محاوره بين الشاعرين : البدوي - الحضري

[معلومات العضو شيهانه بكف صقار]

محاوره ناقلتها لكم من منتدى آخر بين الشاعرين :

الشاعر البدوي ( كبتن عتيبه ) / شاعر محاوره معروف تتساقط الأحرف في
تقدميه 00

13 سنه قضاه في الشعر بين المحاوره والنظم , لعب مع كبار الشعراء وشهدوا له بالجزاله

منهم رشيد الزلامي , جارالله السواط , مستور العصيمي, حبيب العازمي , مصلح ابن عياد

والكثير من الشعراء 00

شاعر تتناوله الابيات بالفطره ,, ليشكلها كيف ما شاء في لوحة ابداعيه ,,

فاخره ,اخذ شعره قوة الصخر وغزارة البحر ورقة الزهر 00



الشاعر ( هاني خاشقجي ) / لا اعلم هل هو حضري ام يمثل دورهم؟؟
ولاكن نتفق في جزاله ابياته00





اتركم مع المحاوره الطريفه التي لاتخلو من الجزاله 000
*
*
*
*
كبتن عتيبه



ثارت الأعصاب من بعد التريـث والهـدو
والسبب كله على شان حضري..سب البدو
والبدو عز الصديق..وسم في عين العـدو
والرجاء فالدِّين والدنيا كفـى الله شرّهـا


/
/
/


يامساء الخير كله والسعد والسـرور
ياهجوساً مغيـر اتعـد طبلونهـا!!
بين بدو الديار.. وبين طرش البحور
جمرةً والعه فـي راس غليونهـا!!

هاني خاشقجي



يالعتيبي / ماهرجنا غير/ بالهـرج الصحيـح
وانته طبعاً/ مانلومـك /لـو بسـدودك تبيـح
شفت/ بن عمك/ من /الخاشقجي /يوّن ويصيح
والرجـاء فالدِّيـن والدنيـا كفـى الله شرّهـا


/
/
/


يامساء النور /نورك/زود النور /نور
من /هجوسٍ معك /تمشي/ على هونها
بين عز البلـد /ومحفريـن القبـور
كلمة الحـق/ ترضينـا /ويرضونهـا

كبتن عتيبه



البدو قاموا مع ابن سعود في هذا البلاد
واحتموها بالسيوف وبالصباح وبالهجاد
وانت جدّك وقتها ماهو هنا..فسلام اباد
والرجاء فالدِّين والدنيا كفى الله شرّها


/
/
/


ياوساع البطون مربربين الظهور
خابر ظهوركم ماتباعد بطونها!!
ندفن امواتنا ماهو بعيب وقصور
وأنتم أمواتكم فالنار ترمونهـا!!

هاني خاشقجي



تدري ان/ الشاطر اللي/ فالزمن يضحك/ اخير
صح قمت /ولاحصلك من فعل/ يمناك /خيـر
والحضر هذاك/ تاجـر فالبـلاد/ وذا وزيـر
والرجاء فالدِّيـن والدنيـا كفـى الله شرّهـا


/
/
/


انتم/ اهل المشاكل/ والبلاء والشرور
نخلة/ ابليس تاجرتـوا /بعرجونهـا
شغلتك /يالعتيبي من/ قديم العصـور
مابهـا فخـر ..وانتـم/ لاتخلونهـا

كبتن عتيبه



كلنا نضحك بهذا الوقت ..مافيها كـلام
والبلد خيره علينا كل يوم وكـل عـام
والفخر بالأصل /ماهو بالوظيفه والدوام
والرجاء فالدِّين والدنيا كفى الله شرّها


/
/
/


وأنتم أهل الفساد موزَّعين الفجور
وآعذاب البلاد اللّـي تطبونهـا!!
أنتبه مع عتيبه لا تلـف وتـدور
وأنت ذبحتك هذا الليل مادونها!!

هاني خاشقجي



بدويٍ /مبتيلـه الله /ومعميـه/ الجهـل
الفخر بالدين/ ياابن الناس /ماهو بالاصل
كلنا لادم/ وحواء/ والفـوارق/ بالعمـل
والرجاء فالدِّين والدنيا كفى الله شرّهـا


/
/
/


كل قول/ العتيبي/ يارياجيل/ زور
اعرف البدو قول/ الزور قانونهـا
ابتدى// بالمهايط //ياطوال الشبور
ذبح /صلخ /وعلوم وش تسمونها

كبتن عتيبه



أبك حنّا أهل الأدب والدين وأتباع الرسـول
ناشرين الدين من فوقى الوطى عرضاً وطول
وأنت جاوايٍ ليا سولف ماندري وش يقـول
والرجاء فالدِّين والدنيـا كفـى الله شرّهـا

/
/
/


أنتم علومكم دايـم تغـث الصـدور
ايَّ هرجه على الخاطر تقولونهـا!!
نذبخ ونصلخ ..ونطبخ سنام الجزور
وأنتم أصغر دجاجـه ماتذكونهـا!!

هاني خاشقجي


البدو /رجالهـم دايـم /قليّـل معرفـه
ولو تشوفه/ بين خلق الله/ بشكله تعرفه
لو تسبح/ له بديزل /مستحيل/ ينظفـه
والرجاء فالدِّين والدنيا كفى الله شرّهـا


/
/
/


اصبر/ اصبر ترى /ربك يعين /الصبور
عان ربعـك /تطالـع فيـك/ بعيونهـا
انت فالوقت/ لو تخطي /تراك/ معـذور
كـم نسـوي/ سوايـا/ ماتسوونـهـا

كبتن عتيبه

البدو رجالهـم علـى الطريـق المستقيـم
وساعة الشدَّه ترى أصغر واحداً منهم زعيم
ياهل المكياج ..وأهل النيفيه ..وأهل الكرَيم
والرجاء فالدِّين والدنيا كفـى الله شرّهـا!!


/
/
/


أنته اللّي على راسك تحوم الطيور
لين حتى تحطك جوف حنحونها!!
تدري أن الذهب طول الدهر مايبور
والحديده سنه ثم يختلف لونهـا!!

هاني خاشقجي




ماعليه/ اللي يحسن /يالعتيبي/ مظهره
البلاء /فاللي /لباسه /يابسٍ فوق/ ظهره
من يشوفه/ قال /هذا طالعً /من/ مقبره
والرجاء فالدِّين والدنيا كفى الله شرّها!!


/
/
/


غير مفهوم/ قولك/ لو تكلم /شهور
ويش/ حنحونها ياللي/ تقولونهـا
يالعيتبي/ بعد بيّن/ حصيل /الصدور
الظنون/ الكبيره/ جيت /من دونها

كبتن عتيبه



كان ما طلت العنب..بتقول حامض ياعنب!!
ومظهر البدو ..الوقار..ورأس مايرجع ذنب
وأنت وجهك كالبطاطس..لاش دقن ولاشنب
والرجاء فالدِّين والدنيا كفى الله شرّهـا!!


/
/
/


يعني أني :-وصفتك فوق شي مخبور
حاجةً خابـراً لونـك مثـل لونهـا!!
ما تعدّ الفوارق بيننـا فـي سطـور
والليالـي لـزم يبيـح مكنونـهـا!!

هاني خاشقجي



ان رجعنا للتواصيف /الك وصف /يستوي
كن /خشمك مرتبه /سيكل/ ووجهك/ ملتوي
احمد الله/ واشكر الله /يوم مانيب/ بـدوي
والرجاء فالدِّين والدنيا كفى الله شرّهـا!!


/
/
/


ااااااه لو/ الولي/ يقلعكم/ لدار فور
ماتجـون /البـلاد/ ولاتمرونهـا
انت طيب/ لكنك/ فالزمان /معثـور
حسبي/ الله على/ الشعار /ولحونها

كبتن عتيبه



كان راحت ياولد خاشقجي لوصـف الخشـوم!!
أنت خشمك حسب تفصيل الوصوف من العلوم!!
مثل خشم اللي يشيل الحمـل مافوقـه وسـوم
والرجاء فالدِّيـن والدنيـا كفـى الله شرّهـا!!


/
/
/


الدعاء مايسرّك لو تدعي شهور
أتركه للعجوز اللي على شونها!!
اثركم يالحضر لوتلزمون الصقور
من هبالتكم الكبرى..تشوّونها!!






راي شخصي<<<<ياجماعة البدو والحضر اخوان وماله داعي المنازعات
دامهم على دين واحد يمشون ويستنون بسنة الله ورسوله فلا فرق بينهم
ان شاء الله << عن نفسي مقتنعة برايي اترك الراي لكم....

والمحااورة نقلتها من باب الفكاهه لا للتفرقه او المفاخرة

اعذب التحايا

 

 

 

 

[معلومات العضو بدر ابن نايف]

السلام عليكم

اشكرك على جهودك ونقلك للمحاوره اللى بجد ممتعه

وبلا شك ان البدو والحضر اخوان فى الدين والمواطنه وهذى طبع المحاوره ىبد من المزايدات

تقبلي

تحياتى

 

 

 

 

[معلومات العضو برنسيسه الريــــاض]

صدقتي البدو والحضر اخوان \

ولاهنتي ع النقــــــــــــل ....

 

 

 

 

[معلومات العضو ابومبخوت الدوسري]

يعطيك العافية على النقل الطيب ولاهنتي تحيــــــاااااتـــــي وتقديـــــــري

 

 

 

 

[معلومات العضو شيهانه بكف صقار]

المشاركة الأصلية كتبت بواسطة بدر ابن نايف

السلام عليكم

اشكرك على جهودك ونقلك للمحاوره اللى بجد ممتعه

وبلا شك ان البدو والحضر اخوان فى الدين والمواطنه وهذى طبع المحاوره ىبد من المزايدات

تقبلي

تحياتى

والشكر موصول لك اخوي ع المرور العطر
صادق اخوي والله لايفرق بين العرب المسلمين السنه
احترامي~

 

 

 

 

[معلومات العضو شيهانه بكف صقار]

المشاركة الأصلية كتبت بواسطة برنسيسه الريــــاض

صدقتي البدو والحضر اخوان \

ولاهنتي ع النقــــــــــــل ....

صادقة اختي
ولاهان شانك يالغالية
شاكرة لك مرورك العطر
احترامي~

 

 

 

 

[معلومات العضو شيهانه بكف صقار]

المشاركة الأصلية كتبت بواسطة أبومبخوت الشكري

ربي يعافيك اخوي ع المرور الضاوي
احترامي~