قصيده الشاعر :محمد العازمي في وصف القبايل

[معلومات العضو ولد عطا]

السلام عليكم ..
هذي قصيده للشاعر محمد العازمي من قبيلة العوازم الهوازنيه يصف بها جميع القبائل .. ولكم ما جاء في القصيده ..

يقول الشاعر :

بسم الله ابدي وابتدي نظم قافي=ابيات شعرن ما عليها خلافي
من راس رجالن كريمن سنافي=للمنتدى بذكر جميع القبايل
ابدي بربعي مزبن الذيب والطير=عوازمن وقت الملاقا مغاوير
كل العوازم كلبوهم مناعير=شجعان ربعي طيبين الفعايل
يا الاد عازم يا طويلين الايمان=ذباحتن للشيخ في وقت الاكوان
حنا العوازم من هوازن وعدنان=ولاقول قصره في عيال الحمايل
وعشان ما يحسب على طرقنا عيب=ابذكر اللي شفت بالمنتدى جيب
ما هو بتقصيرن لمن ذكرهم غيب=والنعم والله في جميع الحمايل
ابذكر السبعان ذربين الايمان=ريف الركاب موكله كل جيعان
لا ثار دخان المعادين فرسان=ما شفت بالسبعان رجال مايل
وابذكر سهول الجزيره الكريمين=رجال في حق المسير موارين
ولا ثارت الهيجا سعوط المجانين=ما قلتها من غير عرف ودلايل
اما الهواجر ياعرب مسند الضيف=ما كد زبنهم سايلن ما لقى ريف
ووقت الملاقا مشبعين المراهيف=تعجبك فزعتهم ليا حال حايل
وان جيت ابذكر مشبعين المعاطيش=عتبان في وقت الملاقا مغاويش
كعام من يدخل على راسه الطيش=في حقهم ما يسعفني مثايل
وابذكر المطران حمر النواظر =تاريخهم معروف ماضي وحاضر
رجالهم وقت الشديدات حاظر=مطران ما ياطون درب الفشايل
ومن عرضها بذكر رجال الخوالد=تاريخهم بالطيب حافل وخالد
ترثت صحابي نعم بعيال خالد=نقالت الرايه على كل عايل
وايضا ابذكرلي رجالن مشاكيل=كل عنزه شجعان وايضا حلاحيل
تعجبك فزعتهم على العدل والميل=قروم نسل قروم يانسل وايل
ثم اذكر العجمان سقم المعادين=وقت الملاقا ما دخل قلبهم لين
خطلان الايدي للطويلات ضارين=عجمان قبلي جابهم كل قايل
وابذكر المره رجال الحرايب=عون الرفيق مزبنين الركايب
لا هبت هبوب المراجل هبايب=رجالهم للناس مضحي وشايل
واذكر بعد ربع السلوم الوفيه=دواسرن شجعان والنار حيه
الدوسري قرمن يشرف خويه=ووقت الملاقا يردعون الهوايل
ثم اذكر الظفران بالفعل نوماس=وترى الظفيري ياعرب حر قرناس
لطامتن للي يجي فيه هوجاس=ظفران وان عديت عرب السلايل
وابذكر من الطيب ذكر القحاطين=رجالهم كاسب بكل الموازين
وان جت للفزعه رجالن سلاطين=والقول في حق القحاطين طايل
ثم اذكر رجالن قرومن طنايا=شمر ليا ثارت كرام اللحايا
واكرامهم للضيف حطوه غايه=تشهد على ما اقول بدوان حايل
وابذكر رجالن كرامن حرايره=بني تميم ان كان ثارت جسايره
ترى التميمي مزبن اللي يخايره =نعمين منهم طيبين الفعايل
ثم اذكر حروب الجزيره سنادي=اللابه اللي يكعمون المعادي
خويهم يحشم ولا هو بغادي=نسل الكرام مزبنت كل سايل
واذكر بعد بالطيب والجود زهران=لا ثار دخان المعادين شجعان
خويهم ما ظنتي نام حيران=وعندي على ما اقول عرف ودلايل
وان جيت ابذكر ثرثت الجود والطيب=فضول دايم حافظين المواجيب
واللي يعاديهم غذا حظه معيب=شجعان والعربان جايل وصايل
واذكر بعد من عرضها ذكر غامد=رجالهم وقت الشديدات جامد
نعمين منهم طيبين المحامد=من اطيب العربان عون الدخايل
ثم اذكر رجال الحجر والعزيمه=اللي لهم بالطيب والعز شيمه
عدوهم ما نال منهم غنيمه=نقالت الرايه على كل عايل
واذكر بعد من عرضها ذكر البقوم=وقت المراجل عدهم عون وقروم
شجعان بالميدان ما فيهم رخوم=تعجبك فزعتهم ليا حال حايل
ومن عرضها نسل الرجال المناعير=رشايده في نحرهم يشبع الطير
ما يذكرون الا على الطيب والخير=رشايده لا حال بالجو حايل
واذكر بعد كل العوايل ونعمين=ماني بناسيهم رجالن كريمين
اكثر عوايلنا تراهم عريبين=والنعم والله في جميع العوايل
واخص في قولي سلام وتحية =لابو فهد رجال زبن الونيه
لا هنت ياراعي السلوم الوفيه=بالمنتدى جمعت كل القبايل
وكلمة شكر في حق رجال زيزوم=جابر ولد هايف ومن نسل شغموم
ياصاحبي لا هنت يانسل القروم=مثلك بوقت المدح للمدح نايل
محمد بن عبيد قدم عذايره=للي من العربان غابت ذكايره
ما هي بمقصوده ولا هي حقايره=والنعم والله في جميع القبايل
بختامها صلو على سيد الناس=المصطفى المختار من جملة الناس
اللي بعثه الله على مجمل الناس=تعداد ما تبرق بروق المخايل

وشكرا لحسن المتابعه ...

 

 

 

 

[معلومات العضو <<<< الشرافي>>>>]

لاهنت يا ولد عطا على النقل وصح لسانك ولسان شاعرها

 

 

 

 

[معلومات العضو اخو بتلا]

صح لسانك ولسان الشاعر محمد العازمي
وللمعلوميه
العجمان كفو
بس في مدح الشاعر محمد العازمي أن العجمان خطــــــــلان الأيـــدي لا الدواســـــر خطلان الأيدي
وتقبلوا تحــــــياتي أخـــوكم: أخــــو بتـــلا

 

 

 

 

[معلومات العضو الشقرديه]

سلمت انااااملك على نقلك القصيده

 

 

 

 

[معلومات العضو **المنيعي**]

يعطيكم العافيه وصح لسان الشاعر

 

 

 

 

[معلومات العضو مبارك الخييلي]

ولد عطا أولا لاهنت علي نقلك الموضوع وبيض الله وجهك

وثانيا ذكر في القصيده
خطلان الايدي للطويـلات ضاريـنعجمان قبلـي جابهـم كـل قايـل
والمعروف خطلان الأيدي هم بني عمي لاد تغلب ولاد زايد

تقبل الشكر والتقدير
مبارك الخييلي

 

 

 

 

[معلومات العضو ولد عطا]

السـلام عليـكم ورحمـة اللـه وبركـاته

واللـه ونعـم فيـكم ونعـم بـ العجمـان

واللـه يـ أخوانـي أنا ناقـل الموضـوع

وكتبتـه كمـا قـال شاعرهـا

أن كـان الدواسـر خطـلان الايـدي واللـه ونعـم ونعـم ونعـم

وأن كـان العجمـان ونعـم ونعـم ومعـم

ومع عـلى الرسـول ألأ البـلاغ

شاكـر لكـل من رد

وصـح أبدانـكم ولا أنتـم

أحتـرامي وتقديـري

ولد عطـا

 

 

 

 

[معلومات العضو قلم بدون حبر]

[IMG][/IMG]

المشاركة الأصلية كتبت بواسطة اخو بتلا

صح لسانك ولسان الشاعر محمد العازمي
وللمعلوميه
العجمان كفو
بس في مدح الشاعر محمد العازمي أن العجمان خطــــــــلان الأيـــدي لا الدواســـــر خطلان الأيدي
وتقبلوا تحــــــياتي أخـــوكم: أخــــو بتـــلا

وخطلان الايدي من آشهر عزاوي الدواسر أي طوال الأيدي في الكرم والشجاعة
وبلغ ولد عمك لاهنت

 

 

 

 

[معلومات العضو عبدالله العماري]

يعطيك العفيه ( عبدالله العماري )