تبعثر حلمي قدامي وغديت بدنيتي منزوح - الصفحة 17

**معلومات** **العضو** · 13-07-2011, 03:48 PM

ياقو طعنات الخوي خصن ليا جت فـ الظهر
إن ماذبح قو خنجره بيموتك قو القهر

**معلومات** **العضو** · 13-07-2011, 03:49 PM

صار حالي كئيب وصار حالك كئيب
ألزم الصمت لاتكثر علي الكلام
من يدينك ولاهي من رداة النصيب
كل طعنه لها بين الضلوع أحترام
ليتني قبل أعرفك ماعرفتك حبيب
ليتني بس أعرفك وجه والا سلام

**معلومات** **العضو** · 13-07-2011, 03:54 PM

الخوي ليلك الساتر و صبحاً ضوي
الخوي راس رمح و قناة و عباة
الخوي لا احتاست الدنيا لواها لوي
الخوي لا مال حملك.. بصدره لقاه
احرص على الصديق الصريح السوي
اللي ليا خطا صاحبه عن العوجا نهاه
يا طا على جمرتك و بحرقتك يكتوي
يخفي عيوبك عن عيونه.. في ثنايا رداه
اصهل صهيل الحصان و لا تصير حيوي
بعض الحيا كالخنا.. لا من تعدى مداه

**معلومات** **العضو** · 13-07-2011, 03:56 PM

بنت الحمايل كلها دم واحساس
لا عاش راس الجاهل اللي دفنها
هي درة ما جابها كل غطاس
ومن لا يعرف الدر يرخص ثمنها
من هو يساومني عليها من الناس
من هو بسجنه قد تجرا وسجنها
هو ما درى انها حرة ترفع الراس
ما ترضى غير العز لو هو كفنها

**معلومات** **العضو** · 13-07-2011, 03:57 PM

الجبال الراسيه فالمواقف ماتميل
لويميل الدهر مامال غير ظلالها

**معلومات** **العضو** · 13-07-2011, 03:59 PM

ها البشـر ماهمّهم لو عذّبوني
من سـواد قلوبهم حدر الثّياب
لو صرخت بشكوتي مايسمعوني
وإن همست بغلطتي فيه ألف ناب
كلّهم لأدنى خطيّه حاسبوني
وتركوا غيري يمرّ بلا عقاب

**معلومات** **العضو** · 13-07-2011, 04:02 PM

مات الجمر وقلوب الأحباب حيه
والموت لا ماتت قلوب الحبايب
يا شيشتي لو فيك ذنب وخطيه
معاك أحس إني عن الناس غايب
العام كانوا لي من الأصحاب ميه
وقت الرخا لكن جفوا بالنوايب
لا هنت يا قلب شكى من خويه
كم راس من طعنات الأصحاب شايب

**معلومات** **العضو** · 13-07-2011, 04:07 PM

ماجور ياللي من فراقك تعلمت
إن الزمن يومين طيُب وخيُب
فآجئتني بمفارقك ماتولمت
كذا بدون أسباب عني تغيُب
ما مت من فرقاك لكن تألمت
وشيُبت بي ياصاحبي قبل أشيُب
أضحك وأسولف وإن لحقني سهر نمت
لكن قسم بالله ماني بطيُب

**معلومات** **العضو** · 13-07-2011, 04:08 PM

لا هنت ياقلب شكا من خويه
كم راس من طعنات الأصحاب شايب
مرات أقول إن الخبل ياهنيه
لقيتهم يشكون ظلم القرايب
ومرات أقول النذل لارحم حيه
وأثر النذل في بعض الأوقات صايب

**معلومات** **العضو** · 13-07-2011, 04:10 PM

الوقت جاير والبلا ماهو الوقت
مير البلا ناس ٍ سعوا في خرابه
اي والله اني من بلا هالزمن ضقت
الين ما احتديت صوب الكآبه
حتى الذي يجرحْك يسألك صدقت
يعني جروحه صار اسمها دعابه .!

**معلومات** **العضو** · 13-07-2011, 04:19 PM

جاك الظلام وجـاك ربع ومسايير
وجاني الظلام وكل ما احب راحي
علمي بنور الشمس وقت المعاذير
قال الوداع وقلت دربك سماحي
كان الالم غيثٍ فدمعي محادير
وكان الندم سيلٍ فخدي بطاحي
تقول خل الهم واكفخ كما الطير
عطني سما ياخوك والوي جناحي