ابيات مختاره في القهوه !!!

[معلومات العضو سالم الخضراني]

* وهذا الشاعر الفارس تركي بن حميد حيث يصف القهوة وصوت النجر.


يا ما حلا يا عبيد في وقت الاسحار
جر الفراش وشب ضو المناره
معدلة تجذا على صالي النار
ونجر الى حرك تزايد عياره
النجرب طق وجاذب كل مرار
مالفه الملفوف من دون جاره
في ربعة ماهيب تحجب عن الجار
لامن ولد اللاش ما شب ناره

.................................................. ......................

* وكذلك القصيدة المشهورة للشاعر: دغيم الظلماوي في القهوة:


يا كليب شب الناريا كليب شبه
عليك شبه والحطب لك يجابي
الوالمه يا كليب عجل بصبه
والرزق عند اللي ينشي السحابي
حنا علينا جيب ماها وحبه
وعليك تقليط الدلال العذابي
ادغث لها ياكليب من جزل خبه
وشبه الى منه هباكل هابي
باغي إلى شبيتها ثم قبه
تجذب سراة منبعيد غيابي
بنسرية يا كليب صلف مهبه
متلطمين وسوقهم بالعقابي
صبه لقرم صرفته ما حسبّه
يوم البخيل مدنهر الوجه هابي
وعده عن اللي مايداري المسبه
اللي يدوربالقصي الغيابي
لا جاضع المتروع خطو الجلبه
يا حلو تالي الليل خبط الركابي
اقحص لهم وابدي سلام المحبه
لا شح بالهين كبير العلابي
.................................................. ....

* كذلك قول الشاعر: سعد بن حمد بن ضويان في القهوة:


ياحسين لاكني على الجمر مجضوع
من فقد خلاني وفقدي ربوعي
قم سو فنجالٍ ترى الراس مصدوع
صفه وزله عن سريب الخموعي
فنجال فيه مخموس الكيف مجموع
بدلال يشدن الخباس الوقوعي
ونجر دلاله ماو بالصوت مفجوع
يا زين حسه والخلايق هجوعي
وانجاك بالمجلس سنافي وبالوع
عده على الطيب وكب البلوعي .................................................. .............

* يقول محمد العبدالله القاضي عن القهوة والاواني التي تجهز بها القهوة:


دنيت لي من غالي البن مالاق
بالكف صافيها عن العذق منسوق
احمس ثلاث يا نديمي على ساق
ريحه على جمر الغضى يفضح السوق
واياك والنيه وبالك والاحراق
واصحا تصير بحمسة البن مطفوق
دقه بنجر يسمعه كل مشتاق
راع الهوى يطرب الى دق بخفوق
لقم بدله مولع كنها ساق
مصبوبة مربوبة تقل غرنوق
خله تفوح وراعي الكيف يشتاق
الى طفح له جوهر صح له ذوق

إلى أن قال:


زله على وضحا بها خمسة ارناق
هيل ومسمار بالاسباب مسحوق
مع زعفران والشمطري إلى انساق
والعنبر الغالي على الطاق مطبوق
إلى اجتمع هذا وهذا بتيفاق
صبه كفيت العوق عن كل مخلوق

 

 

 

 

[معلومات العضو بنت الذيب]

صحت السنتهم

القهوه تستاهل دواوين

يعطيك العافيه اخوي سالم على الطرح الطيب

ربي لاهانك

 

 

 

 

[معلومات العضو عبدالرحمن بن فلاح آل بريك]

تستاهل القهوة من يقصد فيها خاصة اهل الكيف . لا هنت أبو شافي على النقل المميز .

 

 

 

 

[معلومات العضو فهد الخريم]

الله يعطيك العافية أبو شافي

دائماً متميز

شكراً لك

 

 

 

 

[معلومات العضو سالم الخضراني]

شكرا للجميع على المروور


تحيااااتي وتقديري لكم