قصيدة الرجبان في الامير/ عايض بن هذلول ـ رحمه الله ـ

[معلومات العضو سحابة صيف]

أمس فقدنا شيخ !!))
قصيدة مرثية لشاعر عبدا لله حمير السابر الدوسري في وفاة الشيح المرحوم بذن الله /عايض بن هذلول بن سلطان الوداعين الدوسري احد أعيان الخماسين في محافظة وادي الدواسر .
عرف بالزهد والتقوى وطيبة النفس والكرم وسماحة الجانب وكان محبوب لدي من يعرفه قريب وبعيد وهو رئيس مركز الخماسين .
وقد أبا شاعرنا ألان يقدم تعزيته لبنائه والصدقائة بقصيده واليكم هذه المقطوعة ..

ابن ادم محدود عمره يومه 0000 يعيش في الدنيا وله يوم جابه


ذي سنة الله والحياة محتومه 0000 لامن دنا اجلة نوخت به أركابه

أمس فقدنا شيخ فقده حثومه 0000 ماعاد نرجي عودته من غيابه

عايض ولد سلطان غابت انجومه 0000 لله نرجع والمقدر غدابه

حياته تمت بالجميل مختومه 0000 كريم يمنا بالمشيب وشبابه

عزالله ان الله رفع له اسلومه 0000 طلق الحجاج وكل طيب وفابه

لاجيت تلقا الشيخ ويقوم قومه 0000 قومة فحل تبهج رفيق لجابه

مافيه لاكبر ولافيه زومة 0000 سهل الجناب ونافع من هقابه

لبومبارك في المواجيب هومه 0000 وللطايلة لاقام ياخذ احسابه

كم فرجت لهل المطالب اعزومه 0000 وحل العقود المبرمة ماتهابه

والعاني لامن جاه يقضي لزومه 0000 مهمايكون ابقدرة الرب جابه

من حسن خلقه وافيات اقسومه 0000 بين الرجال القسم لول حظابه

ماكاد من فعل ينومس يرومه 0000 حتى ولوهوبا الثريا اعتلابه

قصر ه مشرع والكرم فيه كومه 0000 ماقط يوم شفت قد صك بابه

الكذب والنمات فيه معدومه 0000 والهرج الاعوج عادته ماحكابه

ياخذ من الطالات وفي اسهومه 0000 حظ ركب عايض وفعل رقابه

والظيب لهل لطيب دوما يسومه 0000 ماهو بدعه ناشي في إرحابه

من لام من يبكية ربي يلومه 0000 لجناب ولاصحاب تبكي جنابه

وخير العوض في ابو مبارك إقرومه 0000 اصقور مدربهم على كل دابه

هم الخليفه في فعايل ارسومه 0000 ماخاب ظن في نسول الذيابه

روحه بحول الله ماهيب امحرومه 0000 من جنة والله كريم الرجابه

لعل تشفع له صلاته وصومه 0000 وماعطاه واسقى من حلاوة شرابه

عبدالله حمير السابر الدوسري
وادي الدواسر اللدام في 28/2/1428

 

 

 

 

[معلومات العضو عبدالله بن عريمة]

صح السان الشاعر الكبير بن حمير والله يرحم الفقيد الامير عايض بن هذلول

والقصيدة نقلها الاخ الفاضل مبارك بن سيف