مشاركة من ابن زمال

[معلومات العضو ابن زمال]

بسم الله الرحمن الرحيم

من قصايد الشاعر المرحوم محسن بن زمال ال بريك الدوسري

قلبي كما الصندوق بالقفل مغلوق=لا من فتحته قام قلبي يتوقــــي
توق الوحش لاتاق من راس شاهوق=ثم انتكس من عاليات الغروقي
لا شاف جربوعن مع الحسم مطقوق=ثم ظف جنحانه وخمه سبوقي
ياراعي المنقود قلبي غداء بوق=انطح هواجيسن يجني فروقــــــي
اضرب تماثيلن ولو كان مسبوق=كلن على هاجوس قلبـــه يشوقـــي
احدن يشوقه طردة القفر بنوق=ويفز قلبه يوم شـــــافه اعنوقــــــي
وحدن يشب الضو ويجر صندوق=ومقلط صفرن تلاهق لـــهوقـــــــي
وحدن يشوقه بنية القصر بطبوق=ويفز قلبه يوم شافه اطبوقــــــــي
وحدن يصب الما على لرض مدفوق=فوق الزروع ومطلعات العذوقــي
ونا البريكي من مداغيش وفتوق=لامن مشا جمعن لجمعن صفوقــي
من لابةٍ تركب على الخيل بعروق=ومشمللاتن في مطارق عروقــــي
الاد زايد هم فكك كل ماسوق=لا نهضوا عود الجـــــريد الـزروقــــــي
جرد الرقاب اليا غدا عندها دوق=تفكرت نجل العيـــــون الرموقــــــي
ركبوا على قبن يسوقونها سوق=بمصـــقلاتن للــمناكب عزوقـــــــــي
من حفنا قحطان وسبيع وشروق=وليا جنوبن صوب يامن نسوقـــــي
وكلن على فعله من الناس ماثوق=ونا على ممشاي بلعب اطروقــي
في شبتي راكت ولانيب مطفوق=ولاحكيت الا بهرجـــــن صدوقـــــي
والي حكمنا واحدن فوقنا فوق=هيا لنا حــــــــرن بليا ســــــبوقــــي
عبد العزيز الي حكم نجد بوثوق=بالسيف الملح عقب نسف العنـوقــي
ارث حرارن تجعل السم بذوق=كم واحدن اسقوه سم المذوقـــــــي
الاد فيصل لاغداء العج زاروق=على مهارن مرهيات الحوقــــــــــــي
بيارقن تمشي على كل طاروق=وسيوف هند مثل لمع البروقــــــــي
لين استوت عذراء ولبست لهاطوق=ومنها توارى مجرمن والسروقي

 

 

 

 

[معلومات العضو البريكي11]

صح السانك

 

 

 

 

[معلومات العضو عبدالله آل بريك]

صح الله لسانك يالغالي وما قصرت كفيت ووفيت يالغالي ولا تتأخر علينا بجديدك يالغالي

يا ولد العم :- ابن زمال هل يمكنني التعرف عليك عن قرب

وتقبل تحيات اخوك:- عبدالله آل بريك

 

 

 

 

[معلومات العضو نمر بن الأشيب]

الله يعطيك العافية يا ابن زمال على كتابة هذه القصيدة الجزلة
الله يرحم الشاعر محسن بن زمال ال بريك الدوسري

___________

 

 

 

 

[معلومات العضو شافي القويسي المخاريم]

رحم الله الشاعر


ولاهنت على طرح القصيده