القهــــــوه العربيـــــــه

[معلومات العضو سعد الغريري]

والله ما ستانس وينساح بالي **** الا الى ما قـام يزجـر فحـلها‎

وأشوف حيران النياق الغوالي **** تدرج ونار الربع يوضي شعلها‎

في مجلس والربع ربع رجالي **** والسالفة ون جات ما حد شقلها‎

إن جاك خطو السهدلي السدالي **** قله وأجناسك بعد منك ولـها‎

تراه ما ينفعك في كل حالي **** ون قابل الكـبد العـذيه دبلـها‎

وجهه عساه المظلمات الليالي **** ونفسه عسى ربى يعجل بأجلها‎

ترى السوالف يا ذهان الرجالي **** تسمج إلى عرضت على غير أهلها



ومن قول دغيم الظلماوي من قصيدة طويلة في القهوه

.............................



يا كليب شب النار يا كليب شبه **** عليك شبه والحطب لك يجابي‎

وعلي انا يا كليب هيله وحبه **** وعليك تقليط الدلال العــذابـي‎

وادغث لها يا كليب من سمر خبه **** وشـبه الى منه غفا كل هابي‎

باغ الى شبيتها بالمشـبه **** تجـذب لنا ربع سـرات غيابي‎

بنسرية يا كليب صلف مهبه **** متكفكفين وسـوقهم بالعقابي‎

سرات بليل وناطحين مهـبه **** لا نسنست كـن به سم دابي‎

 

 

 

 

[معلومات العضو محمد بن الأشيب الغريري]

( سعد الغريري )

تسلم مليون يالقرم على نقل هذه القصيدتين الرائعتين .

جيتك ثمينه ومدتك سمينه .

لاتحرمنا من مشاركاتك يالذيب .

 

 

 

 

[معلومات العضو يحيى الودعاني]

تسلم يمينك ، قصائد طيبة ومعبرة .

 

 

 

 

[معلومات العضو سعد الغريري]

مشكوووووووور يا ابن الغرير

 

 

 

 

[معلومات العضو سعد الغريري]

اشكرررررك يا يحي الودعاني

 

 

 

 

[معلومات العضو تركي ال فنيس]

لاهنت يالقرم علي الابيات الرائعه

 

 

 

 

[معلومات العضو الواضح]

أخوي سعد الغريري


لا هنت على نقل القصيده


وهذه قصيده لراكان بن حثلين في القهوه

ياعبيد يوم{ن} القمر مابعد غاب = والليل طرف وادبحن النجومي
قم سو فنجال{ن} له الريق ينذاب = يعبا لشرب ناطحين العلومي
في دلتن تطرب خوا كل شراب= تجعل بها خمس المعاني لزومي

 

 

 

 

[معلومات العضو سعد الغريري]

ولا انت يا تركي الودعاني

 

 

 

 

[معلومات العضو سعد الغريري]

صحيح اخوي الواضح
ومشكووووووووووور علي المشاركه

 

 

 

 

[معلومات العضو فهد الغريري]

اخوي الغالي ســــــعــــــد الـــغـــريـــــري

في البدايه ارحبك في هذه المنتدي الكريم

واقول مرحبا ومسهلا يابوبــشـــر هــذه

الساعه المباركه يوم شرفتنا يالـقـرم..

عـــز الله قــــصـــيــد جزل يالنشمي

والجزل ميجيب الا الجزل شـــــرواك

وبدايه موفقه يانسل الاحـــــرار.

ونـــتـــظــــر جـــــــديــــــدك.


اخــــــــــوك/ فـهـد الغريري,,,,

 

 

 

 

[معلومات العضو سعد الغريري]

مشكور يا خووووووي فهد الغريري وانت راعي الاوله
.................................................. ...........................