الشاعر ناصر بن دهيم ضيف كرسي الاعتراف

[معلومات العضو متحدث رسمي]

أخوي
ناصر بن دهيم

يعجز الكلام واقول

انت في قمة الابدااااااااااااااااااااااااع

 

 

 

 

[معلومات العضو ناصر بن دهيم]

المشاركة الأصلية كتبت بواسطة متحدث رسمي

أخوي
ناصر بن دهيم

يعجز الكلام واقول

انت في قمة الابدااااااااااااااااااااااااع

هلا وغلا بالغالي جدا متحدث رسمي

يعجز اللسان عن التعبير لك واشكرك على هالمرور الكريم وانت في قمة الروقي

تحياتي

لك

اخوك

 

 

 

 

[معلومات العضو ناصر بن دهيم]

ياهلا وغلا باخوي الغالي جدا فهد بن هادي الغريري

حضورك هنا شرف واسعدني طال عمرك

- كما تعلم ان الدواسر لديهم شعّار محاوره ولم يحضوا بالشهره مثل غيرهم

والسبب في ذلك عدم الأقبال عليها من قِبل الجماهير في مناطق الدواسر...

بنظرك كيف يمكن جذب الجمهور إليها وزيادة الاقبال عليها لكي

يكون لدينا صفوف محاوره مثل مايوجد بالحجاز وغيرها من المناطق....
المسأله هذي الظاهر حسب البيئه والعادات والتراث لكن اللي اعرفه ان احمد الناصر الشايع
من اكبر شعراء المحاوره ومؤسسينها واشوف ان اللي يشجع شعراء الدواسر على المحاوره
اقامة المهرجانات الشعريه واستدعاء شعراء المحاوره في حفلات الدواسر او مناطقهم وهذي وجهة نظري


2-اذا تهجم عليك شخص ما بوطنك او بشخصك كيف يكون رد ناصر ؟؟؟
التسامح من سماة المؤمن ويارب الناس اكفنا شر الناس واجلعنا من المحبوبين

3-الشخص الذي يبحث عن الاشياء السلبيه ويترك الايجابيه من يكون بعين ناصر ؟؟
ليس من اصحاب العقول الراجحه

4-كيف تنظر للأقنعة التي يلبسها الكثير من الناس في حياتهم ألانترنتيه؟؟
هذي خصوصيات ولا عندي اي تعليق

5- متى فكرت في دخول الشبكة العنكبوتية ؟؟ ولماذا ؟؟
من قبل والله ندخلها لتسليه لكن الان فهيا منبع لثقافات والتعارف واختصار العالم بهذه الشبكه

6- اقلام تتوقع لها مستقبل في منتديات الدواسر !!
كل قلم مميز بدون ذكر اسماء والمميز يعرف نفسه كل عضو واعي وصاحب فكر وابعاد عقلانيه تصب لصالح هذا الموقع الشامخ

7- كما تعلم انه سوف يقام الحفل الثالث لقبيلة الدواسر بدوله الكويت بعد اسابيع قليله

ماذا يحضر الشاعر ناصر بن دهيم الغييثات لهذا الحدث الكبير....
مرحبا بأبناء عمي في بلدي الكويت وابشروا بكل خير والله يجملنا عند اربوعنا

كل الشكر لحضورك الراقي يابوهادي
تحياتي
لك
اخوك

 

 

 

 

[معلومات العضو دوسري حبيب الكل]

بيض الله وجههك

 

 

 

 

[معلومات العضو ناصر بن دهيم]

المشاركة الأصلية كتبت بواسطة دوسري حبيب الكل

بيض الله وجههك

اهلين وسهلين بدوسري حبيب الكل لاهنت على حضورك الراقي


تحياتي لك

اخوك

 

 

 

 

[معلومات العضو aldosseri80]

مساك بالخير
يابومحمد حبيت اشارك واقولك انا معاااااااااااااااااااك حتى النهايه في شاعر المليون

عندي سؤال من هؤلاء الاشخاص بالنسبه لك


هادي شتين
سعود حجاب
جاسم حطاب
هادي مسفر
فيصل فهد
وشكرا

 

 

 

 

[معلومات العضو ناصر بن دهيم]

المشاركة الأصلية كتبت بواسطة aldosseri80

مساك بالخير
يابومحمد حبيت اشارك واقولك انا معاااااااااااااااااااك حتى النهايه في شاعر المليون

عندي سؤال من هؤلاء الاشخاص بالنسبه لك


هادي شتين
سعود حجاب
جاسم حطاب
هادي مسفر
فيصل فهد
وشكرا

هلا وغلا يالدوسري حياك الله ولاهنت على المرور الكريم وانت ذخر يالغالي

اما بخصوص الاسماء اول مره اسمع فيهم

وربي انهم من اغلى اخواني وبني عمي وشبه يومي اشوفهم لكن باقي سلطان نسيته

وشكرا يالغالي

تحياتي

لك اخوك

 

 

 

 

[معلومات العضو بنت الاشراف]

	الصبح شعشع واقبل النور بـ النور = والليل الاسود مايجيب الصراحه ماني بضايق لكن القلب مقهور = مثلي تساوت ضيقته وإنشراحه آمنت باللي ثبّت اطويق والطور = عساه يلهمني ثبوت وفصاحه واضح واحب اقابل الناس مسرور = مخلوق من بين الرضا والسماحه اكتب قصيدي همي إسعاد جمهور = ماهمني فوضه وصوره وساحه موجٍ تلاطم من ورى سبعة ابحور = حروف شعـري للمخاليق راحــه يامبتليني ؟ بالحكي اسمع الشور = لا تحسبنّك عايش بوسط واحــه اللي خلقنا ميّز الحق والزور = الفرق واضح كالسما والبراحــه الطـب يبغاله من الناس دكتور = والهندسه تبغى ارتفاع ومساحــه ياللي تقول اني من الناس مغرور = ميّز هماج الما وميّز قراحــه لامن كبـر راسي مع الطيــش معذور = لكن غرور الشخص سبة مطاحه نسعى بـ هالدنيا نبي الحال مستور = والمجتهد همـه وغمـه نجاحـه ياصاحبي ؟ لا تقعد اتلّف واتدور = الطيـر وشهـو ؟ لو كسرنا جناحـه منت بمعي يابن الاجاويـد مجبور = من راح مني سمّح الله مراحه

 

 

 

 

[معلومات العضو نايف الفصام]

السلام وعليكم ورحمة الله وبركاته

الشاعر / ناصر بن محمد بن دهيم الغييثات

مرحبا والله ومسهلا فيك بين ربعك وبني عمك

والاخوان ما قصروا باسئلتهم وانت كفيت ووفيت بالرد عليها

وانا عندي كم سؤال خفيف اتمنا ماتكون ثقيله عليك

1ـ يقال ان سبب ضهورك كشاعر هو بدعم الدواسر وأحد الامراء السعوديين؟

2ـ ما أقرب القصائد العاطفيه اللي قلتها انت الا قلبك؟

3ـ قصيدة دروب الهجر هل لضهورها سبب معين؟

4ـ ماذا تعني لك كلً من الخرج ـ الكويت ـ (الخفجي)؟

5ـ في الحقيقه انت شاعر كفوو ومبدع ومن ربعن عزيزين علي انا شخصياً بس اشوف انك مقل في قصائدك في ربعك الغييثات والدواسر عموم ؟

الله لايهينك على كل حال ياابومحمد .... واسجل اعجابي فيك من هنا

أخوك / مطنــــوخ

 

 

 

 

[معلومات العضو ناصر بن دهيم]

هلا وغلا بالشاعر المبدع نايف بن مسرع
اسعدني مرورك الكريم وبيض الله وجهك وافي وكل علومك غانمه

1ـ أين ناصر بن دهيم من ( هلا فبراير ) ؟ ولا الدعوى وسائط !
هلا فبراير امنية كل شاعر يريد الاضواء ولكن انتمنى المشاركه فيه كغيرنا من الشعراء والوسائط يابومسرع بكل شي في هذا الوقت


2ـ متى يبدأ فك الارتباط بينك وبين (المختلف)؟ فمن وجهة نظري أن تحليق الشاعر في فضاء إعلامي رحب دون التحجيم في نافذة إعلامية ربما كانت نتائجه إيجابية بشكل أكبر!
مافيه شي اسمه ارتباط وانا من الشعراء اللي خذيت حريتي في بداية نشري بكذا مجله وجريده
وانا مع وجهة نظرك

3ـ ألا ترى معي بأن شعراء الجيل الحالي أسرفوا في طرق غرض واحد من أغراض الشعر الكثيرة وهو (الغزل) وابتعدوا إلى حد ما عن الأغراض الشعرية الأخرى النبيلة ، فهل هذا من وجهة نظرك لسهولة هذا النوع من الشعر أم لأن رغبة المتلقي تجبرهم على ذلك؟
اولا الشعر عالم من الخيال والبحور لكن هناك شعراء تميزت بالغزل فيرتاح لهذا النوع منه وهذا على مدى التاريخ ولا يشمل اغراض الشعر الا القليل من الشعراء سواء القدماء او الوقت الحالي وكذالك رغبة المتلقي

4ـ أبو محمد أبي رأيك بصراحة:
لوقـُدر وخرج جميع متسابقي (شاعر المليون)ولم يتبقى في الحلقة النهائية إلا ناصر بن دهيم ونايف بن مسرع والبيرق بينهما ... بأمانة ياناصر تصف لي شعورك في تلك اللحظة بدون مثاليات ؟ وكيف سيحسم اللقب بيننا ؟ وماهي الورقة الرابحة التي سيلعب بها كلاً منا ؟ ههههههه قلت بأمانة!
الله يسمع منك لكن البيرق عليك بالعافيه وانا باخذ المليون لكن اتمنى التوفيق لشعراء قبيلتي في هذي المسابقه والمميزين من الشعراء

لاهنت على المرور الكريم يابو مسرع وبارك الله فيك

تحياتي لك

اخوك

 

 

 

 

[معلومات العضو دوسري حبيب الكل]

الله يوفقهم

 

 

 

 

[معلومات العضو ناصر بن دهيم]

هلا وغلا يارماد حياك الله يالغالي هلا بالقلم المميز والانسان الراقي

اسعدني مرورك هنا ...

أولاً:
ماذا يعني لك الشعر..؟
عالم اتنفس فيه بدون اكسيد كربون


ثانياً:
أول من تأخذ رأيه في قصائدك..؟
كثير من الاصدقاء وعيال عمي وبعض المعديين اللي امون عليهم والشعراء المقربين لي

ثالثاً:
لكل منا طموحاته المتوافقه مع ميوله
فـ ماهي طموحات ناصر (الشعريه)..؟
طموحي صعب جدا تخيّل اني ابي اصير مثل الامير المرحوم محمد الاحمد السديري عملاق من عمالقة الشعر رحمة الله عليه

رابعاً:
القصيده هي تجسيد لموقف وردة الفعل له
فـ ماهي القصيده التي تحس بتقصيرك تجاهها أو إخفاقك بتصويرها..؟
القصيده التي تطلب مني لاني اكتبها بأحساس غيري

خامساً:
(المنتديات الأدبيه في قفص الإتهام!!)
فهناك من يشد على أيدي أصحابها بينما يوجد من يحاربهم ويتهمهم
بإنتشار ظاهرة المستشعرين والمستشعرات مع العلم بأنه هناك الكثير
من الشعراء والشاعرات أصبحوا من مرتادين هذه المنتديات وفيهم من
يمتلك منتدى خاصاً به..
فـ ماهو رأيك بصراحه وبماذا ترد عليهم..؟
بالعكس هذي متنفس لشعراء اللي ماينشرون او ماحصلت لهم فرصه وثاني شغله اغلب الشعراء لهم مواقع لكي ينشرون جديدهم لجمهورهم اول باول وانا اشوف انها مهمه بغض النظر لسلبيات لاني اشوف ان ايجابياتها اكثر

سادساً:
مارأيك بمستوى كلٍ من:
المجلات الشعبيه والبرامج التلفزيونيه المخصصه للشعر والموروث الشعبي..؟
حاليا تعيش عاصر الذهبي

سابعاً:
(ضوء شعري) توجهه للمبتدئين..؟
اتمنى انهم يكثفون من حضورهم الاعلامي ولا يفوتون الفرص

ثامنـاً
مـاذا تعني لكـ الأسمـاء التاليهـ

1/سموالامير (شقران) محمد بن سعود الكبير رحمة الله علي
رحمة الله عليه كنت احضر في مجلسه مع ابوي الله يرحمه وتعلت من هذا الرجل الشموخ والتواضع في نفس الوقت

2/الامير فهد بن خالد السديري\
هذا الرجل اتمنى اني أراه واصافح يده لأن ابوي الله يرحمه كان يكن له الرجل الاحترام والتقدير وكانت تربطهم صداقه قويه جدا

3 / الأستاذ صالح مبـارك المطلق
آه يارماد هذا ابوي ومديري في ثانوية الملك فهد وتعلمت منه الانضباط والالتزام والمسئوليه
كان يقول ابن دهيم مافيه شي اسمه غييثي كلكم عيالي ومافيه تفرقه وفعلا خرّج صفوه من الرجال ساهمو في تطور بلادهم فجزاه الله منا خير والله يطوّل بعمره

4 ثانويهـ الملكـ فهد بالخـرج
ثانوية اصدقائي الاوفياء اللي لا زالوا يتصلون ويسلمون ومانسوا الصداقه

5/ رمـاد
انسان راقي وحزين وحداني

واخيراً أعتذر عن الإطاله
ومنك السموحه لاهنت..

انت من يستحق الشكر ولاهنت يارماد وشاكر لك مرورك الكريم

تحياتي

لك

 

 

 

 

[معلومات العضو الصقر الحر]

بسم الله الرحمن الرحيم

السلام عليكم ورحمه الله وبركاته

أشكر أخوي سالم الغريري على هذا الكرسي الذي يعرفنا بأبنا عمنا وأشكرك على أستضافته لشاعر /ناصر بن دهيم .

ناصر بن دهيم شاعر حلق في سماء الشعر وظهر تقريبآ في عام 2003 ولكن كانت له مشاركت معا دوانية الشعراء وكان أول ظهور أعلامي لناصرمن دوانية الشعراء.

س/لماذا لم تشارك في شاعر المليون النسخة الاول ؟

س/ماهو أول لقاء تلفزيوني لشاعر ناصر بن دهيم؟بعد دوانية الشعراء.

س/ماهي أول مجلة قمت بنشر قصيدتك بها؟

س/ماهي الاغراض الشعرية التي يجد ناصر بها أكثر المدح - الغزل وغيرها؟

س/ماهو سبب أنقطاعك عن منطقة الخرج؟ومتى كانت آخر زيارة لك؟

س/ما رأيك بالمقوله : الشعراء يقلون مالا يفعلون ؟

وأخيرآ:
الله لايهينك بيتين تصف بها أخوك الصقر الحر؟

ملاحظة :ناصر بن دهيم أنا أعرفة من قبل ظهورة الاعلامي وخصوصآ عندما كان في الخرج.

أخوك الصقر الحر

 

 

 

 

[معلومات العضو سالم الغريري]

الله يعطيكم العافيه جميع على المشاركات الجميله

والله يعينك يا ناصر ويقويك تحملنا شوي ترانا مستمتعين بوجودك معنا


وعساك على القوة دايم الدوم

 

 

 

 

[معلومات العضو ناصر بن دهيم]

المشاركة الأصلية كتبت بواسطة سالم الغريري

الله يعطيكم العافيه جميع على المشاركات الجميله

والله يعينك يا ناصر ويقويك تحملنا شوي ترانا مستمتعين بوجودك معنا


وعساك على القوة دايم الدوم

حياك الله ياسالم جعل عمرك طويل وافي يابن العم وانا كذالك مستمتع بوجودي بينكم

وكل الشكر لهذا الصرح الشامخ اللي له فضل على كشاعر وشكرا لكم اخواني وابناء عمي

اخـــــــوكم