خطلان الايمان

[معلومات العضو رشاش]

يسعدني انزل اول قصيده لي في المنتدى ربعي خطلان الايمان

وارجوا تنال اعجابكم




بسـم الله البـادي وعليـه اتكالـي
=========== واعوذ به من كل حاسـد وشيطـان
يالله ياعالـم صـدوف الليـالـي
=========== اتعين عبدك بأتقى وايضا الاحسـان
ومن بعدها بأنظـم بيوتـن جزالـي
=========== من هاجسن غنّى ويضبط لـلأوزان
أنظم بيوت الشعر سكـر وحالـي
=========== وحروف شعر(ن) ماتقدر بالأثمـان
لا جبتها فـي كاسبيـن الطوالـي
============ ربعي بني عمي وخطلان الأيمـان
ربعي سوات السيل إلامنـه سالـي
========== فرسان ف الهيه وحوش(ن)وشجعان
عالين ياربعـي علـى كـل عالـي
=========== قوم(ن) خطاويها إلى المجد عنوان
والفضـل لله والبقـا والكمـالـي
============والحمد له ربي جمعني بالأخـوان
راسي شموخه فوق فوق العلالي
===========وأسبح بحر وأجيب لولو ومرجـان
وأهديه للطيب لمن جـاء مجالـي
============اللي يشوم النفس عن كل حقـران
واللي يعدك مكسـب وراس مالـي
===========يستاهـل الطيـب تحيـه وعرفـان
وإلا الردي كبه وجعله توالــي
============ كبـه وصدقني ترى منت خسران
احد(ن) شبوحه للعُلى مـا يبالي
============واحد(ن) شبوحه دون في كل ميدان

 

 

 

 

[معلومات العضو ناصر بن فهد]

:::
::
:





صح لسانك يا رشاش واعتلى شاانكُ
ولـآهنت يا رشاش وبيض الله وجهك على القصيده الجزلهً

 

 

 

 

[معلومات العضو النـــايف]

صــح لسانك واعتلى شانك
اخوي (رشاش)
قصيدة جزلة من جزل
وبيض الله وجهك يالقرم

كل الاحترام والتقدير

 

 

 

 

[معلومات العضو رشاش]

المشاركة الأصلية كتبت بواسطة ناصر فهد الدوسري

:::
::
:





صح لسانك يا رشاش واعتلى شاانكُ
ولـآهنت يا رشاش وبيض الله وجهك على القصيده الجزلهً

صح بدنك يابوفهد واسعدني جداً مرورك يالغالي

ووجهك ابيض وجعلك تسلم ياذيبان وهذي الابيات المتواضعه

كانت على عجاله وكتبتها بسبب موقف حصل بيني وبين شخص

الله يهدينا وياه وارجوا السموحه كان بالقول نقصان

وكيف ماكتبت في بني عمني فهوا قليل ولن نوفي

لك كل الشكر والعرفان

 

 

 

 

[معلومات العضو رشاش]

المشاركة الأصلية كتبت بواسطة النـــايف

صــح لسانك واعتلى شانك
اخوي (رشاش)
قصيدة جزلة من جزل
وبيض الله وجهك يالقرم

كل الاحترام والتقدير

صح بدنك يالنــــايف والله يعزك ويرفع قدرك

ووجهك ابيض ياتاج راسي