،،،،،،،،،،، وحنا نقلط للمسير عزايم

والله عطانا منصب الحق والظفر
،،،،،،،،،،،،،،،،،، يوم التقت بين القروم الولايم

يوم اسلموا للمنع واسندت عنهم
،،،،،،،،،،،،،،،،،،لياهم كما عشب لفح به سمايم

هذاك اسير وذاك يومه دنابه
،،،،،،،،،،،،،،،،،، وهذاك مكسور وهذاك شايم

هذا زمان فات ما ينفع المنا
،،،،،،،،،،،،،،،،،، يوم اذكر الماضي تزيد العضايم

الراس شاب وثالثة رجلي العصا
،،،،،،،،،،،،،،،،،،،والله يوقظ قلب من كان نايم

وانا ابن سرار علومي قديمه
،،،،،،،،،،،،،،،،،،،( محي عسرها طيب الليالي القدايم)

وانا في رجا عمرٍ وعمرٍ ورا الشفا
،،،،،،،،،،،،،،،،،عساه ليا جانا ترد اللزايم

لعل قبل الموت نسمع بشيره
،،،،،،،،،،،،،،، ابجاه من يحيي العضام الرمايم

وصلاة ربي عد ما ذعذع الهوا
،،،،،،،،،،، على النبي واصحابه اهل الكرايم




أخــــــــــــــــــــــــــــــــــــــوكم العــــــــــــائد
( أبو مشـــــــــــــخص)

 

 

 

 

[معلومات العضو فالح بن فهاد]

ابومشخص لاهنت على النقل الرائع والقصيده التي نالت الاعجاب

 

 

 

 

[معلومات العضو ابو فهد الغييثي]

لاهنت على النقل الرائع والله يعطيك العافيه