الشاعر الكبيرخالد بن مدعث

**معلومات** **العضو** · 17-06-2005, 02:17 PM


	قصيدة لشاعر خالد بن مدعث الدوسري السالفه ومافيها أن خالد بن مدعث له أخو أسمه غانم ,فستشار غنم خالد وش يشري موتر,قاله خالد اصبر يوم وأنا اعلمك,فقال هذه القصيدة : ياغانم أشتر من جديد المواطيـر = شاصاً على كيف الغريب الخــلاوي لونه مع الأصباح كنه نحر طيـر = ولونه مع أتلا الليل نجــم سمـاوي خطه مع الجنبين ياهيه ما غيــر = شفة هنوف من سقا التــوت راوي أليا مشا كنه ولـد شيخ امغيــر = مصطور صفقه صفق سيل النحـاوي ولافز تسمعله مع القاع تصفيــر = صر السواني فوق بير قصـــاوي ولاوقف ماله من الوصف تصـوير = ألا كما وصف العديـم النـــداوي صوت كفراته لونسة شلعت القيـر = كنه أعوا ذيب من الجوع طــاوي وجلد التواير يجلد الهيد والعيــر = رعاد مزن والبرد منـه هـــاوي وحس المكينه لستوت فزة السيـر = حس الهنوف المترفـي السحــاوي ورفارف يشقابها الفكر ويحيــر = كنه ردايف لا بسـاة الغطــــاوي له مقدم كنـه يقـود الطـوابيـر = أو مثل قبع العسكري الفــــداوي ماخذبه أعيال الجحلط مشاويــر = ولا حملوا حوضه بجحٍ حســـاوي ما ساقه ألا محتميــن المعاشيـر = أهل العزاوي مخلفين الهقــــاوي هو علة ألي مبراسه صعاطيــر = وهو طب من يوجس على الكبد لاوي هو منوة أقلوب الزحول المناعير = لكـــم دونه يقصـراً المنـــاوي يازين فوقه لمشينابه اعصيــر = مـــع خايع ماداج فيها الشــواوي وسهيل بان وطلعته مقدم الخيـر= نجم مـع الغيث المغيث أمتخـــاوي والوسم جاله مع أدخوله تباشيـر = وذكـــر الحياء جتله أعلوم وحراوي يا الله بهمال بصوب المزابيــر = نـــون سنا برقه مع الغرب ضاوي يسقي الديار الممحلاة المداهيــر = ألـــي ثراها فوقها العــود ذاوي وبل وصوته لسقا القاع تكبيــر = شهرين والما حاير في المحـــاوي حتى غداء روس الزبيدي مشاهير = فوق الثراء يعمي العيون ويــداوي كنه أنهود قطعــن الأزاريــر = يضيع معهن مدعيــن الفتـــاوي قفر تعانقبه أغصــون الناويـر = الـــــريح طيب ولم سالم غناوي والروض بطرافه تحن المغاتيـر = وحيرانهن يبـــرلهن بالخطــاوي وكفة فحلهن بينهن كنه النيــر = ولا عقيـــد دون داره حـمــاوي ذي جنـة الدنيا والأيام تعبيــر = ولا زينها ألا مقتفيهــا بـــلاوي لو مانسج الرجل في الخبة ونسير= معاد نلقا للوناســـه حــــراوي أقنوص والارايحين مسايـيــر = صوب الرجال أمزبنين الجـــلاوي ربع لهم حشمه وقيمه وتقديــر = مجلاسهــم مهب مجلس قهـــاوي العود الأزرق والدلال المباهيـتر = ودثر الشحم فوق الصحون أمتسـاوي دواسر يوم الحــرايب بواتيـر = ويوم الرخا حبلاً متين رهــــاوي أصغارهم يثنون عند المضاهيـر = ستر العذارا والــدبش والعــزاوي وكبارهم مثل الوحوش الهواميـر = أسيوفهم بين النحــر والكــلاوي وباقي القبايل نعم من غير تقصير = وكلاً ًعلى فعله يعــد الحكـــاوي غير النشاما ما يبي القلب تدويـر = في شوفهم يسلا العلــيل الشقـاوي أسج معهم والليالــي مقاديــر = والعمر مره يلخفـــوق السنــاوي وش خانة الدنيا وجمع الدنانيـر = وحنــا علينا نازع الــروح نـاوي وسلامتكم ....... تنبيه قال الشاعر في أحد الأبيات (يضيع معهن مدعين الفتاوي) عبرة البيت على أنه يقصد الذين يتسترون بدين وليسوا من أهله,أما أهل الدين فلن يضيعوا معها بأذن الله.

**معلومات** **العضو** · 17-06-2005, 07:39 PM

يحيى الودعاني

سلمت يمينك على النقل الرائع

فكما عهدناك مميز في نقلك يالسنافي

بيض الله وجهك وصح الله لسان بن مدعث

تقبل الود والتقدير

أخوك دغش البطي

**معلومات** **العضو** · 17-06-2005, 07:47 PM

صح السان الشاعر والسانك يايحيي الودعاني بيض الله وجهك مبدع

**معلومات** **العضو** · 17-06-2005, 11:33 PM

حياكم الله .

شرفتونا بمروركم.

**معلومات** **العضو** · 18-06-2005, 07:12 AM

صح الله لسان بن مدعث

وبيض الله وجهك يايحيى كثر ماهوب أبيض

وجعلني ماخلا منك ولا من مواضيعك الطيبه

لاتبطي بجديدك ،،

**معلومات** **العضو** · 20-06-2005, 04:41 PM

مرحبا ببوفهيد حييت يالقرم .

**معلومات** **العضو** · 19-07-2008, 04:13 AM

كبيـــــــــــــــــــــــــــــــــــر يا شـــــــــــــــــــــــــــــــــاعر العـــــــــــــــــــرب

والله قصيدة في قمة الروعة من شاعر فحل

صح لسانك يابن مدعث

ولا هنت أخوي على النقل

**معلومات** **العضو** · 19-07-2008, 08:54 AM

صح السان الشاعر الكبير خالد بن مدعث

والله يعطيك العافيه على طرحها ولاهنت

تحيااااااااااااتي

**معلومات** **العضو** · 26-07-2008, 02:24 PM

حياك الله اخوي ابن شمسان

لاهنت

**معلومات** **العضو** · 26-07-2008, 02:25 PM

حياك الله اخوي ابو فهد الغييثي

لاهنت

**معلومات** **العضو** · 27-07-2008, 11:22 PM

أخوي الغالي

( يحيى الودعاني )

مشكوور ولاهنت على الموضوع الرائع..

تقبل تحياتي،،

**معلومات** **العضو** · 28-07-2008, 04:08 AM

يحيى الودعاني

لاهنت على ماقدمت

وبيض الله وجهك

وصح لسااان الشاعر خالد بن مدعث

في انتظار جديدك

**معلومات** **العضو** · 31-07-2008, 04:08 PM

حياك الله اخوي بدر

ولاهنت

**معلومات** **العضو** · 31-07-2008, 04:10 PM

محمد الولامين

حياك الله و لاهنت

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الشاعر منذر بن حمد بن رشود آل هشام الشكرة في لقاءٍ (أدبيّ) مع الموقع الرسمي لقبيلة الدواسر العريقة .	الإداره	:: قسم اللقــاءات والفعاليات والتغطيات الخاصة::	31	03-02-2015 10:57 AM
التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى)	الإداره	:: قسم اللقــاءات والفعاليات والتغطيات الخاصة::	51	09-10-2011 10:09 PM
الدراسة التفصيلية الكاملة لشعر المحاورة	عقاب بن هذال ال بريك	:: قسم المــحــاورة والألــغـاز::	8	09-10-2010 08:54 PM
التغطية الـمصّورة للحـفل الثـاني لموقع الدواسر الرسمي برعاية الغرره	الإداره	:: قسم اللقــاءات والفعاليات والتغطيات الخاصة::	29	18-08-2007 06:40 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية