ابن الذيب يتهجم على بنت من ال سعود ويرد عليه شاعر سعودي

[معلومات العضو سعيد الصخابره]

قصيدة الشاعر القطري محمد ابن الذيب




ياعبدالله ابن غراب والجود في الماجـود @@وأنا في فرنسا ويش أخلي وويش أرجي ؟
أنا رحت فيها عند وحده مـن آل سعـود @@ورجالها مـن ربـع عدنـان خاشفجـي
عفيفـة عفيفـة مالحقهـا ولا منـقـود @@عليها السلام وحورهـا النعّـس الغنجـي
لها بيت فـي جـده وسواقهـا محمـود @@على موترن ماهوب كدلك ولا هو ابجـي
مع إسطابـه الخلفـي سطابيـن والا زود @@وهو في النعيرية يسفـر علـى الخفجـي
تقل مهرتن من خيل راكان أو ((صاهود)) @@أبعنهـا بالسـرج والا بـلا سـرجـي
رقت برج ليفل واجتمع من عليها النـود @@ورحب بها البـراق والمـزن والثلجـي
لو إنها تقول البرج برجي بـدون شهـود @@تهاوا لها البرج وتهـاووا هـل البرجـي
ياحكام نجد أنـا بوجـه المليـك العـود @@ويالله من جانـي فـلا غيـره المنجـي
لو إنها من العجمان ماهي من آل سعـود @@وهي بالحلا ذا كـان زليـت بالهرجـي
وياخشمي عليك اللوم من شمـة البـارود @@ماينهاك عن دوس الحما وضعك الحرجي


رد الشاعر السعودي على القصيدة : عبدالعزيز بن محمد العتيبي



الا يانديبي جعلهـا روحـه بـلا عـود @@تولم وخذ قـافٍ كتبتـه علـى نهجـي
رسالة ووصلهـا ولا كلفـت مجهـود @@عسى عقب توصيل المراسيل ماتنجـي
الا جيت من غنى ولا هو ترى محـدود @@نهق كنه اللي فوقه اغماد مـع خرجـي
يغزه ابليس العـود ويشجعـه محمـود @@تجمع خدوشٍ سامجة هرجهـم سمجـي
عطه من ضميري كلمةٍ كنهـا العبـرود @@تخلي اعظام الهيـس تبـرد وترتجـي
سمعنا كلامك وانت ماتسمـع المنقـود @@هبيلٍ ضميرك ضاربة بابـرة البنجـي
والا يابن خر الذيب ياناطـح الجلمـود @@كسر قرنك الجلمود يالابـس افرنجـي
تطاولت وانت الناقص التافـة الملهـود @@وتجريت يوم الشيخ يهدي لك الرنجـي
وانا حافظٍ لك موقـفٍ ثابـتٍ مشهـود @@تشوفه جماهير الملاعب على البرجـي
ترى موزة الريان لامن طرقهـا النـود @@يصفق لها لحجي ويضحك لهـا لحجـي
نقلها عربسات الفضاء والعبـاد اشهـود @@وشاهدها العرب والفرس والهند والزنجي
وهرمون ابن مكتوم راعيك رعي الدود @@وهذا هرجك اللي قلت مهوب من هرجي
تماديت في عميـاك ماترتـدع بحـدود @@ولحقت الشيوخ اللي لهم مقدم السرجـي
سلاطين نجد اللي حموها مـن النمـرود @@طويلين الايدي والنسب ساطـعٍ لنجـي
شيوخٍ على اشيوخ العرب فارقين بـزود @@وفي عهدهم نشرب قراحٍ بـدل همجـي
اخذها رسالة يـا محمـد بـلا مـردود @@واذا عـدت توبنـاك يالتافـة العلجـي

 

 

 

 

[معلومات العضو عبدالعزيز السديري]

مقدي فية

 

 

 

 

[معلومات العضو ناصر فياض الودعاني]

صح لسانك ولسان عبدالعزيز العتيبي


ولاهنت ياكحيلان

على طرح القصيدة


لك مني كل الود والتقدير

 

 

 

 

[معلومات العضو ولد زعب]

ابن الذيب عقب القصيده طلبه الامير سلمان بن عبدالعزيز وخاف ابن الذيب ودخل على خواله المره وعقبها كلم ابن جمعه قال انا بروح لسلمان بس اخاف يقطني بالسجن قاله ابن جمعه تعال وانا اسنعك وراح وفالخط لقا تفتيش وحاول مايبرز نفسه لين قال له واحد عسكري عتيبي اظهر يابن الذيب والله يالذا النقطه محطوطه علشانك بس دامك رايح لسلمان روح وبستر عليك وراح لبن جمعه ودخلو على سلمان وقال ابن جمعه تكفى ياسلمان الرجال جاي يعتذر وامسحها بوجهي وابن جمعه له مكانه عند الامير سلمان وسامحه الامير سلمان طول الله بعمره(((وهذا يدل على عفو حكامنا وطيبتهم)))

 

 

 

 

[معلومات العضو سعيد الصخابره]

مشكورون جميعا على المرور الرائع

 

 

 

 

[معلومات العضو محمد بن حمد الشكرة]

عز الله العتيبي مقدي في ابن خر الذيب ويستاهل ماجاه ولايحسب ان بنات الناس لعبتن عنده

لاهنت ياسعيد على نقل القصايد وصح الله لسان العتيبي

 

 

 

 

[معلومات العضو دـأيـم إهـذريبــگ]

مقدي فيه ويستاهل

لاهنت ياسعيد على نقل القصايد وصح الله لسان العتيبي

 

 

 

 

[معلومات العضو الزين]

لاهنت على النقل

يمكن يستاهل ماجاه لكن ابيات العتيبي ماهي بطيبه

يمكن فيه اسلوب افضل من كذا..............رأي شخصي

 

 

 

 

[معلومات العضو سعيد الصخابره]

ابوحمد

دايم إهذريبك

الزين


مشكورون على المرور يعطيكم العافيه

 

 

 

 

[معلومات العضو سعيد الصخابره]

مافيه تفاعل مع هالقصيده والرد

تحياتي لكم

 

 

 

 

[معلومات العضو سعود بن محمد الصخابره]

المشاركة الأصلية كتبت بواسطة عبدالعزيز السديري

مقدي فية

عزالله انك صادق ومقدي ولاهو مخطي

 

 

 

 

[معلومات العضو راشد المسعري]

لاهنت ياسعود وبيض الله وجه ابو مشعل وهو عضو قديم بمنتدانا وبيض الله وجهه على الحمية اللي في مكانها بغض النظر عن ماتطرق له ، وابن الذيب شاعر وولد شاعر ومافيه كلام ولكن !!! شطحاته واجد الله يهديه وتقلل من قيمته أمام جمهوره ومحبيه.
وللجميع ودي وتقديري ،،،