بدوي يختبر خاطب بنته

[معلومات العضو ابومحمد الدوسري]

السلام عليكم ورحمة الله وبركاته

بدوي يختبـــر خاطـــب بنـتـه !!!
نزل أحدهم على بدوي ضيفاً يريد الزواج من ابنته فقال له البدوي :
: أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف / تفضل .
: البدوي / وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط .
البدوي / : ما لك لوا ... هذا سعر البترول .
طـيـب .... من هو اللي يصلي النافلة ويترك الفرض؟
الضيف / المجنون :
: البدوي / صدقت ... هذي الموظفة اللي تخدم الناس
وتضيع زوجها وأولادها وبيتها طيب ...
من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب !
: البدوي / أبداً هذا بسيط للي يعرف الواقع ...
هذي الحرمة اللي تشرد من بيتها وتطالب بسواقة السيارات
وش الدولة اللي فيها رئيسين ؟
الضيف / ما فيه يا عمي حتى الملعب وهو ملعب
ما فيه إلا حكم واحد وعنده مساعدين
: البدوي / شفت إنك ما أنت داري بشي ....
هذي بيوت اللي ينادون بمساواة المرأة بالرجل.
طيب ... إذا بغيت معنى كلمة عربية وين تدور عليها ؟
الضيف / في لسان العرب أو القاموس المحيط .
: البدوي / ما عندك سالفة ... بوش على الذمة
ما تشوف كيف فسر لنا كلمة " إرهاب " وكل العالم وافقوه عليها
الضيف / أجل , الله يستر لا يجي اليوم اللي يفسر لنا فيه
معنى التوحيد والإسلام
: البدوي / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة !
: البدوي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!
طيب ... منهم الأبرياء اللي يجوز قتلهم ؟
الضيف / ما فيه .
: البدوي / هذول ... المسلمين ،
ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين ، .
إييييه ... الظاهر يا ضيفنا العزيز إن ما لك نصيب
في البنت لأن ما عندك (( فقه بالواقع ))
وبعدين البنت باقي تدرس وعمرها لا زال 35 سنة
وباقي توها صغيرة على الزواج!!
8
8
8
راحت عليه العروس

 

 

 

 

[معلومات العضو محمد العاطف القحطاني]

هههههههههههههههههههههههههههههههههههههه


أشكرك والله خوش قصه طريفه ومفيده يابومحمد .

 

 

 

 

[معلومات العضو محمد ال مطيلق]

مشكور على القصه الظريفه

تحياتي لك

 

 

 

 

[معلومات العضو راعي البرصا]

مشكور على القصه الظريفه

 

 

 

 

[معلومات العضو عبدالله الغييثات]

ههههههههههههههه
يادافع البلا


ودمت بود

 

 

 

 

[معلومات العضو الشقرديه]

الف شكروعافيه اخوي ماقصرت على القصه المسليه ههههههههههههههه طريفه مره البدوي ماشاء الله عليه ذكي حلله الشقرديه

 

 

 

 

[معلومات العضو بنت الاشراف]

ههههههههه
الف شكر على هالقصه الطريفه