قصيدتي في مسابقة ام رقيبه

**معلومات** **العضو** · 10-02-2010, 09:31 PM

الشعر ضيف وداخل الصدر ملفاه=يقلط وجزلات المعاني دلاله
يطرب ويسمو مع هل المجد والجاه=إلى حوى المضمون فكر وجزالـه
في مدح من لا جابت البيض حلياه=كنه طلع فـوق البسيطـه الحالـه
بعد النبي والصحب مامثله أشبـاه=يالله عسى الفـردوس فيهـا مآلـه
عبدالعزيز اللي على الحق ممشـاه=قضا على عصر الفتـن والجهالـه
واليوم في عهد الرخا والمسـاواه=عهـد التقـدم والبنـا والعـدالـه
عهدٍ شلع جنح الدجا مـن محيـاه=ياخذ من الممدوح روعـه جمالـه
حب الملك كيفـا وشعبـه تقهـواه=واعطا الـولا لله ثـم الـولا لـه
لو كان اعدد ميـزه مـن مزايـاه=الشعر موفى خصلةٍ من خصالـه
بحرعطا والدار جـزره ومرسـاه=رمز السخى تسبق يمينـه شمالـه
مفتوح قلبـه للمواطـن ودعـواه=يعطيه مطلوبـه ويسمـع سؤالـه
والحمد للـي مالنـا غيـره ايـلاه=الحمـد لـه والشكرلـه والثنالـه
سلم لنا مشعـل وسلطـان عافـاه=نعمه من اللي مـا تعـدد فضالـه
عودا حميدا زفـت الـدار بشـراه=وعم الفرح باقصا الجنوب وشماله
مشعل سليل المجد والعـز يزهـاه=رمز الفخر والطيب رمز الشكالـه
وسلطان نهرا بالعطا ربـه أجـراه=من جود كفـه كـل حـي دعالـه
يوم العدو بالحـد يـزرع خلايـاه=والحرب تبـرم خطتـه بالوكالـه
سير لهم جيش الفخر يرهب عـداه=ودك الخنادق في مخابـي جبالـه
جيش على التوحيد ممشـا سريـاه=والمنهج الطاهـر عقيـدة رجالـه
الحـد مـن دم الأعـادي سقينـاه=ونفدا الوطن بالروح حب وبسالـه
هذا الوطن شامخ ولا زعزع بنـاه=يبقى على الطامـع عسيـر منالـه
عسى السحاب إلى نشا ونتثر مـاه=يمطر على شبة الجزيـرة خيالـه
أيام عقب السيـل تشبـع رعايـاه=تقطف ثمر نبته وتطـرق ازلالـه
البـل لهـا مجـد قديـم ورثنـاه=ورب البشر في محكم الكتب قالـه
حمر النعم يلقابهـا البـال سلـواه=من شافهـا يرتـاح فكـرة وبالـه
البانهـا طـب لمـن ضيـع دواه=ماخاب من حرش العراقيب مالـه
كم فرحت من واحد تاهـت اريـاه=رجل قناهـا بيـرق العـز نالـه
يالله ياسامع دعا من ترجاه= تحفظ لنا دار الفخر والرساله

**معلومات** **العضو** · 10-02-2010, 09:46 PM

.
.
•
صح لسانك يا ابوفهدُ
واعتلى ـآ شآنكٌ ,, تقبل موروري

**معلومات** **العضو** · 10-02-2010, 10:16 PM

صح السانك يبو فهد وقصيده جزله من جزل

تقبل تحياتي وتقديري

**معلومات** **العضو** · 10-02-2010, 10:54 PM

أبو فهد صح الله لسانك ولاهنت وبيض الله وجهك

وفالك الناموس جزل والقصيده جزله

تقبل تقديري ,,

**معلومات** **العضو** · 10-02-2010, 11:12 PM

أخوي عبدالله بن فهد
لاهنت على القصيده الجزله
صح لسانك واعتلى شانك

**معلومات** **العضو** · 10-02-2010, 11:40 PM

ابوفهد ليس غريب منك هذا الابداع ومهما كتبت من الثناء والمديح فأنا مقصر في وصفك
لكن اقول صح لسانك واعتلى شانك ياضلع سنجار

**معلومات** **العضو** · 10-02-2010, 11:59 PM

صح لسانك يابو فهد

**معلومات** **العضو** · 11-02-2010, 12:31 AM

أبو فهد صح الله لسانك ولاهنت وبيض الله وجهك

وفالك الناموس جزل والقصيده جزله

تقبل تقديري ,,

**معلومات** **العضو** · 11-02-2010, 07:42 AM

صح الله لسانك شاعر كفوو يا أبوفهد وانتبه لا تطول الغيبه ترانا نتحرى جديدك دائما

بيض الله وجهك لاعدمناك..

تقبل تحياتي،،

**معلومات** **العضو** · 11-02-2010, 09:13 AM

حب الملك كيفـا وشعبـه تقهـواه
واعطا الـولا لله ثـم الـولا لـه

~~~

عسى السحاب إلى نشا ونتثر مـاه
يمطر على شبة الجزيـرة خيالـه

صــــح الله لسانك حتى تررررضى