فوقها اللي لامشى الغدرا دليل***ويتحمل للشقى مثل الجمل

[معلومات العضو ابن محمد الودعاني]

هذي من روائع قصائد الوصف لمرير بن عبدالمحسن الحبيل العتيبي من عمالقة الشعراء اللذين برزوا في الساحة ويصف في هذه القصيدة جيب الفكس ار بأسلوب رائع...

واترك لكم المجال في الانسجام مع القصيدة

راكب الي لامشى الخط الطويل = لو مشى يومين ماجاب الملل
اسمحولي باصفه وصفن قليل= عقبي وصفي ياعسى دربه سهل
اقصد الفكسار ماغيره بديل= لعنبو من صممه لين اكتمل
امدحه وان مامدحت اخر موديل= ويش بامدح موترن غيره اجل
وارد اليابان ماجاله مثيل= اقطمن بالسوق مامثله نزل
ابيضن لونه مثل زبدت صميل= وارثمن خشمه مثل خشم الفحل
لون زيكه لمعت السيف الصقيل= ولمع برق في خيال منهمل
والعلامه لاسرى مثناة ليل= في جبينه كنها كوكب زحل
والاشاره لونها جمرة كليل= يتلالى مثل منتوج النحل
والخطوط بشاشته صفة فصيل= تزهر ارقامه مثل ورد النفل
والازره داخل الكشن الجميل= دايريه حجمها كبر الهلل
ويتهزى مثل نقاض الجديل= ومنوته مثناة خط لاانسحل
ويتنهض لابرمه بالقاع ويل= وان بغيته يعتلي راس الجبل
كنت اشيله عن عزاز الارض شيل= وفيه من قدام دفرنس الدبل
اسود كنه حصاة من حقيل= للنفود مصممينه والوحل
ماورد مثله مواتر مستحيل= ان رضى راعي السفاري وان زعل
الجيوب اوصافها فراس خيل= من خويه جيب ماجاه الزمل
افترد عبد اللطيف الهن وكيل= وعامل اليابان وانصح بالعمل
فوقها اللي لامشى الغدرا دليل= ويتحمل للشقى مثل الجمل
في لزومي عن طريقه مايميل= ولانخيته ماتمشى بالمهل
حوله محافة الضلع المهيل= لين عنه طويق قدامه انعزل
ماسمحله ياعسى جاله يسيل= لو سمحله زيد سواقه وصل
ولاتساوى مرة مراتن يعيل= ولاتعدى من ورى شقرا انعدل
ثم تنهض مابقى لوكان ميل= داخل الطبلون والخط النحل
شد حيله مابقى بالحال حيل= لين ضاق الكون جا كبر الدحل
والهوى عن رفرفه جاله شخيل= راسين ومرسيه عرض العجل
المراكز ماتعرضله سبيل= خابرينه عن هدفهم مستقل
ثم تنصًى الاصيل ابن الاصيل= لاوصلته فاصفطه قدم المحل
تاجد اللي داخل المجلس ثقيل= ولاتكلم ماتلفظ بالزلل
الكرم تلقى اوله بنن وهيل= والسوالف والحجاج المسفهل
والشبب ومعزبك ذباح حيل= تفعله يمناه لاجاه الشلل
قل ابونا ايان كساب الجميل= ويش رايك ندرج اسمك بالسجل
غنوا الشعار ومرير الحبيل= تيحت الفرصه لرجالن يحل
واستلم ماقيل واجني بالحصيل= واركب المبروك وارجعلي عجـــل

وسلامتكم

تقبلوا تحياتي

 

 

 

 

[معلومات العضو العماني]

لاهنت ابو محمد على القصيدة الجزله

وياحبك لقصايد مرير

تقبل تحياتي،،

 

 

 

 

[معلومات العضو النجم الهاوي]

صح الله لساااااااااااااان الشااااااااااعر

وصحت يمينك على هالتميز والاختيااااار والذوووق الرائع


اشهد انه وصف في مورتن يزبنك لمن الليالي غدت سود


يابري حااااااااااااااااالي


وتلوموني في حب الجيب


يمااااااااااااال العافيه

لاهنت


شيخ الشيوووووووووخ

 

 

 

 

[معلومات العضو تركي ال فنيس]

قصيده رائعه بيض الله وجهك يابو محمد

 

 

 

 

[معلومات العضو الجوهره]

لا هنت يا بو محمد ولا عدمناك....

شيهانه

 

 

 

 

[معلومات العضو ابن محمد الودعاني]

العماني


شيخ الشيوخ


تركي الودعاني


شيهانة


لاهنتو ومروركم يزيدني فخر واعتزاز

والله يسلمكم من كل شر

تحياتي