قبيلة الخييلات الموطن والتاريخ

**معلومات** **العضو** · 05-09-2007, 09:18 AM

بسم الله الرحمن الرحيم

والصلاة والسلام على سيدنا و نبينا محمد ابن عبدالله ومن والاه وعلى آله وصحبه

ومن اهتدى بهديه واستن بسنته الى يوم الدين ..

قبيلة الخـيـيـلات

هي احدى قبائل الدواسر التغلبية ، يعود نسبها إلى عبدالله الملقب بـ [ الاخيل ] بن محمد بن عمر بن دوسر بن تغلب بن وائل بن قاصط بن هنب بن أفصي بن دعمي بن جديله بن أسد بن ربيعه بن نزار بن معد بن عدنان .

لقب عبد الله بن محمد بـ ( الاخيل ) لشدة ولعه بالخيل وإقتناءه لها .

تفريعات القبيلة :

تتفرع قبيلة الخييلات إلى اربع فروع كبيرة وهي :

1/ آل طينان 2/ آل حجاج ... وهم عيال دلهم

3/ العضادين 4/ الخماسين ... وهم عيال منصور

نزوح القبيلة عن وادي الدواسر :

نزحت قبيلة الخـييـلات عن وادي الدواسر منذ مايقارب القرنين من الزمان ، وذلك بسبب القحط والبحث عن المرعى ومن المعروف ان الخييلات اهل حلال واهل باديه يشملون مع الحيا ويجنبون فى القيظ واخر منزال لهم فى الجنوب كان على عد ماء جنوب الوادى ومن بعد ذلك اشملوا ونزلوا نجد ومن ثم الصمان والدهناء .

ولعل هذه الحادثة هي الأبرز في تاريخ قبيلة الخـييـلات لأنها كانت نقطة تحول من الجنوب إلى الشمال بدو رحل يتتبعون مساقط الغيث ومراعي ابلهم تارة فى الصمان وتارة فى الدهناء لايهابون احد .. وقد كان لهم مواجهات مع بعض القبائل المجاورة لهم وكان النصر فيها حليفهم .

حنا هل الشرفاء سعد كل مشعافي = فرسان صفرٍ حنجها صوب مقهورهـا
ترعي الوسامي في ذرانا وضفنا =يامن بنا الخايف مـدارق أشرورهـا

مواطن القبيلة

في السابق كانوا يسكنون في وادي الدواسر اما في الوقت الحاضر فهم يسكنون على أمتداد شاطي الخليج العربي من مدينة العين في الأمارات العربية إلى دولة الكويت مروراً بالمنطقة الشرقية بالمملكة العربية السعودية .

عزوة القبيلة :

تعرف قبيلة الخييلات بخيالة الشرفاء أولاد الأخيل

مخاريز الرماح :

لقب عرفت به قبيلة الخييلات اطلقه عليهم احد شيوخ عتيبه بعد هيه بين قبيلة الخييلات وقبيلة اخرى من قبائل نجد .. قتل فيها احد الخصوم بضربة رمح في رأسه
من الفارس عبيد ابن مصلح الملقب ( عبيد ابا الروس ) ولم يستطيع احد ان يخرج الرمح من رأس القتيل فدفن معه .. فأطلق ابن ربيعان لقب مخاريز الرماح على قبيلة الخييلات لقوة بأسهم ودقة إصابتهم للهدف .. فأشتهروا به عند جميع القبائل ..

يقول شاعرهم

وحنا هل الشرفا إلي ثـور الدخـان = خيالنـا فـي الـقـا يسـنـد سنـودهـا
مخاريز الرماح لابدى الشان بالشان = حتـى دولـة الـروم ذبحنـا جنـودهـا

ويقول الشاعر

عليها من مخاريز الرماح سربه = تداقـر الهيجـا مـدارع أنحـورهـا

ويقول الشاعر

ربعي هل الشرفا رجال المواجيـب =عوق الخصيـم وطيبهـم للعوانـي
ربعي كعام الشره تقـدم ولا تهيـب= يردون حوض الموت ورد الضماني

وهذه قصيده بعد معركة الارطاويه

للشاعر هجاج بن هجاج الخييلات

يا الله يامدبر صليفـات الهبايـب=اللي لا جاء الدرك عبـدك تنجيـه
جتنا جموع ٍ تحط الغمـر شايـب=يدعون بالمنع وانـا مـا نطريـه
غاروا على الجيش يبغونه نهايب=بالموقـف العسـر والله مانخليـه
لعيون غرو ٍ نقض سمر الذوايب=لا اشتب سو البلى وانا نصاليـه
حولوا عيال الدهش خلاف الركايب=كم واحد نطرده من شوف غاليـه
لاد الخييلي عند تالـي الركايـب=لا زرفـل الجيـش عنـد تاليـه
يوم الفشق عندهن جاله عطايـب=كلن يدور له ملجى يلتجـي فيـه
ارواحنا من دون واجبنا جلايـب=يوم الردي شاح ٍ براسه ويغليـه
لاد الخييلي عيوا علـى الركايـب=وارواحنا نبيعها والموت نشريـه

وقصيده اخرى
للشاعر ظافر بن مفلح الخييلات بعد معركة اليمامه

نافدى اللي دبروا بأهـل اليمامـه=لين راحوا عقب فزعتهم سحايـل
يوم جو بالوصف عمدان التهامـه=فالتقوهـم لابتـي والـدم سايـل
ايقنوا بالموت مـا فيهـا سلامـه=يوم جوهم غلمةٍ من صلب( وايل )
نافدى اللي ما تغالى الروح سامـه=كل غمر ٍ شيف وقعـه بالدبايـل
ما دروا بفعولنا حضـر اليمامـه=من قديم وانا نوطـي كـل عايـل

واخيرا وليس آخرا بعض القصائد
بعد معركة الشيوخ الشهيره
ويقول شاعرها عبدالله بن حماد ابن عجلان

يـوم بـن( حـزّام) ظهـر مـن هدومـه=كــل مـدغـوش جـذبـه الـصـيـاح
نحـمـد الله لابـتــي فـــي الـلـقـا=مثـل( ابـو عبـد) وشـروى( ابــداح )
شــوف عيـنـي نـاصــر بالـلـقـا=يـوم بيـن البـيـرق نـهـار الصـبـاح
((ابــن شـبـلان)) أكلـتـه الضـرايـا=زقـفـه (مطـلـق) برمـحـه وطـــاح
(( ابن ضلفان )) .........................=جـودلـه علـيـه تـجــر الـصـيـاح

وقال فيها ايضاً الشاعر شافي بن بجران

جونا الجبلان يبغون حسكـات الوبـر=واستبقناهم بصمـعٍ يقصـن العظـام
شيخنا يقدع شبا الجمع لا ثار القهـر=وشيخهم من ضربنا طايح ٍ ما عاد قام
دبروا ربعـي بربعـه يـوم الله ومـر=مثل ((بن ضلفان)) يوم ضحيبه شمـام
ضربنا في الراس ولا مع حبل الظهـر=من سلم منهم فغاشيه من شيخه مـلام
لحتزمنا ثم مشينـا بسبـرات النظـر=تقطع العشيق من شوف مردوع الوشام

وفيها ايضاً قال الشاعر عبيد بن حويل الخييلي

مركاض ربعي حـط للطيـر مسهـم=والظبعـة العرجـا لهـا الفضـايـل
تـرى طعنـا مـن قديـم مـجـرب=منه ((ابن شبـلان)) وزان النثايـل
خلـي طريـح مالقـى مـن يشيلـه=عليـه يبكـن ضافيـات الجـدايـل
مع(( ابن لامي ))و((المعرقب)) جنايز=عليـهـم والله هلـدمـن الحـلايـل
كم شيـخ قـومٍ لابتـي حولـوا بـه=مثل(( آل حلاف)) حولوا من الاصايل

وسم القبيلة :

لأهمية الإبل وحرصا عليها وضعت علامات تميزها عن غيرها وتأكيد ملكيتهم لها وهو ما يسمي بالوسم ، والوسم : أثر كية بالميسم

ولقبيلة الخييلات وسم خاص بها وهو :

1/ آل طينان وآل حجاج يسمون الرويكب احدهم على يسار الرقبة والآخر يمين

2/ العضادين والخماسين يسمون المغزل على الوجه من يمين والمطرق على الرقبه من يمين ..

للكاتب / عبدالله بن سلمان المصلح الخييلات

**معلومات** **العضو** · 05-09-2007, 10:24 AM

حنا هل الشرفاء سعد كل مشعافي *** فرسان صفرٍ حنجها صوب مقهورهـا
ترعي الوسامي في ذرانا وضفنا *** يامن بنا الخايف مـدارق أشرورهـا

كفو كفو هل الشرفاء بيض الله وجهك يا عبدالله على هذه النبذة عن الخييالات

**معلومات** **العضو** · 05-09-2007, 10:28 AM

ابوسلمان

بيض الله وجهك وجعل شيبان ٍ ارثوك بالجنه

موضوع أكثر من رائع عن خيالة الشرفا (لاد الأخيل) ويستاهلون عزالله كل علم غانم .

وفي الحقيقة من الصعب حصر تاريخهم الكبير والزاخر بالأمجاد والمفاخر .

تقبل تحياتي،،

**معلومات** **العضو** · 05-09-2007, 10:51 AM

الاخ المبدع عبدالله الخييلات بيض الله وجهك على ماسطرته. ونعم بالخييلات تاريخ زاخر بالامجاد لايمكن حصره. وياليت لو تخبرني من الطرف الاخر في قتال الخييلات في الوادي ؟
تحياتي.

**معلومات** **العضو** · 05-09-2007, 11:05 AM

الاخ / عبدالله الخييلات لاهنت على موضوعك عن خيالة الشرفا تاريخ مليئ بالمفاخر والبطولات

**معلومات** **العضو** · 05-09-2007, 01:10 PM

ماشاء الله تبارك الرحمن ..

أبوسلمان ويش هذا الموضوع الرائع؟!!

مبدع مبدع بكل ما تحمل هذه الكلمه من معنى

ونعم والله ومليون في الخييلات بني عمنا

**معلومات** **العضو** · 05-09-2007, 01:41 PM

موضوع في قمة الجزاله لانه يحمل اسم قبيلة صالت وجالت في الجزيره

حازت علي المجد والشرف

بيض الله وجهك وجعل شيبان ٍ ارثوك بالجنه

**معلومات** **العضو** · 05-09-2007, 02:03 PM

ونعم ولله في الخييلات والله لايهينك

تحياتي

**معلومات** **العضو** · 05-09-2007, 02:08 PM

اخوي عبدالله الخييلات ..

الله يعطيك العافيه ..

والخييلات قبيله عريقه ..

والنعم فيهم ملايين ..

بس بما ان الشباب تطرقو للأسئله ..

عندي سؤال ..

وأتمنى منك الأجابه ..

وش علاقة الخييلات بــ قبيلة العجمان ؟

ومشكور كل الشكر

**معلومات** **العضو** · 06-09-2007, 12:36 AM

اقتباس:

المشاركة الأصلية كتبت بواسطة الركن

حنا هل الشرفاء سعد كل مشعافي *** فرسان صفرٍ حنجها صوب مقهورهـا
ترعي الوسامي في ذرانا وضفنا *** يامن بنا الخايف مـدارق أشرورهـا

كفو كفو هل الشرفاء بيض الله وجهك يا عبدالله على هذه النبذة عن الخييالات

الركن

ماعليك زود يالقرم وبياض وجهك يالسنافى
والله لايهينك على كلامك اللى يدل على محبتك
لبنى عمك الخييلات

**معلومات** **العضو** · 06-09-2007, 12:56 AM

شكرا شكرا شكرا

والخيلات مايكفيهم الايضااااااااااااااااااح هذا فقط لكن ماذكر قطرة من بحر والله ماهيب مجامله لكن حقيقه والتاريخ شاهد على قولي

(((و الله نفتخر بهم ونعم وعشرة انعــــــــــــــــــــــــــــــــااااااااااااااا ااام ويستاهلون نفتخر فيهم ونعم ونعم )))

**معلومات** **العضو** · 06-09-2007, 01:38 AM

حنا هل الشرفاء سعد كل مشعافي *** فرسان صفرٍ حنجها صوب مقهورهـا
ترعي الوسامي في ذرانا وضفنا *** يامن بنا الخايف مـدارق أشرورهـا

اكرم وانعم بقيبلة الخييلات

ومليون نعم بابناء العموم لاجا مجال ذكرهم

بيض الله وجهك اخوي عبدالله الخييلات على الموضوع الشامخ والنوماس لقبيلة الخييلات
والله لايهينك

**معلومات** **العضو** · 06-09-2007, 01:39 AM

ابن عمي عبدالله الخيـيلات بيض الله وجهك والله لايهينك على الموضوع واجمل مافيه انه من خط يدك

فـهــاد الــخــيــيــلــي

**معلومات** **العضو** · 06-09-2007, 02:38 AM

الاخ العزيز الغالي ابوسلمان " عبدالله بن سلمان ال مصلح الخييلات"

في البدايه اهني هذا المنتدى الكريم بتواجدك بين جنباته

وكم هوا جمبل ان نقراء ونتمعن في هذي النبذه العطر باهل الشرفاء الكرام...

بيض الله وجهك على هذى السرد التاريخي الزاخر لبطولات وامجاد

هذي القبيله العزيزه على قلوبنا, الخييلات جعلهم المعزه

علمهم غانم اول وتالي الله يبارك فهم.

اخي عبدالله منوفيك حقك يابوسلمان فيما تبذله من جهد تجاه قبيلتك

منقول الى الله يعلي شانك ويرفع قدرك ويبيض وجهك

والله يهنيك في عمرك ويجزيك عنا كل خير .

تقبل تحياتي وتقديري واحترامي في شخصك الكريم.

اخــــــوك / ابوراشـــــــــــــــــــــــــد

**معلومات** **العضو** · 07-09-2007, 03:34 AM

اقتباس:

المشاركة الأصلية كتبت بواسطة هايف العماني

ابوسلمان

بيض الله وجهك وجعل شيبان ٍ ارثوك بالجنه

موضوع أكثر من رائع عن خيالة الشرفا (لاد الأخيل) ويستاهلون عزالله كل علم غانم .

وفي الحقيقة من الصعب حصر تاريخهم الكبير والزاخر بالأمجاد والمفاخر .

تقبل تحياتي،،

ووجهك ابيض يابومبارك

والله لايهينك على كلامك ومدحك للخييلات اللى فعلا يبين

محبتك لهم وهذا لااستغربه منك يالقرم

جعل شيبان ٍ ارثوك بالجنه

وفعلا من الصعب حصر تاريخ الخييلات الكبير والزاخر بالأمجاد والمفاخر

وفى هذه الايام نحاول جاهدين التقصى والبحث لاكثر من موضوع تاريخى يخص

الخييلات من كبار السن من مختلف افخاذ القبيله وذلك لتوثيقه (( هنا )) فى

منتدى الدواسر الرسمى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغطية المصوّرة لزيارات مشائخ وأعيان وأبناء قبيلة الدواسر لـ مجالس ودواوين وجهاء القبيلة بدولة الكويت.	الإداره	:: قسم اللقــاءات والفعاليات والتغطيات الخاصة::	8	10-02-2011 05:04 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت.	الإداره	:: قسم اللقــاءات والفعاليات والتغطيات الخاصة::	16	22-11-2010 09:44 AM
تغطية الموقع الرسمي للقبيلة لحفل قبيلة الحراجين برعاية الشيخ محمد بن فهيّد آل ملحم شيخ قبيلة الحراجين المقام على شرف قبيلة الغفران آل مره .	الإداره	:: قسم اللقــاءات والفعاليات والتغطيات الخاصة::	18	19-07-2010 12:45 AM
التغطية المصوّرة (الحصريّة) لحفل الصلح بين فخذيّ آل سويلم وآل عرفج النتيفات بحضور أمراء ومشائخ قبيلة الدواسر .	الإداره	:: قسم اللقــاءات والفعاليات والتغطيات الخاصة::	28	16-07-2010 04:54 PM

الذين يشاهدون محتوى الموضوع الآن : 47 ( الأعضاء 0 والزوار 47)

		منتديات صحيفة وادي الدواسر الالكترونية