كـان قـصـدك عـذابـي لاتـوصـي حـريـص ( ( الـبـيـت ))

[معلومات العضو مبارك الدموخ]

كـان قـصـدك عـذابـي لاتـوصـي حـريـص (( الـبـيـت الأكـثـر شـيـوعـا ً فـي مجـال الـشـعـر ))



لاتـوصـي حـريـص



كان قصدك عذابي لا توصي حريص
0 الزمن مايقصّر وانت فيك ابركه

لاتعاند تراني صرت مثل القريص
0 ماحد ٍ راح صوبه والعذاب انهكه

لمعة الشوق فيني مثل لمع الفصيص
0 والقدم سقتها لك والطريق اسلكه

قانص ٍ لك وطحت برمش عينك قنيص
0 يوم شفته غدابالقلب صوت ادبكه

جيت بافر منّك واثر مالي محيص
0 اثر سهّمك تعدا للحشا وادهكه

اشهد انّك بقدّرك وبغلاتك بخيص
0 من كثر زود حبّك طحت وسط إشبكه

انت وينك؟ترا الدعوا غدت خيص بيص
0 وين راح الذكا والفكر والتكتكه ؟

خل قلبي بحبّك ياغناتي يهيص
0 وبين روحي وروحك وقّف المعركه

ماهو بشرط من دش البحر صار غيص
0 كم وكم واحد ٍ شاف البحر واربكه

اشتوت كبدي وصارت إبعدك حميص
0 وقرقعة قلبي بصدري تقول إتنكه

الأمل انطفا نوره وباقي بصيص
0 والعمر فات دوره والزمان ادركه

صح قلت ابتعد لاشك منت برخيص
0 ماتناساك عقلي دام فيه إحركه

مايأثـّر عذول ٍ جا عيونه نفيص
0 راح منّي وكفه بالقهر يفركه

ياحبيب ٍ جعلني من غلاته خبيص
0 له عيوني وطن والروح له مملكه

ماعلي غير شوفك ياحياتي نقيص
0 هاك خيط المحبّه وبيديك إمسكه

بين هم ٍ وتفكير ٍ وحظ ٍ عويص
0 كل من قال خلّه قلت كيف اتركه ؟

كيف اخلّي حبيب ٍ في المحبه خليص ؟
0 فارض ٍ احترامه والحنان املكه

لو جعل لي رساله وسط مخبا القميص
0 بدري ان التجافي والزعل فبركه

ويوم قلت ابتعد والله منت برخيص
0 كيق يرخص مقام اللي هواه إحبكه؟




الشاعر / حمد بن سعد المسرع

 

 

 

 

[معلومات العضو الشقرديه]

كان قصدك عذابي لا توصي حريص 0 الزمن مايقصّر وانت فيك ابركه

صح لسان الشاعروبيض الله وجهك على نقل القصيده لاهنت الشقرديه

 

 

 

 

[معلومات العضو بوحمد الحمد]

صح السسان شاعرها

وبيض الله وجهكـ على الكلمات الرائعه

تقبل مروري

 

 

 

 

[معلومات العضو مبارك الدموخ]

الشقرديه

بو حمد الحمد

شاكر لكم مروركم العطر

 

 

 

 

[معلومات العضو المستشار]

صح لسان قايلها وصح لسانك

وتسلم يمينك يالقرم

 

 

 

 

[معلومات العضو مبارك الدموخ]

المستشار

صح بدنك

لاهنت على المرور