أحب الرجوله .............

[معلومات العضو ابن قرنين]

نشدني صديقن قال حبك ورى ما بان= ورى فالغزل مالك بيوتن مسويها
ولا لك غزل يالقرم بسم الله الرحمن = ورى كن ما تذكر هنوفن مهاويها
وانا اقول قلبن ما يحب الهوى غلطان = وابشرك والله من هنوفن مهاويها
وبعلمك وانت اتعوذ من الشيطان = دام النشاما تستمع لي بذانيها
انا احب لي حبن تولع به العربان = اعيال النشاما اللي طوالن يمانيها
احب الرجوله والرجوله لها سيسان = ترى ساسها لاطاب يرسي ويرسيها
واحب الكرم واهل الكرم والكريم معان = كريمن ونفسه للمواجيب مصخيها
واحب اشتريلي عودن ازرق من الدكان = واطيب ارجالن سيرت لي واقهويها
واحب الدلال الصفر من صنعة الرسلان= اليا دارت المجلس وماجوبها فيها
واحب الحرار اللي لها فالعشى برهان = تقضض على جول الحباري وتدميها
واحب الحصان اللي سبق والحصان حصان =واحب الذلول اللي تقدم براعيها
حسينة حلا يامالها فالحلال اثمان = اخطات الأصيل اليا افرحت وجه قانيها
واحب الجيوش اليا ارزمت داخل الميدان = لا قادها القايد وهرول يباريها
واحب الصحاري خص لا شبعت الحيران = لا بكر الوسمي وزانت مراعيها
واحب الحلال اليا انتشر داخل الصمان =قطاعين ذودن والمواتر ابتاليها
واحب البيوت اللي تظلل به البدوان= اعيال الجزيره ساكنينن براضيها
واحب الخيال المدلهم لا انهمر والدان = واحب الفياض اللي تناسف علاويها
واحب انمزع رجلي وشرف على الجيان= وامد النظر فاللي عسى المزن يسقيها
واحب الجيوب اللي تمرهد مع الخليان = تعانق طيور الجو وتمشي مماشيها
واحب الخوي اللي تجي كلمته ميزان = وزن كلمته لجل الرياجيل تعليها
واحب الرفيق اللي وقت الشدايد بان = رفيق الرفيق ورفقته ما يخليها
واحب القصيد اللي يحكم على القيفان = واحب الصفوف اليا استوت قد مواليها
واحب السوالف واتسمع من الشيبان =اليا وردوها بيضت وجه راويها
واحب المثايل لا ذكرها مثل راكان = واحب العلوم الطيبه وافتخر فيها
واحب القصير اللي يبين لك الصفطان =مثل جيرتن كل المخاليق تطريها
وهي قصرة محمد اليا عدة الجيران = له قصرتن ما جالها الي يحاليها
واحب الهنوف اللي لها فالحشى مسكان = فتاتن على السنه عزازن مواطيها
ستيره ولا تحرص على فتحة البيبان = ولا تلتفت للي يبي يلتفت فيها
وخير المنايا كلها طاعة الرحمن = لا وا هني اللي صلاته مصليها

وسلامتكم__________________

 

 

 

 

[معلومات العضو فهدالمحيسن]

مشاركة جميله تشكر عليها

 

 

 

 

[معلومات العضو مبارك الخييلي]

أبن قرنين صح ألسانك وتسلم يمناك علي هذه الأبيات الجميله والرائعه

وصح ألسان الشاعر مرير بن حبيل العتيبي

لاهنت


وأنـــتـــظــر جــديــدك

 

 

 

 

[معلومات العضو الزين]

ابن قرنيــــــــــن تسلم يمناك علي النقل

وصـــــــــح لسان شاعـــــــــــــــــرها


الزيــــــــــــــــــــــــن

 

 

 

 

[معلومات العضو ابو فايز]

السلام عليكم ورحمة الله وبركاته


صح لسانك يالغالي يعطيك العافيه على القصيده الرائعه