|
|||||||
26-04-2005, 10:57 AM
|
#1 | ||||
|
لا تحسب الدار زينتها مبانيها !!! (الهذية)
هذه القصيدة لشاعر الكبير مبارك بن شيبان آل ضويان الوداعين الملقب بالهذيه
يالله يا باني سبع السمـــا بامـــره = ومنين ما قال له يا نون كن كـانــــي
طالبك ياملتهم يا خير من نزهــــم= يا كاشف الضر يا علام حيـــــلاني اجعل حياتي على الدنيا على رخى= واجعل مماتي على عفو ورضواني منولٍِِ داله من الهم ما درى بـه= والهم ماهو في بالي ولا جـانــــــي أشوف دنيا على الله يا مزينها= تاخذ على الناس غارات بلا رسانـي راحت بناسٍ تشوقنّي عجايبهم= امنـــــولٍ كان لي ربـــع وخــلانــــي راحو رجالٍ على الدنيا وحل بها= ناسٍ يعيشون في كذب وبهتــانــــــي فأول ما أوصيك به رفقة هل الطاعه= من غر منها فهو ندمان خـسـرانـــي ثاني ما أوصيك عن رفقة الخايب= لو هو غني ترى ما فيه ميدانــــــي واحذرك تجلس مجلس تاجر فاجر= يقلطك لأجل شهادات وديـــــانـــــي ولا تضم أحمق ترجي منافعه= الأحمق يغرك واذا جا الصدق ما باني ساس الردى لايغرك منه نفشته= لا حتجت نفعه تبين علمه الثانـــي الناس مثل الشجر ساتره ورقه= لا حت واهجر غدا شوك وعوداني والحظ يكسي رجال لا ثياب لهم= لو يسلب الحظ مايسوون ديواني لا تحسب الدار زينتها مبانيها=ترى اصلها يافتى طين وجدراني الدار ما تستقيم الا باهاليهـا=ولا لها زينة الا بسـكــــانــــــي أما صخي بماله واقف فيها= ينفق على الناس ويدري كل شي فاني والا مطيع لربه راهب فيها= يتلي على الناس حديث وقرآني والا يسود معفين جوانبها= بسيوف هند توطي كل شيطاني ما ودك ان عقبهم الا رحايلها= والا فتالي العرب جول وخرفاني أشوف ذا الجيل ما تبطي محبتهم= رفقة اسبوع وعقب الولف شتاني ياوين بلقى صديق يشاكيني= لا ضاق شاكيته ولا ضقت شاكاني يضحك حجاجه يبين لك سهالته= ما هو مسلجم وكنه منك زعلاني شفي رفيقٍ اذا رافقته ارفقلي = وان جيت انا فز في المجلس على شاني ياليت قصره احذى قصري يشاكيني= لا ضاق شاكيته ولا ضقت شاكاني كم مرة جيت ابيه وعدت من دونه= من ذلتي من مشاذيب تقفانـــي طاري يقول رحله وطاري يقول ارجع= مذاهب الناس شانت يابن شيباني ترى في العرب ثعلب ما ينعرف له= هماز لماز فيه انواع شيطاني ياخالي المعرفه بالك تعاتبني = ياناقص العقل ماشاني لك بشاني اشتف نجوم السما ما اكثر تلامعها= أي نفعها كلها والجدي لا باني أية سيوف الهنادي حين صقلتها= أيها وعباسي كله صدى داني ويا الطيور الذي يرجى منافعها= أيها وبيض الجناحين ام عثماني يا علة طاولتني من قريب لي= أوحي وحمها على الأنجاف يصلاني لا جيت باكنها تلهب ملايلها= وان جيت بافضي فما عراه عراني أحد تجي زرقته على بني عمه= واحد تجي زرقته في الجار والداني واحدٍ يعرض بني عمه انبوب الخطا= واحدٍ يعرض بني عمه شحم ضاني تظهر اقرودٍ ولا تدري عواقبها= وتبرز أسود وتخيط الفتق لا باني تلقى أسود مبطحة مذارعها= تذخر ظفرها ليومٍ فيه عكناني وتلقي قرودٍ منفشةٍ مناخرها= تذخر ظفرها على الجيران والداني أحدٍ الى مات ما ينفقد موته= يدفن ويمسون ربعه نومهم هاني واحدٍ الى مات يا وسع فرجته= تسهر عيون وهي من فقده احزاني من وده ان الثعل والهر ربع له= والثالث النيص والرابع ضرمباني ومن وده ان الأسد والنمر ربعٍ له= والثالث الذيب نعم الذيب سرحاني خاتم جوابي صلاة على النبي =الهاشمي القرشي آل عدناني
|
||||
|
|
|
|
26-04-2005, 08:11 PM
|
#2 | |||||||||||||||||
|
أشوف ذا الجيل مـا تبطـي محبتهـم= رفقة اسبوع وعقـب الولـف شتانـي ياويـن بلقـى صـديـق يشاكيـنـي=لا ضاق شاكيته ولا ضقـت شاكانـي رحم الله الشاعر الهذيه
النايف قواك الله والف شكر لك على نقل القصيده اكثر من رائعه ومليئه بالحكم عساك على القوه
|
|||||||||||||||||
|
|
|
|
26-04-2005, 08:30 PM
|
#3 | |||||||||||||||
|
سلمت يمين ناقلها ورحم الله قايلها.... لا هنت أخوي على القصيد الجزل والنقل الرائع.
|
|||||||||||||||
|
|
|
|
26-04-2005, 10:40 PM
|
#4 | ||||||||
|
السلام عليكم ورحمة الله وبركاته
|
||||||||
|
|
|
|
26-04-2005, 11:56 PM
|
#5 | ||||
|
بيض الله وجهك يالنايف علي القصيده الجزله من شاعر جزل الله يرحم الشاعر ويسكنه الجنه
|
||||
|
|
|
|
27-04-2005, 12:52 AM
|
#6 | ||||||
|
لاعدمناك يالنايف
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 08:47 AM
