}{ ياقــلبي جـامـل }{

[معلومات العضو محمد ال بو زمام]

بسم الله الرحمن الرحيم


السلام عليكم ورحمة الله وبركاته


مساكم الله بالخير والعافيه ---- وش حال الجميع .


حبيت ان انقال لــكم هذه القصيده واتمنى ان تنال اعجابكم :

الله على فنجــــال ودله وبـــــراد = تحكر مزاج اللي تعكر مزاجه
في روضه خضراء بها البال منقاد = طب العليل اللي يدور علاجه
وسمره مع القمر وترديد الاشــاد = في ليله فيهاالحبايب تواجه
خير من اللي ما اهتنى لقمة الزاد = جالس لحاله والقصيد احتجاجه
ياليت وقــت فات للعمــر ينــعــاد = ايـــام فيها فرحــة وابتهاجـــه
ياقلب جامل لو على الـمـوت تنقاد = لو كان مالك من وراء الناس حاجه
دنياك هـــاذي كلــها هــم وجــهاد = والشخص فيها مايمــيز خراجــه
أما رمــت به في مسافات وأبــعـاد = وألا تعلمت لـين تـرفـع دراجـــه
لو هي تـفــرش لك من المسك والكاد = لابـــد يــــوم تندرج بانـدراجـــه
تبي لها رجال على الصبر معتـاد = ماينهشم مثل انهشام الزجاجه

وســـلامتكم

وسامحونا على القصور .......

 

 

 

 

[معلومات العضو الشكري]

محمد ال بو زمام ( بو شجاع الدوسري )

قواك الله وابشرك انها

معجبتني

والقصيده وافيه

وبيض الله وجهك على القصيده

والسموحه على التنسيق


وجعلك والله تسلم

 

 

 

 

[معلومات العضو تركي ال فنيس]

بيض الله وجهك يالقرم علي القصيده الرائعه

 

 

 

 

[معلومات العضو محمد ال بو زمام]

السلام عليكم ورحمة الله وبركاته


الله يرفع قدرك اخوي ( الشكري ) ولاهنت انت تمون على الرقبه مو عاد موضوع ياولد العم .

وتسلمون على المرور الطيب .

 

 

 

 

[معلومات العضو أبوفهيد الودعاني]

صح لسانك يابوشجاع ولسان قايلها


وعزالله انها قصيدة طيبه من وجه طيب


لاهنت يالسنافي


تحياتي لك ،،،،،،

 

 

 

 

[معلومات العضو العماني]

لاهنت يابوشجاع على الاختيار الرائع

تقبل تحياتي،،