ااااااااااااه يايمه قلبي الفاقد وجودك لو تشوفينه خرابه

[معلومات العضو وجد الكتابة]

يشهد الله ما نسيتك يا بعد وجد الكتابه
من رحلتي وش تغير والألم عاده يهلي!

ااااااه يا يمه فديتك ماني من عهد الصحابه
واحتسب موتك مصيبه واطلبه بس يغفر لي

قلبي الفاقد وجودك لو تشوفينه خرابه
عافته حتى المصايب والجروح اللي بكلي

ما لقيت اللي تواسي دمعتي عند الكأأأأبه
ولا عرفت اللي دعاها يرتفع يومٍ تصلي

ابكي ودمعي بخدي والعقل فاقد صوابه
لا ذكر قلبي كلامك وانتي لشعري تفلي

تذكري يومك تقولي "انتبه حولك ذيابه!"
واحترس منهم غناتي والقدم لا لا تزلي

شفتهم واللي خلقني حكيهم " يا مرحبا به "
من قريب ومن قريبه ومن خوي عايش بظلي

ليه واحدهم يا يمه لا زعل كشر بنابه
واسمعه يطعن في ظهري " ينقلع خله يولي "

حاجته لك يا كبرها ليتك تشوفي مصابه
مفتقد يمه حنانك والكلام اللي يسلي

ليتني عندك بقبرك واحضنك واحضن ترابه!
واطلبك ما تتركيني للبشر تفرح بذلي

ليتني ميت بموتك ويتهنون بغيابه
قلبي اللي لا عطاهم ما لقى شيٍ يخلي

همهم بس يجرحونه ويتغنون بعذابه
ولجلهم اعفو واسامح ما كأنه شي حصلي

كلها باسم المحبه والصداقه والقرابه
والزمن يمكن يغير طبعهم عل ولعلي

دامها دنيا رخيصه حجمها دون الذبابه
ليه اساوم في ثمنها وارفع السعر واغلي

كنت اسميهم قصيدي لا ويعزفوني ربابه!
وكنت احاتيهم وادور اي سبب حق التغلي

كنت امازحهم بلطفي ويتهزون بغرابه
ويرموا الشوك بطريقي والمنى ارحل واجلي

غلطتي امشي بنيه والغلط هذا عقابه
ما دريت ان الصراحه تجعل الصادق يدلي

هامته عقب المعالي لو بها الموت وصعابه
والصدق عندي معاني تنكتب باعلى سجلي

اه يا يمه خذيني من على متن السحابه
عندي احساس بمجيئك وانتظر هذا محلي

ويشهد الله ما نسيتك يا بعد وجد الكتابه
من رحلتي وش تغير!!
من رحلتي وش تغير!!
من رحلتي وش تغير!!
من رحلتي وش تغير!!
من رحلتي وش تغير!!


والحزن
عاده يهلي

والألم
عاده يهلي

والقهر
عاده يهلي

 

 

 

 

[معلومات العضو محمد بن حمد الشكرة]

الله يعطيك العافية على الابيات الجميلة والرائعة

 

 

 

 

[معلومات العضو شيهانه بكف صقار]

الله الله

يعطييييييك الف عافييييييييية ع الابيات الجزلة من واحدن جزل

وصح الله لسانك ملاييين

والله يرحمها ويغفر لها

 

 

 

 

[معلومات العضو برنسيسه الريــــاض]

الله يرحمهــــا و يغفر لهـــــا ,,,,,,,,,,,,,,

أبيات محزنــــه لاكنهــــا رائعــــــــــــه ...............

سلمت يداك على ماكتبت ومشاعرك على ماأملت ,,,,,,,,

كل الود,,

 

 

 

 

[معلومات العضو بروووق السحااايب]

الله يرحمها


الله يرزقنا بر والدينا أحيان وأمواتا


شـكــ وبارك الله فيك ـــرا لك ... لك مني أجمل تحية .

 

 

 

 

[معلومات العضو خيالية]

سلمت يداك ابيات رائعه .......

 

 

 

 

[معلومات العضو وجد الكتابة]

المشاركة الأصلية كتبت بواسطة محمد بن حمد الشكرة

الله يعطيك العافية على الابيات الجميلة والرائعة

الله يعافيك

وصح تواجدك

وتوتصلك

دمت بخير

 

 

 

 

[معلومات العضو وجد الكتابة]

المشاركة الأصلية كتبت بواسطة شيهانه بكف صقار

الله الله

يعطييييييك الف عافييييييييية ع الابيات الجزلة من واحدن جزل

وصح الله لسانك ملاييين

والله يرحمها ويغفر لها

صح قلبك وفكرك

وتواصلك الرائع كصاحبته

دمتي بووود

 

 

 

 

[معلومات العضو قلب القلطه]

الله يعطيك العافيه علي الابيات الجميله والرائعه



تقبل مروري



تحياتي وتقديري لك

 

 

 

 

[معلومات العضو ابو سااالم]

أبيـــــــــــــــــــــــأآآآآآآآآآآآت روعه والأجمـــــــــل طرحك وتواجدك

 

 

 

 

[معلومات العضو عبدالله الفاران]

الله يعطيك العافية على الابيات الجميلة والرائعة