الدوسري عن عشر وديان..... - الصفحة 2

**معلومات** **العضو** · 25-12-2008, 09:04 PM

راشد المسعري..
هلا والله بـــ ابيض الوجه..تسلم يا الغالي..

والله وانا اخوكـ..عاقني السفر عند عزيمة الرجال ..

ولا احد يعزمة دوسري ويتعذر ..والله انه اكبر شرف للواحد عزايمكم..

صح بدنكـ يا رفيق ..كفووو بكـ

**معلومات** **العضو** · 25-12-2008, 09:08 PM

صبي ال عويمر

صح بدنكـ يا النشمي ..

ابيض وجه..يا رفيق..

**معلومات** **العضو** · 25-12-2008, 09:30 PM


	يامرحبابك الحربي ونعم النسل ونعم الرجال ألي لهم صولات وجولات يوم الوغا ومنكم فارس الفرسان ناشي الحربي له ذكر بالكرم والطيب والشجاعه..وتقبل مني خالص التحيه.. أخوك/أحمد الشرافي

**معلومات** **العضو** · 26-12-2008, 07:12 PM

فهد هادي الغريري

ارحب تراحيب ..العز يالغالي..

صح بدنكـ.وروحكـ الطيبة..

ما عليكـ زود يالذيب..

انا اللى افتخر بتواجدي بينكم..

يسلم راسكـ..يا خوي

**معلومات** **العضو** · 26-12-2008, 08:32 PM

صح لسانك اخوي
ابيات جزله لاهنت
والنعم فيك وبالدواسر كافه ويستاهلون المناعير
ننتظر جديدك
ارق التحايا

**معلومات** **العضو** · 20-08-2009, 09:47 AM

صح لسانك يامحمد على الابيات الوافية واهل الوادي دايما يحرون بالعوم الطيبه

وصح لسان الشاعر كلاش على الرد الوافي

وبيض الله وجيهكم

وتقبلوا تحياتي

**معلومات** **العضو** · 31-08-2010, 12:05 PM

بسم الولي انظم القيفان *** قافٍ على قـــاف وابيــــــــها
قصيدةٍ تدبـــــــل الميزان *** يــــــــم الدواســـــر قوافيها
صيت الفعول الجزيله بان *** وانـــــا ذكــرت بمرابيــــها
مجالسٍ للـــــــكرم عنوان *** ولد الردي ما قلط فيــــــها
دلالهم صفر من عمان *** والكيف من صنعا مشريها
قالوا لــ حايل كرم شجعان *** وقولي من الوادي قانيهــا
وادي لطيب الفعول ازمان *** والطيـــب ساسه سواديها
الدوسري عن عشر وديان *** يـــــــــاكبر طنخة اهاليها
اعيالهم نسل لـــــــ كحيلان *** وجدانهــم رمز وافيـــــها
يم الدواسر انــــــــا حيران *** ياكيف ابوفي معانيـــــها
تربطني ابهم نسل جدان *** زايد على الطيب منشيها
حربي انا من نسل بدران *** ماني بنــــــاسي اهاليها

هذي القصيدة .. كامله

اطلب من المشرفين ماعليهم امر

يعيدون تنسيقها بالمشاركة الاصليه حيث التنسيق

حاذف صدر الابيات ..

وشكراً

**معلومات** **العضو** · 31-08-2010, 07:35 PM

الحربي
مرحبابك تراحيب المطر يالقرم
وصح الله لسانك لين ترضــى
وافي وافي وبيض الله وجهك ولاعليكم زود ياحرب رجال كرم ومراجل وعلومٍ غانمه
ويستاهلون ربعنا هل الوادي المدح والثناء وهم كفوٍ له

وصح السان شاعرنا المبدع (كلاش)
ووالله ان انظمام الطيبين مثلك وشرواك مكسب وفخر ويشرفنا

مرحبابك مره أخرى وصح السانك وتقبل جزيل الشكر والتقدير

**معلومات** **العضو** · 31-08-2010, 07:52 PM

اررررحب ثم ارررحب يا الحربي
وصح لسانك عدد بلا مدد
وهذا قليل في حقك وياهلا ومرحبا بين اخوانك في هذا الصرح
ونتشرف بتوآجدك بيينا وكما لا يفوتتني أن اشكر اخوي كلاش ع الرد وصح لسسسانه
وبيض الله وجه ووجهك

**معلومات** **العضو** · 31-08-2010, 08:04 PM

ارحب تراحيب المطر اخوي محمد الحربي الشاعر الكبير ولا عليك زود وصح السانك..

واهل وادي الدواسر وكل ديار الدواسر ابشرك علومهم مثل ذي وازود وحياك الله في كل وقت
..
وصح السان كلاش على ردة الطيب ويستاهلون حرب..

تحياتي وتقديري~ْ،

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية