مـاكـل رجــل يــسـتـرنـه ثــيــابـه

[معلومات العضو الصقر]

رائعـــة للمرحــوم أبو يوسـف السليس

مليــئة بالــدروس والعبـــر... إهـــداء لأهــل الـــذوق

يـقــول ابويوسف قــاف بــدابـه = قـبـل الـمشـيب وعقب سن الشبابي
بـديـت قـافـي والـمـعــانـي تـشـابه = الله يــقــديــنـي لــدرب الـصـوابي
مـاكـل رجــل يــسـتـرنـه ثــيــابـه = لـو يـلـبـس الـغـتره ويرهي الثيابي
ولا كــل بــراق يـسـيل ســحــابـه = لــو يـشـتـعـل بـرقـه بـعز السحابي
ولا كل مـرضـان يـفـيـد الدواء به = ولاكـل من يشفي على الدوم طابي
ولا كل فارس ينتصر في الحرابه = ولا يـنـجـي الـخواف كثر الرعابي
ولاكـل ذيـب يـدمـي الـحلـق نـابه = لـيا صـار مـايـسطـي يـذل ويـهابي
ولاكـل مـن سـافـر وطـول غـيابه = يـلـحـق هـوى نـفسه بطول الغيابي
ولاكل من سعى ورى المال جابه = ولاكــل رمــاي يـحـقـق صــوابي
ولايـسـقي الـضمـيان لمعه سرابه = مـسـكـيـن ياطارد ضحاح السرابي
ومن لايحوزالمجد في اول شبابه = مـايـدركــه مـن عـقـب شيخ وشابي
هـذى خـلص وابـدي بقاف عقابه = مـوضـوع اخـر نـبـتـدي بــالادابي
شفت الزمان اللي بصفوه صفابه = فـيـه الـثـعـل والـبـوم غـنـا وطــابي
امـن وطـمـان ولاتـكـدر شـرابـه = تـرعـابـه الـدرعى وترقى الروابي
في ظل حكام الرخى والصـلابـه = اسـتـورثـوه بـظـرب جـرد الـرقابي
الله يـعـز الـحـكم واللـي سـعابـه =خـلـى الـغـنـم تـرعى بـصف الذيابي
ذيـب الـغـنم جوف الـغنم متهابه = واطـيـه حـكـم مـطوعـيـن الـصعابي
والــحر هـاد ولاتعلى هـضـابـه = والـحمرى تـرقـى بـروس الـهضـابي
ولاينعرف طيرالرخم من غرابه = طــــيـر الـرخـم غـنى وغنا الغرابي
يصلخ ويطبخ مادرى عن عيابه = ويـزعــم بــنـفـسه مـادرى للـعــيابي
لا يـاحقـير الـكبريـاء وشـتــبابه = وانــتــه عـلـيـك الـعيـب من كل بابي
ماتدري ان الوقت تمشي ركابه = تـــمـشيــبـه الايـام مــشـي الـركــابي
وفي كل يوم يمر ينقص حسابه = يـنـقـص من اجـله لين يدنى الحسابي
ويـحـط في قـبـره ويدفن ترابه = ويــمـضـي لـربه فـي ذهـاب وايــابي
من يعمل الـحسـنه يلاقي ثوابه = ومـن يـعـمـل الـسـيـئه يـنـال الـعـذابي
وخـلاف ذا يـاللي تـجيد الكتابه = اخـذ الـقـلـم والـبـوك واكـتـب كـتـابي
اكـتـب ورتـب جابه عقب جابه = لــعــل قـيــفـانـي تـنــال الــعـــجــابي
ذاقول من صاغ المثل واعتنابه = فـي قــدر مـعـرفـتـه يـنص الخــطابي
وصلوعلى المختارسيدالصحابه= خــتــام مــاقــلـتـه وتــم الــجـوابي

 

 

 

 

[معلومات العضو محمد آل نصار]

بسم الله الرحمن الرحيم
السلام عليكم ورحمة الله وبركاته

ماكـل رجـل يسترنـه ثيـابـه =لو يلبس الغتره ويرهـي الثيابـي
ولا كـل بـراق يسيـل سحابـه =لو يشتعل برقـه بعـز السحابـي
ولا كل مرضان يفيد الـدواء بـه =ولاكل من يشفي على الدوم طابي
ولا كل فارس ينتصر في الحرابـه =ولا ينجي الخواف كثـر الرعابـي
ولاكل ذيب يدمـي الحلـق نابـه =ليا صار مايسطي يـذل ويهابـي
ولاكل من سافـر وطـول غيابـه =يلحق هوى نفسه بطول الغيابـي
ولاكل من سعى ورى المال جابـه =ولاكـل رمـاي يحقـق صوابـي
ولايسقي الضميان لمعـه سرابـه =مسكين ياطارد ضحـاح السرابـي
ومن لايحوزالمجد في اول شبابـه =مايدركه من عقب شيـخ وشابـي
هذى خلص وابدي بقـاف عقابـه =موضوع اخـر نبتـدي بالادابـي
شفت الزمان اللي بصفوه صفابـه =فيه الثعل والبـوم غنـا وطابـي

رحمه الله ، شاكراُ لكم النقل الرائع .

 

 

 

 

[معلومات العضو الجوهره]

حقا رائعه نقلتها اناملك لنا اخي (الصقر) ... لا أسكت الله لك حسّا وسلمت يمينك على هذا النقل الجميل...

 

 

 

 

[معلومات العضو الشكري]

الصقر لاهنت

وصح لسان شاعرها


ولا تحرمنا من مواضيعك المميزه


لا عدمناك

 

 

 

 

[معلومات العضو الخييلي]

الصقر الله لايهينك وصح لسانك ولسان قايلها وتسلم يمناك على هالنقل الرائع

تقبل تحياتي...

 

 

 

 

[معلومات العضو محمد ال بو زمام]

السلام عليكم ورحمة الله وبركاته

بيض الله وجه من شارك في هذا الموضوع . وعساكم على القوة .

 

 

 

 

[معلومات العضو نايف]

صح لسانك ياالصقر والله يرحم الشاعر برحمته,,

وتقبل تحياتي ...

 

 

 

 

[معلومات العضو هند]

الأخ الكريم ، الصقر
صح لسانك ولسان شاعر الأبيات
إختيار موفق وذوق مميز

نطمع في المزيد


أطيب المنى
هند

 

 

 

 

[معلومات العضو الصقر]

محمد آل نصــــــــــــــــار

لاهنت يالسنافي على الحضــور و التعليق