قصيدةفي الوداعين خاصة والدواسر عامه

[معلومات العضو رفيع النفس]

من ذهبلي وداعينن هل ابلن مقيمه
مكرمين الضيوف متيهين الجهامي

شدوبشف زينات ال وجيه العديمه
في هواها ليا من لاح برق الوسامي

يوم كسب الغنايم نغتنمها غنيمه
ومن غزانا يبيها فوقه الطير حامي

البوازيم تشهد بالسنين القديمه
خمستن وحدهم والقوم كثر التهامي

انطحو جمع قوم وبشرو باالهزيمه
بين شلف الرماح وبين مخباط رامي

يوم ثارت عزاوي من اللزيم للزيمه
عندنا لاالحديد الي يفك اللحامي

مقدرينن قصير البيت بشداد ريمه
يوم ردوله البل والعشا من لادامي

ابن هتيله قصير البيت نال الحشيمه
يوم زابن قصيره مارضاالنه يضامي

للوداعين ماسومن عليها وسيمه
فعل جدن بعج خطه نهار الزحامــــي

ناصر الي نهار العيد بكا حريمه
اشهدنه عضيمن من رجالن عضامي

يوم طفله ذبح طفلن لجاره ضليمه
اخذ ثارن لطفل الجار حامي بحامي

وفايزالي رفاها والضوامي محيمه
مدي الجار من الجدران وقت الصرامي

هل ثمان السوالف بالنفوس الكريمه
واهل مثلوثتن قدر الضيوف الحشامي

والخوي باليمن نشتال حملن يضيمه
يوم حرب اليمن عندي ثبات لكلامي

كل فعلن ينومس ملحقينه لتيمه
اشهد النا هل الطالات والمجد سامي

جدنا الي بفعله له وقاروحشيمه
وابن بدران خاله من كبار الاسامي

وابن بدران خالن للملوك العضيمه
حاكمين الجزيره لين ساد النضامي

يوم حول معا بركن لديرت خصيمه
هوزعيم الدواسر هو رفيع المقامي

من الدواسر معه من كل قرم وصتيمه
مثل بحرن حجزه السيف والموج طامي

في نهارن تبشربه غريم بغريمه
ضربهم بالرماح الي تقص العضامي

من جهلها فينشد من الرجال الفهيمه
يوم ضرب الرماح ويوم ضرب الحسامي

ويوم زبنا ابن مطرف يشتكي من الضليمه
احتموه الدواسر والله اخير حامي

ومن نزل في حمانا يهتني في نعيمه
لاوسمنا عصاه فمستحيلن يضامي

في ختام القصيده والقوافي مسيمه
من ذكر طيب ربعه فيعدااه الملامي

في ختام المثايل عد برقن بغيمه
للرسول الصلاة وللرسول السلامي

ولاعليكم
زوووود
ياقبايل الدواسر عامة
ولاعليكم زووود
ياجميع القبايل كلن فيه حقه من الطيب

الشاعر / راشد بن عبدالهادي بن زابن

 

 

 

 

[معلومات العضو رفيع النفس]

منقووووووووووووووووووووووووووووووووووووووول

 

 

 

 

[معلومات العضو فهد الغريري]

ارررحب تراحيب المطر ي رفيع النفس

مدتك سمن طالت حياتك

وكفو وكفو وكفو بالوداعين

ونعم الابه وسعد منهم محزمه


وصح الله السان الشاعر الكبير راشد بن زابن الودعاني

 

 

 

 

[معلومات العضو رفيع النفس]

وبك البقاااااااااااااااااااااااااا

ملياااااااااااار
يافهد الغريري
وكفوك الطيب
ولاعليكم زود
طال عمرك
وكل قبيلة من قبايل الدواسر
مكمله للثاينه
والناموس للجميع والفخر
للجميع
والله يصح بدنك
ويصح السان الشاعر
ولايهينك
شرفني مرورك يافهد.

 

 

 

 

[معلومات العضو مسعود العماري]

صح لسان الشاعر الكبير ابو هادي على القصيدة الجزله في الدواسر عامه والوداعين خاصه
وصبيان الوداعين يستاهلون اهل السلوم والعلوم الطيبه

 

 

 

 

[معلومات العضو رفيع النفس]

ارحب ارحب يبو محمد تراحيب المطر

وتشرفت بمرورك الله يطول عمرك
ولايهينك