نايف بن مسرع.... ودسمان السبيعي

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة ابو عبدالمحسن المسعري

إخواني أعضاء وزوار هذا المنتدى العملاق ، أضع بين أيديكم هاتين القصيدتين لكل من الشاعرين: دسمان بن مناحي السبيعي الذي مدح قبيلة الدواسر بمناسبة إقامة مزاين الإبل المجاهيم بعد أن قام الدواسر بوضع مزاين مرادف خاص بضيوفهم وخصصوا له الجوائز القيمة ، وهذه سابقة طيبة لم يسبق لأحد أن شرعها من القبائل الأخرى قبل قبيلة الدواسر. والقصيدة الثانية لشاعر هذا المنتدى/ نايف بن مسرع " الشامخ " مجاراة لقصيدة السبيعي.

يازين فعل(ن) ياالدواسر فعلتوه = فعل(ن) سبقتوا فيه كل القبايل
حتى لو إن الناس بعدين سووه = أنتم هله من قبل وأنتم الأوايل
قلتوا كلاماً للضيوف وحميتوه = وعاداتكم بالضيف فعل الجمايل
يوم المزاين بينكم ما احتكرتوه = ماعودوا ضيفانكم بالفشايل
من كان معه مشاركه مامنعتوه = ماقيل ذا واجد وذولي قلايل
بينتوا العلم الجميل ورفعتوه = للي يحسّب دقّها والجلايل
تستاهلون الطيب ياللي عملتوه = ويفوز بالطالات من كان طايل
ماهمكم مال العناء لو جمعتوه = ماباقي إلا الفعل والمال زايل
هذا طريقاً للنشامى رسمتوه = إلا الذي سلمه عن الطيب مايل
قررتوا الدرب الصحيح وفرضتوه = مثل القلايد في رقاب الأصايل

دن القلم لي وناصع الطرس هاتوه = الوقت حان لصادقات المثايل
هاج القصيد وصابني منه مشروه = ولا جت مواجيبه يجي له ملايل
يزمر كما حر(ن) من الوكر هدوه = ولا كما واد(ن) من الغيث سايل
سمعتنا دسمان لا فض له فوه = وطربتنا لأبياته اللي دلايل
يجبرني المعنى على قافية أوه = ولا ترى لي في قصيدك مسايل
مدحك بربعي يافتى الجود سمعوه = وتفاخروا به ياكريم السلايل
تثني على اللي طيّب الفعل سنّوه = وتوارثوه من الجدود الأوايل
آلاد زايد من شكى الضيم لبّوه = ويفرح بهم منهو زمانه تمايل
والطيب فنجال إلا منه صبّوه = ينساق للي يكسبون الجمايل
ورجم المعالي ياسبيعي رقيتوه = وساع البشوت وكاملين الخصايل
وبافعالكم ثوب المراجل لبستوه = وأشباهكم بين القبايل قلايل
يقوله اللي شاف... ماقال قالوه = وعاشر نشاماً يكسبون الطوايل
حازوا على الفعل الجميل وتحاموه = وتميزوا بالطيب بين القبايل
وهذا جوابي ياهل العرف حطوه = في صفحة(ن) فيها تخط الفعايل

ومن قال سالم وغانم

الأخ العزيز الغالي أبو عبدالمحسن المسعري

مبدع جعل عمرك طويل على الطاعه

وماهاتين القصيدتين إلأ دليلٍ على تفردك في نشر ماهو جزل

دمت ودام توهجك المستمر وسلمت يمينك اللي ما تنقل إلا الروائع ــ

وصح لسان الشاعرين الكبيرين على ما خطته أنامهلم وحق لكل قبيلة أن تفتخر بأي

شاعر من أبنائها يدافع عنها ويرد الجميل لمن أثنى عليها

عاطر التحايا

محبك ومغليك دغش البطي

 

 

 

 

[معلومات العضو راشد المسعري]

المسعري + دغش البطي

مرحبا مليون × مليون

ياهلا ويامرحبا بكم وشرفتم المشاركة وصاحبها بمروركم العطر ، أنتم وشرواكم السبب الرئيسي لأي عضو لكي يبدع ، دمت ذخرا ولكم محبتي واحترامي