باقولهـا لـو زعّلـت زيـد وعبيـد..!!

[معلومات العضو الزين]

اقدم هالقصيدة واتمني انها تجوز لكم لشاعرها ...خوي المطاليق

اليوم كالعاده حسب وضع البشر قلـت القصيـد=قصيدةٍ مـدري وش اكتـب ياعـرب عنوانهـا
وادري قصيدي مرّ لو قلته محـد بيقـول عيـد=وبه نـاس واجـد ودّهـا منّـه تسـدّ آذانهـا
لنّي أسلّ السيف واضرب به على راس البليـد=واكشـف علـوم العالميـن هزالهـا وسمانهـا
أتبع مقولة : ما يفلّ اقـوى الحديـد الاّ الحديـد=وما يستوي سيـر الجمـال الاّ بمـسّ بطانهـا
ماجامل المخطـي ولا آداري ولا قبّلـت إيـد=ولا امدح سفاسيف القبايـل طامـعٍ باحسانهـا
أصرف ذهب يفرح به العاقل ومفتوح الرصيـد=جزل البيوت وطلبـة العـرّاف خيـر اثمانهـا
موضوعها شـيٍ تشوفونـه ولا رحنـا بعيـد=شفتـه وشافتـه الرجـال العاقلـه باعيانـهـا
أمور في بعض المجالس منّها ضغطـي يزيـد=واحاول اضبط نفسي اليا جيـت قـدر امكانهـا
لكن تعدّت واستضاق الدمّ فـي وسـط الوريـد=ماعاد فينا خيـر لـو نصبـر علـى كتمانهـا
باقولهـا باقولهـا لـو زعّلـت زيـد وعبيـد=جا وقتهـا ويـا سعـد عيـنٍ قابلـت ديّانهـا
بعض المجالس وضعها يودع على كبدي وقيـد=وضعٍ يخالـف للمجالـس راسهـا بكرعانهـا
شيبان وشيوخ و وجيه لطارف المجلس تحيـد=وفي مقدمه صفّت حثـالات البشـر ورعانهـا
صدر المجالس للشيوخ اللي تخلّص كـل قيـد=روس الجموع اللي على الدنيـا رفيـعٍ شانهـا
والاّ لعـرّافٍ تفـك الهـوش بالـراي السديـد=وتشـرّع حقـوق القبايـل كلـمـةٍ بلسانـهـا
والاّ لقـوم الحـرب شيّـال البيـارق والعقيـد=حوض المنايـا لاشتبـك فـي هيّـةٍ دخانهـا
والاّ لشيبـانٍ حباهـا الله بالعـمـر المـديـد=شابـت لحاهـا واقبلـت متعنّـزه عصيانهـا
صارت تربّع بع خلايف كـلّ هيّـن مـا يفيـد=اللـي تناسـت ويـن مقعـد جدهـا وابوانهـا
اللي زمان الخوف تشرد لا بدا الضـدّ العنيـد=واللي زمان الجوع تنخـشّ ان دعـا ضيفانهـا
وقام يتسابق له شبـابٍ غـرّه الثـوب الجديـد=ولبس البشوت اللي تبـارق زريهـا بامتانهـا
ناسٍ تحس بنقص . تتقدّم لها ركـض وطريـد=فـي ظنهـا قيمـة مكانتهـا حسـب مكانهـا
وان جا كبير السـن تبـدا بالتلفّـت والصديـد=بلفيـت مشغولـه تحاكـي الجالسيـن وزانهـا
ياقف عسا واحد يقدّر شيبته ، ، لكـن جحيـد=وينحدّ لاطراف المجالـس فـي ذرى بيبانهـا
وين المضيّف عن ضيوفه راعي القصر المشيد=عزّ القصور بعز مـن فيهـا مهـو باركانهـا
وطبع العزيز يعزّ ضيفانه قبـل صـبّ الثريـد=يضرب حساب اعمارها واحجامهـا واوزانهـا
كم جاهلٍ قد شاخ في المجلس على الكرسي وتيد=روس القبايل ما يفـارق مقعـده مـن شانهـا
ماهوب زودٍ لا حضر وان غاب ما يحسب فقيد=يسرّحه مدح الضعوف اللـي عطتـه ارسانهـا
ردّه لمنزالـه وشـدّه لـو تجيـه ام العبـيـد=وفي جبهته بصّـم يمينـك لا انتفـخ شريانهـا
حتّاه يصحا . وان صحا قل له خذ العلم الوكيـد=ولا تنخدع للـي تطبّـل لـك علـى طيرانهـا
ياحيف يا نسل الرجال اللي لهـم مجـدٍ تليـد=صرتو رمادٍ من عقـب نـارٍ وقـف دخانهـا
بيض اللحا جرتو عليها مالقـت منكـم عضيـد=والله يعقّـب عالـمٍ مـا تحـتـرم شيبانـهـا
أمحق مجالس صار فيها القدر ينقص ما يزيـد=اللـي بهـا الرعيـان تتقـدّم علـى عمّانهـا
وامحق رجالٍ ما تحصّل بينهـم رجـلٍ رشيـد=يصهل إليـن الغاويـه ترجـع علـى حدّانهـا
وباقي مزيد من العلوم ان قال احد هل من مزيد=دنيـاً عجايبهـا كثيـره شيّـبـت غربانـهـا
والوقت من بين النزول وبيـن ميعـاد الشديـد=لمحة بصر يـا دوب فيهـا ترتكـز عمدانهـا
قلت استغل الوقت وابدع للعـرب قـافٍ جديـد=إمـا اطلقـت حجّانهـا والاّ عقـدت حجّانهـا
اليا اطلقت حجّانهـا بتقـول تكفـا عيـد عيـد=واليـا عقـدت حجّانهـا عنّـي تسـدّ آذانهـا

وسلامتكــــــــــــــــــــــم

 

 

 

 

[معلومات العضو فهد بن مبارك الودعاني]

أختي الزين

صح السان الشاعر

ولأهنتي على أيردا هذه القصيده...



تقبلي مني أرق التحايا و أعذبها من أخوك.....

 

 

 

 

[معلومات العضو RUUD VAN NISTELROY]

شكراً عالنقل

وصح لسان قايلها

 

 

 

 

[معلومات العضو الزين]

المشاركة الأصلية كتبت بواسطة فهد مبارك الودعاني

أختي الزين

صح السان الشاعر

ولأهنتي على أيردا هذه القصيده...



تقبلي مني أرق التحايا و أعذبها من أخوك.....

ومن قال مايهون وبيض الله وجهك علي المرور الطيب

 

 

 

 

[معلومات العضو أبونواف الدوسري]

لا هنتي على النقل ابنتنا الزين

و صح السان الشاعر خوي المطاليق

وفقك الله ورحم والديك

 

 

 

 

[معلومات العضو الزين]

المشاركة الأصلية كتبت بواسطة RUUD VAN NISTELROY

شكراً عالنقل

وصح لسان قايلها

بيض الله وجهك علي المرور الطيب لاهنت ياخوي

 

 

 

 

[معلومات العضو الزين]

المشاركة الأصلية كتبت بواسطة أبونواف الدوسري

لا هنتي على النقل ابنتنا الزين

و صح السان الشاعر خوي المطاليق

وفقك الله ورحم والديك

اللهـــــــــــم أميــــــــــــن

ومن قال ما يهون ........وصح بدنك يابو نواف

 

 

 

 

[معلومات العضو نادر فهاد بن نادر]

الاخت الزين شكرا لك على النقل الرائع والمميز وقصيدة الاخ خوي المطاليق قصيدة

جميلة واكرر الشكر له هو ايضاً


اخوك نادر بن فهاد بن نادر

 

 

 

 

[معلومات العضو الزين]

المشاركة الأصلية كتبت بواسطة نادر فهاد بن نادر

الاخت الزين شكرا لك على النقل الرائع والمميز وقصيدة الاخ خوي المطاليق قصيدة

جميلة واكرر الشكر له هو ايضاً


اخوك نادر بن فهاد بن نادر

العفو ولاهنت يابن نادر علي المرور والتعليق الطيب

 

 

 

 

[معلومات العضو ابو زيد الغييثي]

ياحيـف يـا نـسـل الـرجـال الـلـي لـهـم مـجـدٍ تلـيـد=صـرتـو رمــادٍ مــن عـقـب نـــارٍ وقـــف دخـانـهـا
بيـض اللحـا جرتـو عليهـا مالـقـت منـكـم عضـيـد=والله يـعـقّــب عــالـــمٍ مـــــا تـحــتــرم شـيـبـانـهـا

صحـ لسان خوي المطاليق

وصح السانتس ولاهنتي

على نقل هذا النص الجميل

نص راائع وبنتظار الجديد


ابو زيـــد

 

 

 

 

[معلومات العضو الزين]

المشاركة الأصلية كتبت بواسطة ابو زيد الغييثي

ياحيـف يـا نـسـل الـرجـال الـلـي لـهـم مـجـدٍ تلـيـد=صـرتـو رمــادٍ مــن عـقـب نـــارٍ وقـــف دخـانـهـا
بيـض اللحـا جرتـو عليهـا مالـقـت منـكـم عضـيـد=والله يـعـقّــب عــالـــمٍ مـــــا تـحــتــرم شـيـبـانـهـا

صحـ لسان خوي المطاليق

وصح السانتس ولاهنتي

على نقل هذا النص الجميل

نص راائع وبنتظار الجديد


ابو زيـــد

صح بدنك ولاهنت يابن غياااااااااااث

علي المرور والتعليق الطيب