يقال ,,انها افضل مرثية في وقتها

[معلومات العضو ابو عمر الشمري]

السلام عليكم أخواني الأكارم الاعزاء .


أنقل لكم قصيدة ما أن تذكر في مجالس أبائنا وأجدادنا ألا ورأيتهم يبكون لها والذي فيها الكثير من

الألم والندم للشيخ سعدون العواجي من عنزة .الذي قتل أبنائه الشيخين عقاب وحجاب

والذي قتلهم الشيخ هايس القعيط في معركة دارت بين قبيلة شمر وقبيلة عنزة في ما مضى .

يـا ونتـن ونـيـتها تـسع ونات = مع تسع مع تسعين مع عشـر ألوفي
مع كثرهن بأقصى الحشا مستكنات = وعـداد خـلق الله كثير الوصوفي
ونـت كـسـير طاح والخيـل عجلات= كـسـره حدى الساقين غادي سعوفي
عـلى سـيوف بالملاقاء مـهـمـات = سيـفين أغلاء ما غـداء من سيوفي
وعـلى محـوصـن بالموارد قويات = نـشرب بهـن لـو القبايل صـفوفي
واحـشم بحشمتهن ولو هن بعيدات = وأنـام لـو أن الضـواري تـحومي
خـلـيتني يـعقاب مابـه مراوات = عـيالك صـغار والـدهر به جنوفي
ويحجاب يا زبن البكار المكيلات = لا روحـن مثـل النسـور الكـتوفي
من عقبكم مانبكي الحي لو مـات = ولاني عـلى الدنيا كثير الحسوفي
وياطـول ماجريت بالصـدر ونـات = عـلى فـراق مـعطـريـن الـسيوفي
ويعقاب عقبك شفت بالوقـت ميلات = وأوجست أنا من ضيم بقعاء حفوفي
الخيل تردي بك نهار الـمثارات = يـلي عـلى كـل الـملا فـيك نوفي
والخيل تقفي من فـعولك معيفات= تـاطـاء شـخانيب الرضم ماتشوفي
مـرحـوم يانطاح وجـه المغيرات = أن جـن كـراديـس السبايا صفوفي
ومـرحـوم يامشبع سباعن مجيعات = وعـزاللـه أنـه عقبكم زاد خوفي

 

 

 

 

[معلومات العضو محمد بن حمد الشكرة]

لاهنت يابو عمر الشمري والله يرحم الفارس الشيخ/سعدون العواجي العنزي ونعم بالطنايا السناعيس وعيال وايل عنزة

 

 

 

 

[معلومات العضو عبدالله الحافر الغييثي]

لاهنت يابوعمر والله يرحم الشاعر والفارس سعدون واسمح لي على التنسيق سلمت يمناك

 

 

 

 

[معلومات العضو محمد بن سالم الخضراني]

لاهنت على النقل يابو عمر الشمري والله يرحمهم جميعا والقصيده طبعن مواثره تحياتي وتقديري لك

 

 

 

 

[معلومات العضو ابو عمر الشمري]

المشاركة الأصلية كتبت بواسطة محمد بن حمد الشكرة

لاهنت يابو عمر الشمري والله يرحم الفارس الشيخ/سعدون العواجي العنزي ونعم بالطنايا السناعيس وعيال وايل عنزة

ماعليك زود يا محمد

 

 

 

 

[معلومات العضو ابو عمر الشمري]

المشاركة الأصلية كتبت بواسطة خميس مطر الغييثي

والله يا بو مطر لو تحذف القصبدة ,, مسموح كم ابو مطر عندي


دمت بود

 

 

 

 

[معلومات العضو ابو عمر الشمري]

المشاركة الأصلية كتبت بواسطة محمد بن سالم بن فهيد

الاخ المشرف محمد بن سالم

لاهنت على المرور



[/color]

 

 

 

 

[معلومات العضو ابومبخوت الدوسري]

بارك الله فيك ابوعمر الشمري ولاهنت على طرح الموضوع المؤثر تقبل تحيــــــاتي وتقديـــــري

 

 

 

 

[معلومات العضو مسعود الدوسري]

ابو عمر 00 صح السانك


وصح السان الشيخ سعدون

ولاهنت

 

 

 

 

[معلومات العضو عبدالله الثاقبي]

لاهنت يابوعمر والله يرحم الشاعر والفارس سعدون
ولآ تحرمنأ من جديدك وبيض الله وجهك يا ابو عمر
الشمري وتقبل مروري اخوك عبدالله اااااالثاقبي

 

 

 

 

[معلومات العضو يحيى الودعاني]

و النعم بالجميع


المشهور ان هايس القعيط من آل بريك وهم دواسر حلف لشمر


لاهنت

 

 

 

 

[معلومات العضو ابو عمر الشمري]

المشاركة الأصلية كتبت بواسطة عبدالله الثاقبي

لاهنت يابوعمر والله يرحم الشاعر والفارس سعدون
ولآ تحرمنأ من جديدك وبيض الله وجهك يا ابو عمر
الشمري وتقبل مروري اخوك عبدالله اااااالثاقبي

والله يالثاقبي ابرك الساعات الي شروك يعطرنا بمروره ,,,,
وانا مانقلت القصيدة الا لك وشرواك من الغانمين

 

 

 

 

[معلومات العضو ابو عمر الشمري]

المشاركة الأصلية كتبت بواسطة يحيى الودعاني

و النعم بالجميع


المشهور ان هايس القعيط من آل بريك وهم دواسر حلف لشمر


لاهنت

ليس حلف ,,, ولاكن يقال من البريك من الدواسر صار بينهم وبن بني عمهم دم
وجلو عند شمر واصبحو شمامره من فخذ( الخرصة) مع مر التاريخ ,,, سمعت هل كلام ولاني متاكد منه

ان كانو دواسر ام شمامره فعلهم ينومس ,,,


وهذلول الشويهري الذي بسببه غزا هايس القعيط على عنزه ,,

غزى هذلول الشويهري وهو عقيد حايف وهو من السويد من سنجاره من زوبع طلع نادر زمانه وجيفي سبحان الله وشنف بعض الرجال من العطش وتشنيف يعني انهيار الجسم من شده العطش على كل حال وردو موقع يقال له العويج وهم محزمين على الجيش وعندم طلع على العويج راى محمد وفهيد العواجيه معطنين على الماء وهو يجر رسن الذلول وهو يطنقر له وقال حسين الذنيب ويش عندك يخوسمرى قال الماء عليه العواجيه وانا هلي تشوف اكثر ربعي مشنفين محزمين من العطش وهم راوين ومرتوين وهم يطبخون غديانهم وشمر هلي تشوف مابهم جهد هوش وهم قوم يدورونا ونحن ندورهم ولكن يمكنهم لم يرونا ونبي نقلب مع اثرنا ندور لنا مورداً ثاني غير هذا قال حسين ارخو هدلا وين هذلول وين اخو سمرى قال هذلول دله زمانك اخس يهذلول لاتذبح شمر عنزه يخلون لنا تالي يذبحون منا 15- 10 -يخلون لنا تالي تصوب 30 ولكن العطش لن يترك لنا باقي وين هذلول واين اخو سمرى وهو يدعثه قال حسين عليهم وهي تثور النار بينهم وهي تنقطع من هذلول ومن حسين لذنيب يقول وهي وحده بكبد فهيد ووحده بكبد عواد وتصير رمح المعازل وشمر مايفرض منهم الجلد وتهج عنزه ويشربون شمر وياكلون غداهم غدا العواجيه وقال حسين الذنيب

فهيد وقع بالجر يا فقدينه *** ويحيف ركبن تروح خفافي


قال عقاب العواجي انا مجيراً جيره ما يلزي لبن نياقي على كبدي قبل ما اذبح هذلول وترو المنع ممنوع على هذلول واسمعوا يا عنزه قالو ما يخالف وقالوا شمر ياهذلول قال يا خير قالو اترك عنزه هلي تشوف المنع مرفوع عنك ويجدعون عليك البشاير قال هذلول اما عنزه ماني تاركهم اما بني ادم فهو لايحيا حياتينوام الاعمار فهي بيد الله وليسه بيد عقاب العواجي وبعد فتره غزى هذلول مره ثانيه على عنزه سبحان الله يحدث له كما حدث له في المره الاولى ويشنفوا الرجال مع هذلول ويردا حد المياه وهم عطشى ويمنعه ابن نوبان من عنزه وقال بوجهي وانا ابن نوبان وقال هذلول انا هذلول الشويهري متحلفنبي عقاب العواجي قال انا اعرفك انك هذلول ولكنك بوجهي وانا ابن نوبان ما على من عواجي ما اعواجي على العوجى والعدل قال اخاف انك ما تحمي وجهك قال انا اخو فلانه كيف ما حمى وجهي وهم يمانعون شمر بلغ الخير عقاب العواجي قال اما شمر فيعطيهم رواكبهم ويطقهم . اما هذلول فيرسله لي ابن نوبان بهذه الطريقه لم يحمي وجه لا يبن نوبان قال والله ما اقدر ما دام السالفه به العواجي انتهت خلصه وايرسله الى عقاب وعندما حضر هذلول عند عقاب قال عقاب يحيالله هذلول لواهني عيني قال هذلول ويش هل الغنيمه الي تهني عينك به قال عقاب والله انه اكبر غنيمه واكبر كسب يا هذلول الشويهري يوم الله جابك لي وانا حي اراعى بعيوني قال هذلول ابي اشري روحي منك قال يالله قال خمسين بسلاحهن قال لا ما دفعت شي قال طيب ميه بسلاحهن قال اسمع عاد ابي اقصره لك والله لو تعطيني حلال شمر من اليمن الى سنجار وعطينييه فلا يساوي صيحه عنزيه تاخذ حلايبه ابوك انا حليب نياقي مالزى على كبدي من العام وتبيني امسك واطلقك قال هلون قال هلون قال هذلول ابيك تسمحلي اصلي ركعتين قال عقاب ما يخلف صل ركعتين وبعد ذلك قال ابيك تسمحلي سمحفوض وقال ويش بعد النوب قال ابي اصوتلي صوتين وقال خلوه يفتح فويهه وراه وختص هايس القعيط اخوى سعدى وقال اليوم هايس واين اخو سعدى هايس خيار صبحي زوبع ويقوم يتندب شمر وفي الاخير ختمهم بالسناعيس وكما يقول المثل ابا الثواري الصوت التالي بلغ الخبر هايس وهو يغزي يبي الثار من عقاب العواجي هذهي قصه ذبحه هذالل
وعندم جاء الخبر هايس القعيط صمم على اخذ اثار من عقاب وهو يغزي هايس ويطب على خاله طلال ابن رمال وقال طلال لهايس ويش وقع فرسك قال يخالي والله ماهي يحمايدك بس ابيك تعطيني فرسك القدرنيه ( فلحاء ) وهي من مربط ابن قدران والقدرانيات موجودات عند الجارد من الرمال وعند ابن وتيد( والقدرنيه اصله حمدانيه) وقال طلال ابن رمال ماهي غاليه عليك يا هايس بس فلحاء لقحه واخاف على راسك وقال هايس لا مبروكه اخذ هايس القدرنيه من خاله وروح على راعي موقق ابن بشير اخو سلمى وذبح لهم وعشاهم وعند رجوع الرعيان من جماعه ابن بشير قالووايش الخيل الي عند ابن بشير قالو هذا هايس القعيط يبي العواجيه ويقال انا هناك واحد من شمر خواله عنزه ذهب وابلغ عنزه وانذرهم ان هايس جاكم يبي ياخذ بثار هذلول وسميو ذريته بنذره حتى هذا اليوم اصبح هايس صبح ابل عنزه ووجد انا عنزه مستعدين وعددهم اكثر من شمر قال هايس نبي ننسحب وقامت عنزه تطرد شمر وعندم واصل هايس حد العرق قال هايس أذمهم بالجيره فلا بهن الي تعد العدمه ومن يتعده هو والد راعيه وان خلتن الدنيا اني لدفق فنجاله بين شمر وكان مفيز العفر هو اقرب واحد الى العدامه وهو يكنه وهي تقفز فرسه وعندم قيست وجد انها بعة ابواع مسافه قفزه فرس مفيز وفي ذلك اليوم تبين العبدات الثلاثه المعروفين وهم 1- مفيز العفر 2- مشاري الشقاق 3- سرحان ويمكنه من الجري من عبده ( سمي الذيب ) ويقولون ان هايس كل ما حاول انه يضرب او يدلي ضامه وحلبه واذا جلس تلحق فرس عقاب واذ وقف هايس يبي يدلي حلبه ثم نخ ربعه وكانو العبدات الثلاثه هم اقرب لهايس من غيرهم وخصوصاً سرحان وضيع اسمه هايس وقال سمي الذيب وفعلاً سرحان جدع عقاب ومفيز جدع واحد ومشاري جدع واحد ويذبحون في ذلك اليوم 1- عقاب العواجي 2- حجاب العواجي 3- زيد المرتعد 4- مزعل العواجي وذلك في موقعيقال له الابرق وسمي ابرق الشيوخ بسبب ذلك
يقولون ان ضبيب العواجي ذبح الزماميل من شمر اكثر من 40 شخص كانو اسرى عند ضبيب وعندم علم انا عقاب قد قتل ذبح الزما ميل
وبعد تلك المعركه اصبح يضرب المثل الي يقول حض العبدات من شمر بسبب فعل مشاري وسرحان ومفيز العفر هذهي قصه ذبحه عقاب وحجاب


اخواني الاعزاء
حسب الايضاح من الاخ ذعار
انا العبدات الثلاثة وهم:
مشاري الشقاق
مفيز العفر
دوشق بن سنيدان من الجدي

وحسن "مسكت الورع" بدل زيد المرتعد من قتل مع عقاب وحجاب
لذلك وجب الايضاح
والله اعلم

وهذه قصيده مبيرك التبيناوي

يصف ذلك (( منقوله من اخي راكان العياده ))

عودن عدا بس الزماميل والخيل**يدور مقانيص بغرات الاجناب

اول زمانه عذب الكنس الحيل**وخبط بيمناه البحر عقب ماشاب

راح النذير وفزع النزل بالليل** والخيل ركبت ما جلايبها الاداب

وتوافقوا بالطعن بحد الغراميل**متقاظبين(ن) مثل ابا زيد وذياب

غربي زبارا وريج مثل الهماليل** وانشبت احراب القوم بكطي الاصحاب

وتعاودوا للهوش ربعن مثاقيل**حماية الساه عريبين الانساب

وردو وصادوا فارس يرعب الخيل**يوي صيدة يوم جابته الاسباب

كان نوت تزعج الصوت بالحيل ** لعيون هيفا نردع الشيخ بحجاب

حريمهم تصرخ صريخ المحاحيل** جاهن عليمن باول الخيل ما طاب

وحريمنا لجن بزين الهلاهيل ** متوكدات(ن) من شلعة الحر لعقاب

يا ظبيب لو ذبحت كل الزماميل** ذبحت دخيل البيت ما تفتح الباب

اربع ليال(ن) ما لقوه المراسيل** عليت ياخد كوح العصر بتراب

دنياك هذي يالعواجي غرابيل** من شق جيب الناس شقوا له اجياب


القصه منقوله بالحرف بلهجة الراوي جريد الشريهي -- شريط وانا سمعها قبل لايخط شنبي ,, ولاكن من الواجب اقولكم اني نقلتها من منتدى الطنياء ,,, اخوكم ابو عمر

 

 

 

 

[معلومات العضو ابو زيد الغييثي]

المشاركة الأصلية كتبت بواسطة ابو عمر الشمري

ليس حلف ,,, ولاكن يقال من البريك من الدواسر صار بينهم وبن بني عمهم دم
وجلو عند شمر واصبحو شمامره من فخذ( الخرصة) مع مر التاريخ ,,, سمعت هل كلام ولاني متاكد منه

ان كانو دواسر ام شمامره فعلهم ينومس ,,,


وهذلول الشويهري الذي بسببه غزا هايس القعيط على عنزه ,,

غزى هذلول الشويهري وهو عقيد حايف وهو من السويد من سنجاره من زوبع طلع نادر زمانه وجيفي سبحان الله وشنف بعض الرجال من العطش وتشنيف يعني انهيار الجسم من شده العطش على كل حال وردو موقع يقال له العويج وهم محزمين على الجيش وعندم طلع على العويج راى محمد وفهيد العواجيه معطنين على الماء وهو يجر رسن الذلول وهو يطنقر له وقال حسين الذنيب ويش عندك يخوسمرى قال الماء عليه العواجيه وانا هلي تشوف اكثر ربعي مشنفين محزمين من العطش وهم راوين ومرتوين وهم يطبخون غديانهم وشمر هلي تشوف مابهم جهد هوش وهم قوم يدورونا ونحن ندورهم ولكن يمكنهم لم يرونا ونبي نقلب مع اثرنا ندور لنا مورداً ثاني غير هذا قال حسين ارخو هدلا وين هذلول وين اخو سمرى قال هذلول دله زمانك اخس يهذلول لاتذبح شمر عنزه يخلون لنا تالي يذبحون منا 15- 10 -يخلون لنا تالي تصوب 30 ولكن العطش لن يترك لنا باقي وين هذلول واين اخو سمرى وهو يدعثه قال حسين عليهم وهي تثور النار بينهم وهي تنقطع من هذلول ومن حسين لذنيب يقول وهي وحده بكبد فهيد ووحده بكبد عواد وتصير رمح المعازل وشمر مايفرض منهم الجلد وتهج عنزه ويشربون شمر وياكلون غداهم غدا العواجيه وقال حسين الذنيب

فهيد وقع بالجر يا فقدينه *** ويحيف ركبن تروح خفافي


قال عقاب العواجي انا مجيراً جيره ما يلزي لبن نياقي على كبدي قبل ما اذبح هذلول وترو المنع ممنوع على هذلول واسمعوا يا عنزه قالو ما يخالف وقالوا شمر ياهذلول قال يا خير قالو اترك عنزه هلي تشوف المنع مرفوع عنك ويجدعون عليك البشاير قال هذلول اما عنزه ماني تاركهم اما بني ادم فهو لايحيا حياتينوام الاعمار فهي بيد الله وليسه بيد عقاب العواجي وبعد فتره غزى هذلول مره ثانيه على عنزه سبحان الله يحدث له كما حدث له في المره الاولى ويشنفوا الرجال مع هذلول ويردا حد المياه وهم عطشى ويمنعه ابن نوبان من عنزه وقال بوجهي وانا ابن نوبان وقال هذلول انا هذلول الشويهري متحلفنبي عقاب العواجي قال انا اعرفك انك هذلول ولكنك بوجهي وانا ابن نوبان ما على من عواجي ما اعواجي على العوجى والعدل قال اخاف انك ما تحمي وجهك قال انا اخو فلانه كيف ما حمى وجهي وهم يمانعون شمر بلغ الخير عقاب العواجي قال اما شمر فيعطيهم رواكبهم ويطقهم . اما هذلول فيرسله لي ابن نوبان بهذه الطريقه لم يحمي وجه لا يبن نوبان قال والله ما اقدر ما دام السالفه به العواجي انتهت خلصه وايرسله الى عقاب وعندما حضر هذلول عند عقاب قال عقاب يحيالله هذلول لواهني عيني قال هذلول ويش هل الغنيمه الي تهني عينك به قال عقاب والله انه اكبر غنيمه واكبر كسب يا هذلول الشويهري يوم الله جابك لي وانا حي اراعى بعيوني قال هذلول ابي اشري روحي منك قال يالله قال خمسين بسلاحهن قال لا ما دفعت شي قال طيب ميه بسلاحهن قال اسمع عاد ابي اقصره لك والله لو تعطيني حلال شمر من اليمن الى سنجار وعطينييه فلا يساوي صيحه عنزيه تاخذ حلايبه ابوك انا حليب نياقي مالزى على كبدي من العام وتبيني امسك واطلقك قال هلون قال هلون قال هذلول ابيك تسمحلي اصلي ركعتين قال عقاب ما يخلف صل ركعتين وبعد ذلك قال ابيك تسمحلي سمحفوض وقال ويش بعد النوب قال ابي اصوتلي صوتين وقال خلوه يفتح فويهه وراه وختص هايس القعيط اخوى سعدى وقال اليوم هايس واين اخو سعدى هايس خيار صبحي زوبع ويقوم يتندب شمر وفي الاخير ختمهم بالسناعيس وكما يقول المثل ابا الثواري الصوت التالي بلغ الخبر هايس وهو يغزي يبي الثار من عقاب العواجي هذهي قصه ذبحه هذالل
وعندم جاء الخبر هايس القعيط صمم على اخذ اثار من عقاب وهو يغزي هايس ويطب على خاله طلال ابن رمال وقال طلال لهايس ويش وقع فرسك قال يخالي والله ماهي يحمايدك بس ابيك تعطيني فرسك القدرنيه ( فلحاء ) وهي من مربط ابن قدران والقدرانيات موجودات عند الجارد من الرمال وعند ابن وتيد( والقدرنيه اصله حمدانيه) وقال طلال ابن رمال ماهي غاليه عليك يا هايس بس فلحاء لقحه واخاف على راسك وقال هايس لا مبروكه اخذ هايس القدرنيه من خاله وروح على راعي موقق ابن بشير اخو سلمى وذبح لهم وعشاهم وعند رجوع الرعيان من جماعه ابن بشير قالووايش الخيل الي عند ابن بشير قالو هذا هايس القعيط يبي العواجيه ويقال انا هناك واحد من شمر خواله عنزه ذهب وابلغ عنزه وانذرهم ان هايس جاكم يبي ياخذ بثار هذلول وسميو ذريته بنذره حتى هذا اليوم اصبح هايس صبح ابل عنزه ووجد انا عنزه مستعدين وعددهم اكثر من شمر قال هايس نبي ننسحب وقامت عنزه تطرد شمر وعندم واصل هايس حد العرق قال هايس أذمهم بالجيره فلا بهن الي تعد العدمه ومن يتعده هو والد راعيه وان خلتن الدنيا اني لدفق فنجاله بين شمر وكان مفيز العفر هو اقرب واحد الى العدامه وهو يكنه وهي تقفز فرسه وعندم قيست وجد انها بعة ابواع مسافه قفزه فرس مفيز وفي ذلك اليوم تبين العبدات الثلاثه المعروفين وهم 1- مفيز العفر 2- مشاري الشقاق 3- سرحان ويمكنه من الجري من عبده ( سمي الذيب ) ويقولون ان هايس كل ما حاول انه يضرب او يدلي ضامه وحلبه واذا جلس تلحق فرس عقاب واذ وقف هايس يبي يدلي حلبه ثم نخ ربعه وكانو العبدات الثلاثه هم اقرب لهايس من غيرهم وخصوصاً سرحان وضيع اسمه هايس وقال سمي الذيب وفعلاً سرحان جدع عقاب ومفيز جدع واحد ومشاري جدع واحد ويذبحون في ذلك اليوم 1- عقاب العواجي 2- حجاب العواجي 3- زيد المرتعد 4- مزعل العواجي وذلك في موقعيقال له الابرق وسمي ابرق الشيوخ بسبب ذلك
يقولون ان ضبيب العواجي ذبح الزماميل من شمر اكثر من 40 شخص كانو اسرى عند ضبيب وعندم علم انا عقاب قد قتل ذبح الزما ميل
وبعد تلك المعركه اصبح يضرب المثل الي يقول حض العبدات من شمر بسبب فعل مشاري وسرحان ومفيز العفر هذهي قصه ذبحه عقاب وحجاب


اخواني الاعزاء
حسب الايضاح من الاخ ذعار
انا العبدات الثلاثة وهم:
مشاري الشقاق
مفيز العفر
دوشق بن سنيدان من الجدي

وحسن "مسكت الورع" بدل زيد المرتعد من قتل مع عقاب وحجاب
لذلك وجب الايضاح
والله اعلم

وهذه قصيده مبيرك التبيناوي

يصف ذلك (( منقوله من اخي راكان العياده ))

عودن عدا بس الزماميل والخيل**يدور مقانيص بغرات الاجناب

اول زمانه عذب الكنس الحيل**وخبط بيمناه البحر عقب ماشاب

راح النذير وفزع النزل بالليل** والخيل ركبت ما جلايبها الاداب

وتوافقوا بالطعن بحد الغراميل**متقاظبين(ن) مثل ابا زيد وذياب

غربي زبارا وريج مثل الهماليل** وانشبت احراب القوم بكطي الاصحاب

وتعاودوا للهوش ربعن مثاقيل**حماية الساه عريبين الانساب

وردو وصادوا فارس يرعب الخيل**يوي صيدة يوم جابته الاسباب

كان نوت تزعج الصوت بالحيل ** لعيون هيفا نردع الشيخ بحجاب

حريمهم تصرخ صريخ المحاحيل** جاهن عليمن باول الخيل ما طاب

وحريمنا لجن بزين الهلاهيل ** متوكدات(ن) من شلعة الحر لعقاب

يا ظبيب لو ذبحت كل الزماميل** ذبحت دخيل البيت ما تفتح الباب

اربع ليال(ن) ما لقوه المراسيل** عليت ياخد كوح العصر بتراب

دنياك هذي يالعواجي غرابيل** من شق جيب الناس شقوا له اجياب


القصه منقوله بالحرف بلهجة الراوي جريد الشريهي -- شريط وانا سمعها قبل لايخط شنبي ,, ولاكن من الواجب اقولكم اني نقلتها من منتدى الطنياء ,,, اخوكم ابو عمر

ابيض وجه كفيت ووفيت ولا هفيت

كثيرا ً من نسمع بهذه الروايات ولاكن روايتك اكثر تفصيلا ً

اخوك / ابو زيد

 

 

 

 

[معلومات العضو ابو عمر الشمري]

المشاركة الأصلية كتبت بواسطة ابو زيد الغييثي

ابيض وجه كفيت ووفيت ولا هفيت

كثيرا ً من نسمع بهذه الروايات ولاكن روايتك اكثر تفصيلا ً

اخوك / ابو زيد

وجهك ابيض يابو زيد ,,,