سجـــــــل حضــــــورك ببيـــت قصيــــــــد ..

[معلومات العضو كويت الخير]

تايه ولا أدور من المقتدي راي
وتاخذني العزه بالأثم وتراني
خايف من اللي راح اكثر من الجاي
الدرب طال وعادني في مكاني !

 

 

 

 

[معلومات العضو كويت الخير]

نافق تعيش جامل الناس تنحب !
بيع الضمير تشوف كلٍ يجيلك
هذا هو المنظور في وقتنا الصعب
اما تزيل الصدق والا يزيلك !
الصدق ماله لازم بعالم الكذب
حتى الطفل كذاب يالله دخيلك

 

 

 

 

[معلومات العضو حمد ابن فهد]

ياقلبي لاتشاورني الى منـك بغيـت إتطيـر
توكل والسحاب اللـي تعـلا عانـق إمزونـه

توكل وإعقد النيه وخل اللي يصيـر يصيـر
ترى من هاب في حبه هلك ماشاف مضنونـه

ياقلبي هات وأشبعني غلا لاتسمـع التحذيـر
دخيلـك لاتطاوعهـم وتسمـع مايقولـونـه

 

 

 

 

[معلومات العضو حمد ابن فهد]

يامجمعة السوالف مدورة العلوم ،، في ضميري كلمةٍ والله ان اقولها
رفقـةٍ ماهيب لله لايـمكـن تـدوم ،، لو يخالطها الغلا باطلٍ مفعولها

 

 

 

 

[معلومات العضو كويت الخير]

تدري السعاده ليه يا رجل الاعمال
مافكروا في ناطحات السحابه
ويا مدّور الراحه عسى اسنينك طوال
وين انت غادي عن دروب الصحابه
إنعيش ما كن الله بيوفْ الآجال
ما كنها الايام تنِـهب نهابه
دار الشقاء الدنيا تعب هم غربال
ودار البقا الاخر وفيه الرحابه
الموت شرع الله ولا دونه إمهال
الموت سهم ٍ لانوى الشخص صابه

 

 

 

 

[معلومات العضو حمد ابن فهد]

سرا الليل واللي هقوته ما يجيه النوم // عليه الهموم اثقل من طويق والعارض

لكن الذي نومه فمخباه جعله دوم // ليا حط راسه نام ما عارضه عارض

 

 

 

 

[معلومات العضو حمد ابن فهد]

ياآولي الألباب لا قلت الألبابي ،، انصـتـوا للـي لـكـم فـر دالـوبـه

سجلوا شكري مع وافر إعجابي ،، للـزمـان اللـي صلانـا بـلاهـوبـه

 

 

 

 

[معلومات العضو حمد ابن فهد]

بعض الجماعة مثل بعض الإشارات
اللّي تصيّدنا بشارع خديجة.

ليه نتفاوض مثل ياسر عرفات
دام التفاوض ما يطلّع نتيجة.

 

 

 

 

[معلومات العضو كويت الخير]

يا وجودي وجد من صفق على ماضي شبابه
بان شيبه والسنين اللي يبيهن خالفنّه
غرّته خضر السنين وراح عمره ما درى به
غرّرنه وارفعنّه الين سج وحوّلنّه
ويا وجودي وجد عودٍ لا عيال ولا قرابه
ما جداه الا يوّن ويردف الّونّه بونّه
مالقى فزعة رفيق ولا دعاةٍ مستجابه
كل ما امسى له بظنٍ خيّبت الأيام ظنّه
هذا وجدي في غياب اللي نزح والله جابه
صح فرض الله فرض وسنة الرسول سنّه

 

 

 

 

[معلومات العضو الكاتم]

لا تقنع الناس باسلوبك وبا اخلاقك*
الحب والكره والتوفيق من ربّك*
*
سهل انك تحب ناس من آخر اعماقك*
لكن من الصعب تجبرهم على حبّك

 

 

 

 

[معلومات العضو كويت الخير]

يا سوريا لو ماتو كبار وصغار
ونّي وصيحي كل صبح وعشية
حنا ماقصرنا نشوفك بالأخبار
ونعد كم يموت عندك ضحيه
وندعي على بشار ونسب بشار
ونرفع شعار تعيش حمص الأبيه
على كثر مانمدك بعزم واصرار
يمدكم قذايفٍ عسكريه
عزّل ويقصفكم من الجو طيار
وبالبر تقصفكم رصاصات حيّه
لو رحتو من يمين والا من يسار
محاوطتكم كل وجهه سرّيه
صحيح احفاد الصحابه والأخيار
وتاريخنا مابين صيّه وهيّه
بس السياسه من طويلين الأعمار
من خوف لايفلت عنان المطيه
ينسب لك بشار ونهين بشار
بس العمر (عذراً يا حمص الأبيه) !

 

 

 

 

[معلومات العضو كويت الخير]

يمرني بعض الحكي وآتحاشاه
ماقد صدمني لكن اللي صدمني
احسب من اللي مافهمني المعاناه
واثر معاناتي من اللي فهمني !

 

 

 

 

[معلومات العضو كويت الخير]

مؤمن وراضي في غناتي وفقري
ومالي بغير إرضاء ربّي طماعه
عساني القى خير في تالي امري
والقى شفاعه عند ربّ الشفاعه

 

 

 

 

[معلومات العضو كويت الخير]

عند ضو الدّوه وصفر الدلال
اتخيل واتمنى وارتجي
كان يوجعك الشتا هذا تعال
ابرك الساعات واغلى من يجي

 

 

 

 

[معلومات العضو كويت الخير]

ياشعّارنا الغالين جبتو البيوت سمان
وخليتو التكبير والحمد والتهليل
ترى العيد للافراح ماهوب للاحزان
وانا عارف ان احزانكم كلها تمثيل !