مساجله بين الأمير محمد الأحمد السديري رحمه الله و نايف بن عبدالعزيـــــز

[معلومات العضو نايف]

قصيدة الأمير محمد الأحمد السديري رحمه الله

أنتم حباريكم تخافق بالاقفار= وحنا حبارينا السمك يالسنافي
وبأيمانكم شقر(ن)سريعات الأطيار=والكل منهن ماضي الفعل وافي
ذكرتني يامير وأصبحت محتار=وجاوبت خلج البل حم الشعافي
وذكرت طيب ايامنا سر وجهار=يوم الردي في نومة العصر غافي
مذكور يانايف ذرا الضيفومجار=ذكرك في قلب براه الولافي
قلب عن الشدات يامير صبار=إن صد عن طيب الثنا كل هافي

وهذا رد الأمير نايف بن عبد العزيز

ياخال روحتوا لنا ستة أسطار=رفاع المعاني كملتها القوافي
مثايل(ن)يختارها كل محتار=مثل الرعاف بجيد ظبي الكشافي
حييت فيها والتحيه لها كار=ماغرد القمري بروس الخوافي
ليتك خوين لي الى شبة النار=في مربخ(ن) من وقدة الرمث دافي
نبته جديد ماطلع فيه نوار=سقاها مامور(ن) من الوسم ضافي
ممطور امس ولا مشى فيه دوار= فيه الحباري مقبلات (ن)مقافي
اشيل فرخ واسهن وقع وطيار=وعلى يسارك أشقر الريش صافي
هذا عدو الخرب للريش نثار=وهذا الى طلع على الجو شافي
ماكدر الخاطر طويلات وقصار=هروج(ن)هزيله من رجال(ن)ضعافي
من لابة(ن)يردون صعبات الأخطار= ماوالفوا نوم الصفر والعوافي
نقضي لنا وقت وندفن لنا اسرار=الصبر زين وخير الأيام تافي
عاداتنا نقصر طويلات الأشبار = وعدونا نسقيه سم(ن)زعافي
الى عطل الواجب من الناس حبار=نارد ولو ان الموارد عيافي
نارد حياض(ن)وردها حامي(ن)حار=وبيماننا مصقلات(ن) رهافي
لعيون تلع(ن)سوقهن مابعد بار=حديثهن لمجرح القلب شافي

وتقبلـــــــــــــــوا تحيـــــــــــاتي

 

 

 

 

[معلومات العضو العماني]

لاهنت اخوي نايف على هذه المساجلة النادره وبيض الله وجهك

ورحم الله الامير محمد السديري

تقبل تحياتي،،

 

 

 

 

[معلومات العضو أبوفهيد الودعاني]

بيض الله وجهك يانايف على هالمساجله الطيبه

والنادرة من نوعها

والله يرحم الامير الشاعر محمد السديري


تحياتي لك ،،،،

 

 

 

 

[معلومات العضو نايف]

الأخ العمـــــــــــــــــاني
الأخ البـــــــــــــــــــراق
لاهنتوا جميعا على المرور وبيض الله وجيهكم على الردود الطيبه ,,,,,

 

 

 

 

[معلومات العضو تركي ال فنيس]

اخوي نايف بيض الله وجهك علي المساجله الاكثر من رائعه

 

 

 

 

[معلومات العضو نايف]

اخوي تركي وجهك ابيض على المرور والرد الطيب,,,,

 

 

 

 

[معلومات العضو حمد]

مشكور ياخوي نايف على هالمساجله الطيبه ..

 

 

 

 

[معلومات العضو نايف]

اخوي حمد أسعدني مرورك وردك الطيب لاهنت يالغالي ,,,,