سجـــــــل حضــــــورك ببيـــت قصيــــــــد .. - الصفحة 56

**معلومات** **العضو** · 22-01-2013, 01:40 PM

رحنا ضحية طال عمرك : وضعنا كلنا تمام !!
وعاثت بنا:أبشر بالسعد لكن مايخدم بخيل!

**معلومات** **العضو** · 22-01-2013, 04:16 PM

يضيق صدري لآعكست المفآهيم
ويردني عن كثرة الشرح ، عبره

دآم النوايا البيض عآدت »مجآهيم
شق الصداقه مآ تخيطهہ الابرهہ

**معلومات** **العضو** · 22-01-2013, 04:25 PM

مادام موقفنـا خطيـر وحامـي
ماعاد فيها غير اشـد حزامـي

ماعـاد فيـهـا ودي ولا ودي
الموت خلفـي والبحـر قدامـي

الله يجملنـي واجمـل ربـعـي
من قبل تدفن بالتراب عظامـي

**معلومات** **العضو** · 22-01-2013, 04:26 PM

خلاص ما عاد في قلب المقفي رجوع
من يوم جرحك سطابه ساقها للضياع

**معلومات** **العضو** · 22-01-2013, 04:34 PM

(الوالدين) لهم مواثيق وحقوق
وحنا علينا انّا نقوم بوفاهـم
وقارهم من ربنا حق موثوق
يالله عسانا كاسبينٍ رضاهم

**معلومات** **العضو** · 22-01-2013, 04:37 PM

لا تغرك دموع العرب فوق الأطلال
من بينهم لا عشت كنك بغابه !
ماشفت فيهم واحدٍ صافي البال
ولا لقيت المهتني في شبابه

**معلومات** **العضو** · 22-01-2013, 04:56 PM

يابوي وانت اسمك مقدّر ومحشوم
وان تاهت اقدامي تراك الدليله
تعبت وانا اقبل اجباه وخشوم
واجامل اللي مانفعني حصيله
صارت حياة الناس من يفرق السوم !!
واللي ما معه فلوس ياعزتي له !

**معلومات** **العضو** · 22-01-2013, 10:12 PM

ما كل كلمة حق تنقال للناس !!
اكثر جروح الناس من كلمة الحق !

**معلومات** **العضو** · 22-01-2013, 10:53 PM

الله يجازي كل شايب بالإحسان
له مبسمٍ ضاحك وله نفس فذه
البيت لامنه فقد حس شيبان
ما عاد يبقى له حلاوه ولذه

**معلومات** **العضو** · 22-01-2013, 11:29 PM

رحنا ضحية طال عمرك: وضعنا كله تمام !!
وعاثت بنا: ابشر بالسعد لكن مايخدم بخيل !

**معلومات** **العضو** · 23-01-2013, 06:41 PM

دنيا بها بغض و عداوات و احزاب
ما عاد تدري العيب فالناس او فيك
حتى على الاصحاب من بين الاصحاب
من يضحك بوجهك وهو مايدانيك

**معلومات** **العضو** · 24-01-2013, 12:39 AM

حزن الشتا ماغيّره بسمة الصيف
مابينهن نفس المسافه وبيني
الكم يرميني على صخرة الكيف
والظن يسحبني لفرقا يقيني !

**معلومات** **العضو** · 24-01-2013, 12:44 AM

قل للعقول اللي على اقصاي شرهين
من جيت للدنيا و انا بعقل شايب
مايوجع الرجال مدح البعيدين
الا ليا من شاف ذم القرايب !

**معلومات** **العضو** · 24-01-2013, 12:56 AM

تدري متى الانسان تثقل خطاويه ؟
والا وش اللي عن ثباته يهزه ؟
لا من عرف بأن جرحه اللي يعانيه
طعنة ظهر من رمح شخصٍ يعزه

**معلومات** **العضو** · 24-01-2013, 01:15 AM

الطيب مابه ياهل الطايله حيل
مخدوع في كلمة عضيد وسنايد
شتان بين السيل ومجاري السيل
و بين الغثيث و بين جزل الفرايد

الذين يشاهدون محتوى الموضوع الآن : 39 ( الأعضاء 0 والزوار 39)

		منتديات صحيفة وادي الدواسر الالكترونية