قصيده للشاعر محمد ابن فطيس المري

[معلومات العضو أبو جمال الغييثي]

بسم الله الرحمن الرحيم

والصلاة والسلام على رسول الله

السلام عليكم ورحمة الله وبركاته

اخواني اعضاء منتدى قبيلة الدواسر مساكم الله بالخير


هذي قصيدة للشاعر المليون /محمد بن حمد ابن فطيس المري

وهذي قصيدة قيلت في شاعر المليون


في شاعر المليون للشعر مضمار
والسابقه في الشوط تظهر بيدها

ومضمرين بكار الأفكار شعار
وكل ٍ يحضر بكرته في وعدها

والي تردت لا يدور لها أعذار
معذورة ٍ ما دام قد ذا جهدها

والي تعوص وتضرب الحاجز يسار
تشل في الدنه وترجع بلدها

وأنا محضر بنت صوغان الأفكار
من حبها عندي تفحم وحدها

ان جارها الله من صواديف الأقدار
جاتك وجاك الجيش كله بعدها

الله عليها من مقاريد الأنظار
وصلت تحسك ما غشاها زبدها

وتلقفوها بالعلم رمز وشعار
وصفق لها منهو بعينه شهدها

ومرو بها تو المنصه كما الطار
يالي تزعفرها من الطاس زدها

شبهت بالهجن الأصيلات الأشعار
وقصيدتي تراث أهلنا مددها

أعتز به وآقف له إجلال وإكبار
واحة شرف يا سعد منهو وردها

أغلا أبلنا في ماجب الضيف والجار
يحلب لبنها قبل يذبح ولدها

وتراثنا من دونه نبيع الأعمار
وبفعالنا روس المعالي صعدها

واليوم ضاق الجو من كثر الأقمار
تبث حقد الي لحقده رصدها

غزى الشعر قبل أمس غازين الأفكار
قوم ٍ على الساحة دفعها حسدها

تلقفوها ثم جاوا من كل الاقطار
هذا يصبحها والاخر هجدها

هذا يحرف بالأدب سر وجهار
وهذاك يذبح موهبه في مهدها

واقفوا على أبل الشعر في وقت الاسحار
غاروا على الساحة وعروا جسدها

وصاحت بعد ما شافت إن سترها طار
و وقف ولد زايد محمد سعدها

قال أبشري بالستر وبردة الثار
وأضفا عليها سترها ما نشدها

وأستل سيف ٍ فالمواجيب بتار
وأطلب ورد البل على من فقدها

على خطى زايد خطاويه ما بار
والحاجه الي في خياله وجدها

اغنى العرب من شوف أكاديمي ستار
و من شوف أمر من السخافات وادها

شفت الشعر بستان وأبوابه أزهار
وقطفت ما يسكن مشاعر شهدها

قطفتها من ديرة ٍ تنبت أحرار
من دار أبو مشعل ذراي وسندها


وســــــــــــــلامــــــــــــتــــــــــــكـــــ ــم

تـــــــقــــــــبـــــــلـــــــوا فـــــــائــــــــق احـــــــــــتـــــــــرامـــــــــي

ابــــــــــــوجـــــــــــمـــــــــــال الـــــــــــغـــــــــــيـــــــــــيـــــــــــث ـــــــي

 

 

 

 

[معلومات العضو العضوالمنتدب]

ابوجمـــال الغييثي سلمت يمناك يالقرم والمحيط الهادي مايكتب الا اللي مسكت وهذه القصيده برهان
قاطع على احقيته بالمليون

 

 

 

 

[معلومات العضو أبو جمال الغييثي]

العضو المنتدب

لاهنت على مرورك يالقرم ووبيض الله وجهك