ان كان طيبي عيب ومشكلتي اوفيت ...

[معلومات العضو عبدالرحمن بن عويس]

[[ ان كان طيبي عيب ومشكلتي اوفيت ... ]] !!


ياليل ماذكر في حياتي تمنيت ... مثل ابتسامه تنتشل قلب منصاب

مليت ورب البيت يالييل مليت ... من الجروح اللي تجيني بلا اسباب

تدري ياليل اني على الجرح غنيت ... غنيت دمعه والصدى ضم الاهداب

تبي الحقيقة والصراحة ترجيت ... فرحة ولكن الزمن بالعطا خاب

ياليل قلي بدنيتي ويش سويت ... حتى الهموم بداخلي تفتح ابواب

ان كان طيبي عيب ومشكلتي اوفيت ... اموت صادق وارفض اعيش كذاب

طبعي كذا من ميزتي ماتخليت ... عندي مبادئ دونها ترخص ارقاب

بيني وبينك ياكثر ماتعنيت ... اركض بغرفة مغلقة مالها باب

غرفة وراها فرحتي دونها جيت ... اركانها عتمة ولاحولي احباب

كاس الفراق المر منة تقهويت ... انا اشهد لن الشوق بالليل غلاب

ياليل انا لاشفت ماعفت قفيت ... اقفي ولو خلفي كثيرين الاصحاب

الا جروحي كل مارحت واقفيت ... جتني تحمل صدتي لو وعتاب

ماذكر ولو مرة بحياتي تهنيت ... اضحك كذا والصدق عن شفتي غاب

صارت دموعي ضيف وعيوني البيت ... ودايم تشوف من المناديل ترحاب

لاشفت شمس الصبح لايديك حنيت ... وفي داخلك حبر القلم بالشقى ذاب

اسريك بحالتي واذا رحت ونيت ... مابي تروح ودمعتي بين الاهداب

اكتب شعوري في ظلامك على ايت ... ونورك ختم قصة عذابي على اب

يالليل قل للصبح اني تمنيت ... بس ابتسامه تنتشل قلب منصاب

وسلامتكم !!

 

 

 

 

[معلومات العضو عبدالعزيز عبدالرحمن الفوزان]

صح لسانك وعسى الله يحقق لك ما تتمناه يالليل قل للصبح اني تمنيت ... بس ابتسامه تنتشل قلب منصاب البيت هذا قصيدة لوحده حس عالي أهنأك على إبداعه الشكر لك للإمتاعنا أبوعبدالرحمن

 

 

 

 

[معلومات العضو الزين]

ان كان طيبي عيب ومشكلتي اوفيت = اموت صادق وارفض اعيش كذاب
طبعي كذا من ميزتي ماتخليت = عندي مبادئ دونها ترخص ارقاب

لاهنت علي النقل الطيب وبيض الله وجهك ياخوي

 

 

 

 

[معلومات العضو عبدالرحمن بن عويس]

إلى الأخوة الاعزاء /

لكم مني فائق التقدير والأحترام . . . وأشكركم على مروركم وتعليقاتكم !!!

وهذا إن دل فأنة يدل على تألق هذا الصرح والكيان الا وهــــــــو :-


[[( منتدى قبيلة الدواسر الرسمي )]] !!!

ونسأل الله العلي القدير إن يوفقنا بالرقي والتميز بهذا المنتدى
تحت ظل الإدارة الحكيمة ومتابعتهم أول بأول ....

ودمتم ومن أحببتم بكل صحة وعافية . . . . !!

أخوكم ومحبكم/
عبدالرحمن بن عيسى العويس

 

 

 

 

[معلومات العضو فهدالمحيسن]

اخينا الغالي عبدالرحمن بن عيسى العويس

السلام عليك ورحمة الله وبركاته وبعد

مبدع دائماَ في جميع المواضيع التي تطرحها

نسال الله لك التوفيق والنجاح

 

 

 

 

[معلومات العضو فهد بن مبارك الودعاني]

أخوي و عزيزي أبو عويس

جميل ماخطه قلمك المميز

وصح السانك و أعتلأ شانك يالقرم


ننتظر جديدك.


تقبل مني أرق التحايا و أعذبها من أخوك.....

 

 

 

 

[معلومات العضو غلا نجد]

وانت سالم وغانم

يعطيك العافيه استاذي

صح اللسان شاعرها صاغ وابدع

دام نبض قلمك يشدوا في سماء الابداع

لك جل الاحترام والتقدير