آل بو سباع المساعرة يوجهون نداء للدواسر وفاعلي الخير لاعتاق رقبة صنهات بن محمد بن درعان

[معلومات العضو فهد الغريري]

الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار وروّاد الموقع الرسمي لقبيلة الدواسر بيان موقع قبيلة الدواسر الرسمي (بشأن قضية آل بو سباع المساعرة) (( صرخـــــة نــــــداء )) إلى إخوانا وابناء عمنا وعصابة رؤوسنا أبناء قبيلة الدواسر وكافة القبائل العربيه العزيزه الأبيّه كافة يقول الله تعالى جل شأنه : (( ومن أحياها فكأنما أحيا الناس جميعا )) ويقول الرسول صلى الله عليه وآله وسلم : (( من فرج عن مؤمن كربة من كرب الدنيا فرج الله عنه كربة من كرب يوم القيامه )) . نناشد أمراء ومشائخ ووجهاء وأعيان وكافة أبناء قبيلة الدواسر كافة .. نناشد أهل الخير كافة .. نناشد أهل الشهامة والكرم .. قدر الله وماشاء فعل قدر على احد ابناء الدواسر " صنهات بن محمد المسعري الذي حكم عليه بالقصاص هو الآن خلف القضبان ينتظرالفرج من الله سبحانه وتعالى ثم منكم أنتم يا أبناء قبيلة الدواسر ، حيث طُلب من ذويّ القتيل مبلغٌ وقدرة (( 20 مليون ريال سعودي )) وإننا ومن هذا المنبر الإعلامي لقبيلة الدواسر نكرر مناشدتنا لأمراء وشيوخ ورجال الأعمال والتجّار و الميسورين من أبناء القبيلة بالوقوف في هذه الأزمة التي لن تفرج إلا بإذن الله تعالى وبوقفتكم الصادقة المبرهنة الأقوال بالأفعال ، وكما أيضاً نوجه هذا النداء لصغير والكبير والميسور و الغني ورجل الأعمال والموظف ، فربما تبرعت بمبلغٍ بسيط جعله الله لك يوم القيامة جبالاً من الحسنات الواحد منها كجبل أحد ، والتبرعات ليست مقصورة على رجال الأعمال فقط ، وإنما هي مفتوحة للجميع كبيراً وصغير . وعلى هذا سوف يكون هناك اجتماع لـ قبيلة الدواسر في قصر اليخت بالرياض يوم الجمعة لليلة السبت الموافق 1439/1/2هـ وهذه قصيدة الشاعر الكبير مسعود بن سعد المقيبلي نداء لكافة أبناء قبيلة الدواسر للمساهمة في اعتاق رقبة ابن عمهم : ياراكب اللي تو ماشق نابها = وجنا ً شناح ٍ متعبين ضرابها من ساس عيرات عراب ٍ همايم = لولا اللزوم الصعب ماينصخابها لا روحت يبرى تعبها هذيلها =تقبض خطى وتموج من زود مابها تشدي ظليم ٍ ذيّره مصلف الندب = كن السباع تهوشها في عقابها علق بها حمر الشلايل تخفّها =وخلها تهوم البيد تنقل كتابها انحر طويق وذب في نايف الحجى = وازهم بصوت المستعر من ثيابها ازهم هل العادات كسابة الثناء = اللي اليا ثقل الحمل ينتخابها ازهم من الجدين (زايـد) و(تغلب) = انخى الرجال اللي يذري جنابها يجون خطلان الأيدين ( آل زايد ) = هل عزوة ٍ يوم الظفر يعتزابها يجونك الظفران من ساس (مسعر) = أهل صخاف الشول منصى جوابها آلاد (مسعر ) مروية يابس القنا = لا طار ستر اللي سهت من ثيابها ويجيك من صوب (الغـياثات ) فزعتك = أهل الثمان منومسة من حكابها موسعة الحدود وأهل الطرف = وأهل عطاياً غيرهم ماصخابها ويجيك من (لاد الحريجي) هل الظفر = وجيه ٍ تبشّر بالنصر من غزابها فزعة مسامير الأشده بحلّها = الترك قد ذاقت مرارة عذابها ويجيك من صوب (الشرافا) جراير = ندر حرار ٍ ترتهي بالعشابها رمّايهم يرمي وعجل ٍ ولامه = في ساعة ٍ ضاقت على من رمابها ويجونك ( آل بريك ) من زايد السطر= كل مجرّد خنجره من جرابها (جريان) لاركبوا على كل سابق = كم حلة ٍ مركاضهم من ذعابها ويجونك الظفران من (لاد سالم) = جموع تزبّر مثل شامخ هضابها يجون من علوى (عيال المنيعي ) = فخذ الجموع مذرية من لجابها كل يزقف بندقه قدم وجهه = هل فزعة ٍ يوم البلا يندرى بها وتجي جموع ٍ (للوداعين) ترتدم =مثل الجمال الصايكه في ضرابها أهل ثمان سلوم وان جاء المجابه = شيبانها ماتـتقي في شبابها ويجونك (الرجبان) كسابة الثناء = محددة يوم المثارى ركابها كسابة الناموس ريف الفداوي = أهل البيوت اللي رفاع ٍ قطابها ويجيك من صوب (البدارين) لابة = فزعة ظفر في وقتها يندرابها يجون مقدمهم زحول ( السدارى) = عيال (الضمين) اللي يجري هيابها ويجيك جمع (التغلبي) يجلي العمس = يجي على هقواتك اللي تهقابها يجيك من (لاد الحبيبي) سعودك = هم درعنا لازاد وحم اشتبابها يجونك أهل العشر لاسمعوا النداء = اللي على الناموس تحفي ركابها ويجي من (الحقبان) فزعة قرومهم = تبري من الكبد العليله صوابها ويجي مع لادالعياضي ( مشاويه ) = من جابهم روس الأمور ارتهابها ويجيك من صوب (الخييلات) لابة = هل فزعة ٍ كل يحسبّ احسابها يردون حوض الموت لاغلي سوقه = وخيالهم لاجاء الأعادي سطابها ويجونك (عمور) شقي ٍ حريبهم = دروعنا اللي مافشل من عدابها ويجيك منهم كل قرم ٍ مجرب = صعب الامور الكايدات ارتهابها ويجونك ( آل جعيد) لاسمعوا النداء = فزعة ظفر يوم الكدر ينشفابها ويجيك جمع ٍ من (جميلة) هل الظفر = (آلاد بن مفلح) ذرى من لجابها (نتيفات) ساس الجود من طيب فعلهم = عدوانهم سم السقطري شرابها و(لاد الكبيري) ماتوخّر فزوعهم = وجيه ٍ تطوّل وجه منهو مشابها ويجيك لامنك نخيت (الغريري) = هل عزوة ٍ بالطيب وثق(ن) قطابها قلته وانا لي لابة ماتوخّرت = لاجات هوشات الظفر يندعابها (آلاد حسن) مطوعة كل عايل =خيالة الحرشا سعدها حجابها يجونك اهل الرمح واهل العوايد = ستر الهنوف اللي زهاها خضابها يجيك غوش سايقه رايح السطر = لا جاء نهار الكون تروي حرابها أهل بيوت مايروع قصيرها = ومن ضامته سود الليالي التوابها آلاد حسن متعبة كل سابق = ورّادة الهيجا نهار اشتبابها لا جو بيضان الوجيه وتلاحقوا =وكل ٍ يقول الصعب عندي وانابها اظفر بصوت ٍ كل من جاك يسمعه =وبتّل على خطلان الأيدي جوابها اليوم فزعات الجهل راح وقتها = باوقات جهل ٍ سود ماينسرابها حنا باسلام ٍ وشرع وعداله = في ظل حكام نعيش بذرابها في ظل حكام الجزيرة فهودها = من فعلهم كل ٍ يبيها وهابها آل السعود مزبنة كل خايف = حكام نجد اللي نقود الرجى بها عيال من حدد حدوده بسيفه = يوم الفتن في نجد يشبك ضبابها تـــكفون يالظفران في موقف الظفر = أنتم هل الفزعات لافتح بابها اليوم فزعتكم فداية ولدكم = بأموالكم يامسعفة من شرابها يوم لنا واليوم الأخر علينا = وترك يدين ٍ ماتحوشه هبابها ان مانفعنا المال في مثل يومنا = غدت علوم ٍ كل حي ٍ حكابها ذي حزة الأموال ياجاهل ٍ بها= ان ما انـفعتــنـا اليوم ويش ينبغابها؟!! اللي يخلي صاحبه بالهوايل = ماينفعه بالكايده لا ابتلى بها يقطع شجرة ٍ ما تظلل عروقها=من قبل (شين الحلايا) بدابها لولا الحمايا كان رحنا همايا = ولولا حمايا القوم كلن هقابها وقول بليا فعل مايقطع الظما = مثل الفجوج اللي ثلاعا شرابها هذا وختم القول صلوا على النبي = عداد ماترعدوتمطر سحابها رقم حساب التبرعات :بنك الراجحي رقم الحساب 101608010321501 ايبان SA3880000101608010321501 الحساب بأسم امارة منطقة الرياض للاستفسار من داخل السعودية : هذال بن مبارك بن هذال المسعري 0557503354 شنان بن درعان بن شنان المسعري 0555991838 للاستفسار من خارج السعودية : 00966557503354 وفي بادرة غير مستغربة على ابناء الدواسر تبرع : الشيخ عبدالعزيز بن محمد الغزي البدارين بملغ مائة الف ريال 100000 الشيخ ناصر بن عبدالله بن فهاد الفصام بمبلغ 150 الف ريال الشيخ علمان بن محمد بن عواد الصخابرة يساهم بمبلغ وقدره خمسمائة الف ريال 500000 بأسم قبيلة الصخابرة سعود بن سويد بن عجيان ال بوسباع يساهم بمبلغ /600000 ستمائة الف ريال ابناء الشيخ فهد بادي بن عواد الصخابرة يرحمة الله يساهمون بمبلغ 250.000 مئتان وخمسون ألف ريال بسم قبيلة الصخابرة ونهيب بأبناء الدواسر الشرفاء المسارعة بالتبرع كلن قدر استاطعته . إن إدارة موقع الدواسر الرسمي بعد هذه المناسبة سوف تكتب تقريرا كاملاً عنها ونهيب بالجميع نشر الخبر بين اوساط االقبيلة وتجارها ورجال اعمالها والله ولي التوفيق،،، (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو فهد الغريري]

الشيخ عبدالعزيز بن محمد الغزي البدارين يساهم في دية بني عمه ال بوسباع المساعره

بملغ مائة الف ريال 100000

 

 

 

 

[معلومات العضو فهد الغريري]

الشيخ ناصر بن عبدالله بن فهاد الفصام رئيس مركز الشمال بالخرج

يساهم بمبلغ 150 الف ريال

 

 

 

 

[معلومات العضو فهد الغريري]

الشيخ علمان بن محمد بن عواد الصخابرة يساهم

بمبلغ وقدره خمسمائة الف ريال 500000 بأسم قبيلة الصخابرة

 

 

 

 

[معلومات العضو فهد الغريري]

سعود بن سويد بن عجيان ال بوسباع يساهم بمبلغ /600000 ستمائة الف ريال

ابناء الشيخ فهد بادي بن عواد الصخابرة يرحمة الله يساهمون بمبلغ 250.000 مئتان وخمسون ألف ريال بسم قبيلة الصخابرة