من روائع الشاعر محمد بن احمد السديري

[معلومات العضو فتى العمور]

بسم الله الرحمن الرحيم
السلام عليكم يالربع هذي اول مشاركه لي في ذا المنتدى
وحبيت اني ابداها بذا القصيده للشاعر محمد بن احمد السديري

شى بقلبى يا ملا حايرن فية=شىء تحير ابة العقول الفهامى
مخفية بفوادى ولا ودى ابدية = وادور الخيرات شرقن وشامى
احترت بة ما شفت شى يحالية= واليوم ابنشد عنة مانى بكامى
سيل حدر مع وادى غير وادية= مدرى حلال ماة والا حرامى
كانة حلال جايزن شرب صافية = وش حللة يا مفسرين الحلامى
هاتوا تفاصيلة وهاتوا معانية = نبى الدليل اللى علية الكلامى
نبى دليلن يفهم الدرب ماشية = يمشى بة التاية بليل الظلامى
يمشى بة التاية ويقدى مواطية = ويشرب قراح الما لياصار ضامى
لا شك هجسى يوم خلا مماشية= انة حرام ومنة زود الاثامى
احرم من الزقوم مرة وحالية = وشربة على الضامىيزيد الهيامى
اللة من قلب همومة تقزية = تدك بة مثل الجراد التهامى
من ما جرى قامت تتلة مشاحية = تل الرشا من فوق هدف المقامى
روابع قامت تصيبة وتخطية = شاف الهوايل واختلاف الاسامى
ما يسمع الداعى اليا قام يدعية= يعوم فى بحر من الهم طامى
ما ينتبة للى بصوتة ينادية = يزيد همة يوم كلن ينامى
يشوف وقتن ما عرفنا توالية = وقت يشّيب منة ابن الفطامى
هذا زمانن كاثرات بلاوية = الغيم يقلب فية عج وكتامى
يا بعد شرب الما على كبد راجية = ما سيل الغبرا زعوج الجهامى
انبيك يا من كلمة الحق ترضية = اعطيكما ينفعك وافهم كلامى
قصرن يذلك لا تقابل مبانية = خلة عسى شامخ طويلة هدامى
خلة عسى ما صاب اغادير يفنية = يودع منازلة الطويلة رجامى
لوزان مدخالة وطالت حوامية = شيّد على الخيبة قليل الرحامى
وحى يوريك المذلة وتغلية = أنا أشهد أنك ميت القلب عامى
من لا يودك لا تودة وترجية = ارفع مقامك يا عزيز المقامى
ارفع مقامك عن عدوك وتوذية = ويلحقك من تركت رفيقك ملامى
حق الرفيق وواجبة لا تخلية = يلزمك مثل الوالدين الحشامى
اختر عزيز الجار والحق يعطية = شبل على هرجن يقولة يحامى
ما دك بة عرج المذلة وطارية = يسبق على فعل الفضيلة شمامى
ومن قارب الاجرب بالامراض يعدية = عدواة تسطى باللحم والعظامى
درب السلامة بيناتن مماشية = ودرب العطب يرث عليك اللكامى
ابعد وقلبك نازح البعد يشفية = وتلقى عن الدار البغيضة مقامى
دارن بدار وداعى الذل عاصية = ولا تقبل الذلة نفوس الكرامى
الذل موت حايمات ضوامية= ادخل على منزل فروض الصيامى
عن مقعد بالذل عينك تراعية = الموت عند الذل امان وسلامى
يرضى المذلة من تردت هقاوية = والذل يجفل منة قلب العصامى
والعبد لة رب عن الناس يغنية =ولولاة ما صاب الهدف كل رامى

 

 

 

 

[معلومات العضو المـزوون]

هـذا زمانـن كاثـرات بـلاويـة**الغيـم يقلـب فيـة عـج وكتامـى

*****
وحـى يوريـك المذلـة وتغلـيـة**أنا أشهد أنك ميـت القلـب عامـى
مـن لا يـودك لا تـودة وترجيـة**ارفع مقامـك يـا عزيـز المقامـى

*****
حـق الرفيـق وواجبـة لا تخليـة**يلزمـك مثـل الوالديـن الحشامـى

*****
درب السلامـة بيناتـن مماشـيـة**ودرب العطب يرث عليك اللكامـى
ابعد وقلبـك نـازح البعـد يشفيـة**وتلقى عن الـدار البغيضـة مقامـى
دارن بدار وداعـى الـذل عاصيـة**ولا تقبـل الذلـة نفـوس الكرامـى
الـذل مـوت حايمـات ضواميـة**ادخل على منزل فروض الصيامـى

******
يرضى المذلة من تـردت هقاويـة**والذل يجفل منـة قلـب العصامـى
والعبد لة رب عـن النـاس يغنيـة**ولولاة ما صاب الهدف كل رامـى

يــــــــــاااســــــلااااااااااااااااااااام ..

عزاللـه قصيــده .. صــح الســـانك .. اخوي .. وسلــمت يمــناك .. على ذا الاختيـار .. الاكثر من راائـع .. يعطيــك العافيــه ... ولاهنــت ..


تقبـــل تقديري .. مع التحيـــه ..

المـزوون ..

 

 

 

 

[معلومات العضو فتى العمور]

اخوي المزوون الله لا يهينك على ذا المشاركه و المرور و بيض الله وجهك

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

الغالي فتى العمور

سلمت يمناك يالقرم على ماقدمت لنا

وبيض الله وجهك ياذيبان وصح لسانك ملايييييييييييييييييين

ورحم الله الشاعر الكبير محمد السديري

تقبل ودي وتقديري

محب الجميع

 

 

 

 

[معلومات العضو فتى العمور]

اخوي دغش البطي
صح الله بدنك وبيض الله وجهك وماقصرت ومشكور على المرور