الحقباني يتبرع بكليته لوالده

[معلومات العضو بدران البدراني]

هذه الابيات قالها الشاعر// ماجد بن جفيران الحقباني في منصور بن سعد الحقباني بمناسبة تبرعه بكليته لوالده الشيخ فهد بن سعد الحقباني ونجاح العمليتين ولله الحمد :

سلام يا منصور يا طيب الراس =وصلك شهد لك يا حميد السجايا
منعور راس وكاسبٍ كل نوماس =فيك الخصال الطيبة والمزايا
وصلت ابوك وقلت يابوي لا باس =يفداك راسي مع جميع العضايا
في ساعةٍ فيها تضايق بالانفاس =ومن المرض صارت عظامه ونايا
جيت الطيب وقلت عجل بالامواس =واختر لابويه ما يبي من كلايا
عجل تراني ضايق الصدر محتاس =يالله فابويه لا تخيب رجايا
يابوي حبك في الحشا ماله قياس =وشوفك معافا ذاك غاية منايا
راعي الوصل لاجات الارياق يباس =يشرب اليا من يبسن الشفايا
منصور جعل الله يجيرك من الباس =والله يجيرك من جميع المنايا
ويكثر امثالك مع ساير الناس =ويرفع مقامك عند رب البريا

 

 

 

 

[معلومات العضو عبدالرحمن الشرافي]

ارحب يا ابو مشعل


وصح الله لسان الشاعر / ماجد بن جفيران الحقباني

ويستاهل المدح/ منصور بن سعد الحقباني

مع العلم .. ان هذا واجب عليه اتجاه أبوه و لا له منّه



تقبلوا فائق التحية والتقدير

 

 

 

 

[معلومات العضو أبونواف الدوسري]

أخي العزيز بدران البدراني

لاهنت علي هذه القصيده وصح لسان قائلها ...والوالدين يستاهلون حتي لو نعطيهم عيونا ما نلحق

جزاهم..

 

 

 

 

[معلومات العضو فيصل بن جزاء]

أخي العزيز بدران البدراني

لاهنت علي هذه القصيده وصح لسان قائلها ...والوالدين يستاهلون حتي لو نعطيهم عيونا ما نلحق

جزاهم..

 

 

 

 

[معلومات العضو فهد الغريري]

ارحب يا ابو مشعل


وصح الله لسان الشاعر / ماجد بن جفيران الحقباني

ويستاهل المدح/ منصور بن سعد الحقباني

والوالدين يستاهلون حتي لو نعطيهم عيونا ما نلحق جزاهم..

 

 

 

 

[معلومات العضو تركي ال فنيس]

لا هنت
ماله طيب في ابوه

الله يشفيهم

 

 

 

 

[معلومات العضو أبوعبدالله الحقباني]

هذي العلوم الي ترفع الراس

 

 

 

 

[معلومات العضو ابو زابن المسعري]

بيض الله وجه منصور على ذالفعل

والله يجزاه خير ويبيض وجهه

 

 

 

 

[معلومات العضو العماني]

صح الله لسان الشاعر ويستاهلون والله المدح على فعل الرجال المشرف مع ابوه .

ولاهنت يابومشعل على ايراد القصيدة

تقبل تحياتي،،

 

 

 

 

[معلومات العضو نايف الخييلي]

بدران البدراني

الله يسلمك على هذا الموضوع الطيب وصــح لسان الشاعرويستاهل الثناءمنصوربن سعد

وجزاه الله خير وبرالوالدين من أقرب القربات الى الله ومن أعظم الاعمال الصالحه


التي وصانا بها العزيز الحكيم