فراج الصييفي الغييثي

[معلومات العضو عبدالله الحافر الغييثي]

هذه قصيده للشاعر /فراج الصييفي الغييثي الدوسري
عند دخوله المستشفى بعد تعرضه لكسر في ساقه وهو عند البل
وعندما رأى البرق من نافذة المستشفى قال:

تسعين ليلا" صابرا" بالشكيه=في حجرتي مارحت عنها بعيدي
عيت تفيد احبوب من الصيدليه=يشرونها لي مير عيت تفيدي
دنوا لنا اللي يقرب الخد ليه=هاتوه من المعرض وتوه جديدي
ركابه اللي عارف كل شيه=لا لمس خشم البنص عدوه يزيدي
يامزينه لا اعترض له جرهديه=من منوة روس المبادي السنيدي
بنحره منهو شفوق عليه=الشايب اللي رحت منه بعيدي
اقفى مع اللي يمنعون الرديه=وإن جاء الملاقا ينحسون الضديدي
علمي بهم عند صلب هجريه=ذيدانهم ترعى نبات جديدي
وجدي عليهم وجد راعي ضميه=في كنة الجوزاء ولا معه عضيدي

 

 

 

 

[معلومات العضو أبونواف الدوسري]

الأخ خميس الغييثي

لا هنت علي هذه القصيده

وصح لسان الشاعر فراج الصييفي الغييثي الدوسري... والحمد لله علي سلامته

تقبل تقديري وأحترامي

 

 

 

 

[معلومات العضو فيصل بن جزاء]

الاخ خميس الغييثي لاهنت على نقل القصيده

وصح السان الشاعر فراج الصييفي الغييثي الدوسري

تقبل خالص التقدير والاحترام

 

 

 

 

[معلومات العضو بن حفـيـظ]

بنحـره منهـو شفـوق علـيـه = الشايب اللي رحت منـه بعيـدي
اقفى مع اللـي يمنعـون الرديـه = وإن جاء الملاقا ينحسون الضديدي

خميس الغييثي

يعطيك الف عافيه على كتابتك لهالقصيده بيننا و صح لسان شاعرها وجعله ما يشوف شر .

 

 

 

 

[معلومات العضو عبدالله الحافر الغييثي]

ابونواف
ابوجزاء
ابن حفيظ

ياهلا وةالله ومرحبا بكم
ازداد جمال الموضوع بتواجدكم فيه
لاهنتوا

 

 

 

 

[معلومات العضو ابو زيد الغييثي]

صح اللسان قرم آل محيميد الغياثات

ولسانكيالقرم على هذا النقل ولا تحرمنا من علوم ربعنا


محبكـ

ابو زيد الغييثي

 

 

 

 

[معلومات العضو نايف الخييلي]

اخوي خميس الغييثي

صــح لسانك ولسان الشاعر فراج الغييثي والله يعطيــكـ العافيه بإتحافنا بهالقصيده الطيبه

 

 

 

 

[معلومات العضو عبدالله الحافر الغييثي]

ابوزيد
نايف

ياهلابكم ومرحبا
وسعيد جدا بتواجدكم الرائع
لاهنتوا يالذيابه